Stqarrijiet għall-Istampa

Ċelebrazzjonijiet liturġiċi mill-Arċisqof Charles Scicluna f’Ġunju 2023

06/06/2023

Matul ix‑xahar ta’ Ġunju, l‑Arċisqof Charles Jude Scicluna se jkompli jiċċelebra l‑quddies ta’ matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt.

Il‑quddies organizzat mill‑Arċidjoċesi ta’ Malta qed jixxandar:

Riflessjoni tal-Kummissjoni Ambjent għal Jum l-Ambjent 2023

05/06/2023

Fl-okkażjoni tal-Jum Dinji tal-Ambjent, li jitfakkar bħal-lum 5 ta’ Ġunju, il-Kummissjoni Interdjoċesana Ambjent (KA) tagħti ġieħ lill-għaqdiet ambjentali volontarji, sindki u kunsilliera u mijiet ta’ ċittadini Maltin li jagħtu sehemhom għall-ħarsien tal-ambjent u l-kwalità tal-ħajja taċ-ċittadini kollha li jgħixu f’Malta u Għawdex.

Il-Kummissjoni tħeġġeġ ukoll lill-politiċi biex jaħdmu għall-ġid komuni waqt li għadhom fil-poter biex jagħmlu t-tibdiliet meħtieġa.

F’dan il-jum il-Kummissjoni tfakkar li l-istrateġiji li jħarsu l-ambjent u l-biedja qed ikunu “imminati minn proċess ta’ ppjanar li ma jsostnihomx”… Kompli aqra »

Mark Pellicano jinħatar Kap tas‑Safeguarding Commission

29/05/2023

L‑Arċisqof Charles Scicluna ħatar lil Mark Pellicano bħala l‑kap il‑ġdid tas‑Safeguarding Commission tal‑Arċidjoċesi ta’ Malta, li tinvestiga każijiet ta’ abbuż fi ħdan il‑Knisja u tippromwovi l‑benesseri tat‑tfal u tal‑adulti vulnerabbli.

Is-Sur Pellicano, li kien Senior Manager tas-Servizzi tat-Tfal fi ħdan Fondazzjoni Sebħ – organizzazzjoni tal-Knisja li toffri residenzi lil tfal li ma jkunux jistgħu jibqgħu jgħixu mal-familji tagħhom – għandu esperjenza estensiva f’dan il-qasam minħabba li okkupa diversi karigi, kif ukoll huwa lettur fil-Fakultà għat-Tisħiħ tas-Soċjetà fl-Università ta’ Malta… Kompli aqra »

Is-sitt volum ta’ ‘Kelma ta’ Ħabib’

Il-ktieb bl-omeliji u d-diskorsi tal-Arċisqof Charles Scicluna

28/05/2023

It-talba għall-għaqda tal-pajjiż u li nkunu soċjetà iktar akkoljenti huma wħud mit-temi li jirrifletti fuqhom l-Arċisqof Charles Jude Scicluna fis-sitt volum ta’ ‘Kelma ta’ Ħabib’. Dan il-ktieb jiġbor fih l-omeliji u d-diskorsi tal-Arċisqof fis-sitt sena tiegħu bħala Arċisqof ta’ Malta.

Din l-edizzjoni hi differenti minn ta’ qabilha minħabba li l-maġġoranza tal-omeliji mill-Arċisqof saru waqt li d-dinja kienet maħkuma mill-pandemija COVID-19, li minbarra li pposponiet b’sentejn iż-żjara appostolika tal-Papa Franġisku f’Malta, bidlet il-mod ta’ kif il-Kelma ta’ Alla bdiet tasal direttament fid-djar tan-nies.  L-appell kontinwu tal-Arċisqof matul l-eqqel tal-pandemija kien biex fi żminijiet diffiċli ma nitilfux it-tama, nieħdu ħsieb ta’ xulxin bi kwalunkwe mod possibbli u ma ninsewx lil dawk li huma fl-akbar bżonn. Fl-omeliji tiegħu, l-Arċisqof appella biex l-istituzzjonijiet tal-pajjiż jiġu megħjuna sabiex jagħmlu d-doveri tagħhom u jipprovdu ġustizzja, informazzjoni sħiħa, u verità… Kompli aqra »

Is-saċerdoti jirriflettu dwar il-qawwa tal-liturġija f’soċjetà sekulari

Aġġornament tal-Kleru 2023

27/05/2023

‘Lejn liturġija li tattirana u tbiddilna’ huwa s-suġġett li ntagħżel għall-Aġġornament tal-Kleru 2023 sabiex is-saċerdoti djoċesani u reliġjużi jifhmu b’mod aħjar kif il-liturġija, jiġifieri ċ-ċelebrazzjonijiet kollha tal-Knisja li fihom l-Insara jagħtu qima lil Alla, tkabbar fihom u fil-poplu ta’ Alla l-ispirtu ta’ talb, u b’mod partikulari li l-Liturġija twassal għal-laqgħa ma’ Kristu Rxoxt.

