L‑Arċidjoċesi ta’ Malta żiedet is‑sussidji lid‑djar tat‑tfal tagħha b’€180,000, minkejja li rreġistrat żbilanċ ta’ €325,000.

F’konferenza tal‑aħbarijiet fejn ġie ppreżentat ir‑rapport finanzjarju tal‑Arċidjoċesi ta’ Malta għall‑2023, is‑Segretarju Amministrattiv Michael Pace Ross qal li l‑Arċidjoċesi qed tagħmel kull sforz biex tgħin lill‑familji u lill‑individwi li qed ifittxu l‑għajnuna kif ukoll qed jitnedew bosta proġetti bil‑għan li titkompla l‑missjoni tal‑Knisja. Dawn jinkludu ħidma ma’ tfal u adolexxenti, persuni li sofrew vjolenza domestika u forom oħra ta’ abbuż, mal‑migranti, u ma’ dawk li qed ifittxu rijabilitazzjoni minn abbuż ta’ sustanzi u vizzji oħra… Kompli aqra »

Ritratt: Arċidjoċesi ta’ Malta – Ian Noel Pace

Il‑kappillan ta’ Raħal Ġdid bi pjaċir iħabbar li l‑kampnar u l‑portiku tal‑Bażilika ta’ Kristu Re f’Raħal Ġdid se jiġu rrestawrati permezz ta’ għajnuna finanzjarja mill‑Gvern.

Dun Marc André Camilleri qal li wara laqgħat mal‑Ministri Byron Camilleri u Owen Bonnici, intlaħaq ftehim li l‑Gvern se jikkontribwixxi €400,000 għall‑proġett.

Il‑kappillan qal li permezz ta’ din l-għotja finanzjarja, il‑parroċċa qed tippjana li l‑portiku jintuża bħala pjattaforma għall‑viżitaturi u jkun ukoll post fejn isiru avvenimenti u attivitajiet oħra ta’ ġbir ta’ fondi… Kompli aqra »

L-Arċisqof ibierek wieħed mill-pazjenti Maltin

L‑Arċisqof Charles Scicluna temm żjara pastorali ta’ jumejn f’Londra fejn iltaqa’ ma’ pazjenti Maltin li bħalissa qed jingħataw il-kura fir-Renju Unit.

Matul din iż‑żjara, l-Arċisqof żar u talab mal-Maltin li jinsabu rikoverati fl-isptar King’s College u fl-isptar Royal Marsden fejn iltaqa’ wkoll ma’ infermiera Maltija. Lill-pazjenti, il-qraba u anke lill-ħaddiema tal-isptarijiet, l-Arċisqof tahom kuruna tar-rużarju sabiex il-Madonna tkun ta’ faraġ u tama għalihom… Kompli aqra »

Dar Saura fir‑Rabat se tinbidel f’ċentru ta’ empowerment għal tfal u żgħażagħ b’ diżabilità wara li l‑Arċidjoċesi ta’ Malta għaddiet din il‑proprjetà, li tiswa miljuni ta’ ewro, lil The Malta Trust Foundation għal 65 sena.

Din id‑dar tas‑seklu 17, li sa ftit xhur ilu kienet isservi bħala dar għall‑anzjani, se tieħu l‑ħajja mill‑ġdid bid‑daħk u l‑mużika tat-tfal u taż‑żgħażagħ meta Villabianca, l‑ewwel Ċentru tax-xorta tiegħu f’Malta għall‑mużika u l‑arti għal tfal u żgħażagħ b’diżabilità, se titmexxa fiha biex tindirizza l‑lista twila ta’ stennija… Kompli aqra »

L-Arċisqof Charles Scicluna se jiċċelebra l-għeluq tal-inkjesti djoċesani dwar il-Qaddejja ta’ Alla, Henry u Inez Casolani, nhar il-Ġimgħa, 5 ta’ Lulju 2024, fil-Knisja ta’ Santu Wistin, il-Belt Valletta. Iċ-ċelebrazzjoni se tibda fis-6:15pm bir-rit kanoniku tal-għeluq tal-inkjesti u wara ssir quddiesa ta’ radd il-ħajr lil Alla li se jixxandru fuq Knisja.mt u Newsbook Malta. Henry u Inez Casolani huma mudell ta’ Qaddejja ta’ Alla fiż-żwieġ, fil-familja u fil-ħajja ta’ kuljum… Kompli aqra »

L-Isfqijiet li attendew għall-Assemblea Plenarja tas-CCEE f’Novembru li għadda f’Malta

L‑Arċisqof Charles Scicluna llum ħalla Malta għal Belgrad, is‑Serbja, biex jieħu sehem fl‑Assemblea Plenarja tal‑Kunsill tal‑Konferenzi Episkopali Ewropej (CCEE). Għal din il‑laqgħa se jattendu isqfijiet minn madwar 40 pajjiż Ewropew. It‑tema ewlenija ta’ din l‑assemblea hi “Pellegrini tat‑tama. Lejn Knisja sinodali u missjunarja”.

F’Belgrad, l‑isqfijiet se jiddiskutu kif il‑Knisja fl‑Ewropa, bi preparazzjoni għall‑Ġublew tat‑Tama li se jiġi ċċelebrat is‑sena d‑dieħla, tista’ tkun sors ta’ tama… Kompli aqra »

Is‑Safeguarding Commission ikkonkludiet 26 każ fl‑2023, 18 minnhom jinvolvu minuri u tmienja jinvolvu adulti vulnerabbli, qal il‑Kap tal‑Kummissjoni Mark Pellicano.

F’konferenza tal‑aħbarijiet dwar il‑ħidma tas-Safeguarding Commission matul is‑sena li għaddiet, is‑Sur Pellicano qal li erbgħa mit‑18‑il każ li jikkonċernaw minuri kienu sostanzjati.

Tnejn minn dawn il‑każijiet kienu jinvolvu abbuż sesswali minn saċerdoti djoċesani. Wieħed mis‑saċerdoti ġie referut lill‑awtoritajiet ċivili. Il‑vittma tal‑każ l‑ieħor — li meta ġie referut il‑każ kienet diġà adulta — ma xtaqitx tipproċedi b’rapport tal‑pulizija minkejja l‑għajnuna offruta mill‑Kummissjoni biex tagħmel dan… Kompli aqra »