Għadd ta’ ħaddiema fil‑Kurja tal‑Arċisqof iddedikaw ġurnata tax‑xogħol tagħhom sabiex jgħinu lid‑Dar tal‑Providenza. Dan bħala parti mir‑responsabbiltà soċjali (corporate social responsibility) tal‑Kurja tal‑Arċisqof.

Għall‑attività pparteċipaw madwar 50 impjegat li ppreparaw madwar 20,000 djarju li se jitqassmu ma’ eluf ta’ oħrajn fid‑djar tal‑familji Maltin u Għawdxin sabiex jgħinu lid‑Dar bid‑donazzjoni tagħhom. L‑attività saret fl‑uffiċċji rispettivi u mhux fid‑Dar tal‑Providenza, minħabba r‑restrizzjonijiet tal‑COVID‑19.

Dr Rebecca Gatt, Maniġer tat‑Taqsima Riżorsi Umani tal‑Arċidjoċesi ta’ Malta, qalet li l‑pandemija COVID‑19 ma waqqfitx lill‑impjegati tal‑Kurja milli jgħinu lill‑persuni fil‑bżonn… Kompli aqra »

B’referenza għas-saċerdot li tressaq il-Qorti llum, 3 ta’ Settembru 2020, is-Safeguarding Commission ħadet l-azzjoni meħtieġa, mingħajr preġudizzju, biex jiġu mħarsa l-partijiet kollha u għaddiet dan il-każ lill-Pulizija għall-investigazzjoni. Il-Kummissjoni timxi mal-prinċipju li kull persuna hija innoċenti sakemm tinstab ħatja. 

Il-Kummissjoni tal-Knisja tħeġġeġ lil kull min jaf b’xi allegat każ ta’ abbuż biex jirrapporta direttament lill-Pulizija u biex jikkuntattja lis‑Safeguarding Commission fuq [email protected]… Kompli aqra »

Il-Konferenza Episkopali Maltija tat merħba lill-Isqof il‑ġdid tad‑Djoċesi ta’ Għawdex, Mons. Anton Teuma, waqt laqgħa li saret ilbieraħ it‑Tlieta, l‑1 ta’ Settembru 2020, fil‑Kurja tal‑Arċisqof, il-Furjana. Matul il‑laqgħa nqrat ittra tal‑Isqof Emeritu Mons. Mario Grech, li fiha fisser l‑apprezzament tiegħu għall‑ħidma fraterna fi ħdan il‑Konferenza. L‑Isqfijiet irringrazzjaw lill-Isqof Grech għall‑kontribut importanti u siewi li ta matul dawn il‑15‑il sena filwaqt li wegħduh it-talb tagħhom fil-missjoni ġdida
fil-Vatikan bħala Segretarju Ġenerali tas-Sinodu tal-Isqfijiet… Kompli aqra »

Illum is-Sibt, 15 ta’ Awwissu 2020, Solennità tat-Tlugħ fis-Sema tal-Verġni Marija, l-Arċisqof Charles Jude Scicluna se jiċċelebra Quddiesa Pontifikali fil-Katidral ta’ San Pawl, l-Imdina. Din tibda fid-9.30 a.m. u tixxandar fuq TVM2, Knisja.mt u Newsbook.com.mt.

Fil-11:30 a.m., Monsinjur Arċisqof se jżur is-Santwarju tal-Madonna tas-Saħħa fil-Knisja ta’ San Franġisk, ir-Rabat, biex jitlob ir-Rużarju u l-att ta’ konsagrazzjoni lill-Verġni Marija Omm tas-Saħħa. Dan it-talb se jiġi offrut b’mod partikolari għas-saħħa ta’ pajjiżna fiċ-ċirkustanzi preżenti u għal dawk kollha milquta mill-pandemija tal-COVID-19… Kompli aqra »

Il‑Knisja f’Malta tfakkar fl‑importanza li jiġu osservati l‑miżuri ta’ prevenzjoni ta’ tixrid tal‑imxija tal‑COVID‑19. Filwaqt li jibqgħu japplikaw il‑miżuri tad‑distanza soċjali, it‑teħid tat‑temperatura u miżuri oħra, kull min jattendi għall‑Quddies għandu r‑responsabbiltà li jilbes maskra jew visor. Dawn il‑miżuri huma konformi mal‑obbligi stipulati mill‑Awtoritajiet tas‑Saħħa dwar il‑postijiet ta’ qima, li ġew aġġornati l‑Ġimgħa 7 ta’ Awwissu 2020.

L‑Isqfijiet ta’ Malta u Għawdex ifakkru fir‑responsabbiltà kbira li nsegwu bir‑reqqa l‑miżuri għall‑ħarsien tas‑saħħa u tal‑ħajja, kemm tagħna kif ukoll tal‑oħrajn… Kompli aqra »

Fl‑2019 l‑Arċidjoċesi ta’ Malta, li tiġbor fiha aktar minn 100 entità u timpjega aktar minn 1,300 persuna, irreġistrat surplus ta’ €3.5 miljun, imqabbel ma’ żbilanċ ta’ €137,000 is‑sena ta’ qabel. Dan ir‑riżultat huwa dovut l‑aktar għal dħul ta’ darba ta’ €2.4 miljun f’ishma li rċevew b’donazzjoni d‑Dar tal‑Providenza u Caritas Malta. 

Dan tħabbar mis‑Segretarju Amministrattiv tal‑Arċidjoċesi Michael Pace Ross waqt konferenza tal‑aħbarijiet fil‑Kurja tal‑Arċisqof, li qal li s‑surplus tas‑sena l‑oħra ma kienx biżżejjed biex jagħmel tajjeb għall‑isfidi finanzjarji kbar li ġabet magħha l‑pandemija tal‑COVID‑19 fuq l‑operat tal‑Knisja f’Malta, u għalhekk l‑Arċidjoċesi kellha tirrikorri għall‑flus imġemmgħin fil‑passat.  

Ir‑riżultati finanzjarji għall‑2019 juru li l‑Arċidjoċesi rreġistrat żieda fid‑dħul ta’ kważi €6 miljuni dovuti l‑iktar għal żieda fil‑qligħ kapitali fuq l‑investimenti u żieda fid‑dividend mill‑APS Bank… Kompli aqra »

Il‑Bord tad‑Dħul tal‑IskejjeI tal‑Knisja jinforma lill-pubbliku li għandu żewġ postijiet vakanti għas‑subien bi statement ta’ sapport fl‑Ewwel Sena Primarja.

L‑iskola ta’ St Francis f’Bormla għandha post għal tifel li għandu statement ta’ sapport ta’ LSE full-time one‑to‑one. L‑iskola ta’ St Benild f’Tas‑Sliema għandha post għal tifel li għandu statement ta’ sapport ta’ LSE shared. Għal dan il‑post vakanti, l‑iskola ta’
St Benild lesta tikkunsidra wkoll l‑applikazzjoni ta’ tifel bi statement ta’ sapport ta’ LSE fulltime one‑to‑one jekk ħuh ikun diġà rreġistrat fl‑iskola ta’ St Benild… Kompli aqra »