Caritas Malta qed tistieden lill‑persuni li jinsabu weħidhom jew m’għandhomx il‑mezzi sabiex din is‑sena jqattgħu Milied b’dinjità u jiġu jieklu flimkien għall‑ikla tal‑Milied fil‑Kurja tal‑Arċisqof fil‑Furjana. Din l-ikla hi turija ta’ mħabba mgħixha fil‑konkret u sinjal tanġibbli ta’ Knisja li tilqa’ lil kulħadd. 

Il-Vigarju Episkopali għad-Djakonija, Dun Martin Micallef, qal li din l-ikla li ssir ta’ kull sena permezz ta’ Caritas Malta fil-Milied, li “hi festa fejn Ġesù, li ġie fostna, jgħallimna l-lingwa tal-imħabba kif proprju jiġri f’din l-ikla, ġest li l-Arċisqof Charles Scicluna jagħmlu billi jagħti dan il-post biex ngħixu l-kmandament tal-imħabba.”

Dun Martin żied jgħid li għal dan iż-żmien fil‑Knisja f’Malta hemm diversi kappillani li fil‑Milied jew fl‑ewwel tas‑sena jorganizzaw ikla għal nies weħidhom jew li għaddejjin minn diffikultajiet differenti fil-parroċċi tagħhom… Kompli aqra »

Nisa li ħarġu miċ‑ċirku tal‑vjolenza u li bbenefikaw mis‑servizzi ta’ appoġġ ta’ Fondazzjoni Sebħ, fetħu qalbhom dwar it‑trawmi li ffaċċjaw u enfasizzaw l‑importanza tal‑istabbiltà finanzjarja biex setgħu jaħarbu minn relazzjonijiet abbużivi.

Waqt li qasmu l‑esperjenzi ta’ abbuż li ġarrbu ma’ diversi stakeholders li jistgħu jagħmlu differenza f’dan il‑qasam, dawn in‑nisa għamlu appell urġenti biex jinbidlu l‑policies sabiex jingħata appoġġ aħjar lil nisa li ħarġu miċ‑ċirku tal‑vjolenza kif ukoll jipprevjenu l‑vjolenza… Kompli aqra »

Ritratt: Ian Noel Pace

Andrè Psaila, seminarista fil-ħames sena ta’ preparazzjoni fis-Seminarju, se jitlob lill-Arċisqof Charles Scicluna biex jaċċettah bħala kandidat għall-Ordinazzjoni Djakonali u Saċerdotali. Din iċ-ċelebrazzjoni se ssir fil-festa tal-Kunċizzjoni, nhar il-Ħadd, 8 ta’ Diċembru 2024, waqt il-quddiesa fit-Tieni Ħadd tal-Avvent.

Il-quddiesa tibda fid-9:30am u se tixxandar fuq TVM, Knisja.mt, Newsbook Malta u Radju RTK 103.

Andrè Psaila mill-Parroċċa ta’ Kristu Re, Raħal Ġdid, se jistqarr pubblikament ir-rieda tiegħu li joffri lilu nnifsu lill-Knisja biex iservi bħala saċerdot… Kompli aqra »

Ritratt: Ian Noel Pace

Nhar il‑Ħadd li ġej il‑Knisja f’Malta se tiċċelebra l‑festa ta’ Kristu Re. B’rabta ma’ din il‑festa tant sinifikanti għall‑Knisja Kattolika, fil‑jiem li ġejjin il‑Knisja f’Malta se tiċċelebra tliet ċelebrazzjonijiet djoċesani importanti. Din is‑sena l‑Assemblea Djoċesana se terġa’ ssir fuq jumejn waqt li l‑Jum Dinji taż‑Żgħażagħ se jiġi ċċelebrat waqt l-attività ‘Żgħażagħ ta’ Tama’.

L‑Assemblea Djoċesana

Nhar il-Ħamis u l-Ġimgħa 21 u 22 ta’ Novembru 2024 fis-6pm, l‑Arċidjoċesi ta’ Malta se tlaqqa’ l‑Assemblea Djoċesana, li se tkun ippreseduta mill‑Arċisqof Charles Scicluna… Kompli aqra »

Aktar ritratti: knisja.mt/ritratti

Ir‑regolamenti għad‑Dħul fl‑Iskejjel tal‑Knisja f’Malta u f’Għawdex għas‑sena skolastika 2025‑2026 jinsabu fuq il‑website tal‑Arċidjoċesi ta’ Malta knisja.mt.

B’kollox hemm 1,817 post vakanti għall‑istudenti (1,577 f’Malta u 240 f’Għawdex). L‑applikazzjonijiet se jsiru kollha online. L‑applikazzjonijiet tal-‘Ewwel Kriterju’ għal Malta u Għawdex se jintlaqgħu bejn il‑21 u t-28 ta’ Novembru 2024.  L-“applikazzjoni tard” se jintlaqgħu bejn il-5 u t-12 ta’ Diċembru… Kompli aqra »

Il‑Knisja f’Malta u Għawdex ippubblikat Safeguarding Policy ġdida li tistabbilixxi standards ogħla għall‑entitajiet tal‑Knisja u li tpoġġi l‑wellbeing tal‑vittmi fiċ‑ċentru tax‑xogħol li jsir mis‑Safeguarding Commissions f’Malta u Għawdex.

Il‑policy il‑ġdida tistabbilixxi standards ta’ safeguarding li l‑entitajiet kollha tal‑Knisja huma mistennija jimxu magħhom. Permezz tal‑policy inħolqu strutturi li jindirizzaw l‑allegazzjonijiet li jsiru kemm fil‑konfront ta’ membri tal‑kleru kif ukoll fil‑konfront ta’ lajċi impjegati jew voluntiera… Kompli aqra »