Għal dawn it-tlitt ijiem ta’ diskussjoni ġie mistieden Fra Goffredo Boselli bħala l-kelliem ewlieni… Kompli aqra »

10 adulti se jirċievu s-sagrament tal-Griżma tal-Isqof

26/05/2023

Nhar il-Ħadd li ġej, festa tal-Għid il-Ħamsin (Pentekoste), għaxar persuni adulti se jirċievu s-sagrament tal-griżma tal-isqof. Dawn il-persuni ġejjin minn pajjiżi differenti, fosthom Malta, l-Indja, il-Pakistan, u l-Italja. Huma se jiġu kkonfermati fil-fidi tagħhom mill-Isqof Awżiljarju Joseph Galea-Curmi waqt quddiesa fil-Knisja Parrokkjali ta’ Marija Lunzjata f’Ħal Balzan, fis-6:30pm. 

L-għaxar kandidati ilhom għal dawn l-aħħar xhur jitħejjew minn katekisti li jagħmlu parti mill-Ministeru għall-Bidu tal-Ħajja Nisranija tal-Adulti fi ħdan l-Arċidjoċesi ta’ Malta… Kompli aqra »

L-ordinazzjoni ta’ djaknu ġdid fil-parroċċa Griega-Kattolika Maltija

19/05/2023

Nhar il-Ħadd li ġej, 21 ta’ Mejju 2023, il-parroċċa Griega-Kattolika f’Malta se jkollha djaknu ġdid. L-ordinazzjoni djakonali tas-suddjaknu Jesmond Schembri se ssir bil-barka tal-Arċisqof Charles Scicluna u bit-tqegħid tal-idejn ta’ Mons. Manuel Nin O.S.B., Eżarka Appostoliku tal-Greċja u Isqof Titulari ta’ Carcabia. Il-quddiesa tal-ordinazzjoni se ssir fil-Knisja ta’ San Nikola ta’ Mira (Tal-Erwieħ), il-Belt Valletta fid-9.00 a.m.

Is-suddjaknu Jesmond Schembri hu mill-Parroċċa Griega-Kattolika ta’ Sidtna Marija ta’ Damasku, il-Belt Valletta… Kompli aqra »

Stqarrija mill-Arċidjoċesi ta’ Malta

17/05/2023

F’blog riċenti fuq il-website tiegħu, Simon Mercieca, Professur tal-Istorja fl-Università ta’ Malta, allega li l-Arċisqof Charles Scicluna hu membru tal-Opus Dei.

Dan hu totalment falz.

Għall-kuntrarju tal-allegazzjonijiet qarrieqa li għamel Prof. Mercieca, l-Arċisqof Charles Scicluna mhuwiex, u qatt ma kien, membru tal-Opus Dei. Kompli aqra »

…

L-ordinazzjoni ta’ erba’ saċerdoti ġodda

10/05/2023

Il-Knisja f’Malta se jkollha erba’ saċerdoti ġodda fil-ġranet li ġejjin. L-ewwel ordinazzjoni presbiterali ta’ tliet djakni se ssir mill-Arċisqof Charles Jude Scicluna nhar is-Sibt, 13 ta’ Mejju 2023, fid-9:30am, fil-Konkatidral ta’ San Ġwann, il-Belt Valletta, u se tixxandar fuq Knisja.mt u Newsbook.com.mt.

Dawn it-tliet djakni huma: Rev. Gylan Camilleri mill‑Parroċċa ta’ Sant’Anna, Wied il‑Għajn; Rev. Clive Seychell mill‑Parroċċa ta’ San Ġużepp, il‑Kalkara;  u Patri Ian Zammit, tal‑Ordni tal‑Predikaturi… Kompli aqra »

Ċelebrazzjonijiet liturġiċi mill-Arċisqof Charles Scicluna f’Mejju 2023

07/05/2023

Matul ix‑xahar ta’ Mejju, l‑Arċisqof Charles Jude Scicluna se jkompli jiċċelebra l‑quddies ta’ matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt.

Il‑quddies organizzat mill‑Arċidjoċesi ta’ Malta qed jixxandar: