Yearly Archives: 2009

ISQFIJIET AFRIKANI JIDDISKUTU L-ISLAM

26/10/2009

L-isqfijiet li tkellmu fis-Sinodu tal-Isqfijiet fl-Afrika kienu oservati jużaw ton differenti, xi kultant diverġenti, meta tkellmu dwar l-Islam, għaldaqstant huma qablu kollha fuq il-ħtieġa tad-djalogu u l-liberta reliġjuża.

Monsinjur Joseph Bato’ora Ballong Wen Mewuda, kelliemi tas-Sinodu bil-lingwa Franċiża, afferma dan u nnota id-differenza fl-espresjonijiet kif espressi bejn l-Isqfijiet tal-Afrika ta’ Fuq u dawk mill-Afrika tas-Sub-Sahara.

Dawn id-differenzi huma riflessi fil-konklużjonijiet tal-gruppi ta’ ħidma tat-Tieni Assemblea tas-Sinodu tal-Isqfijiet tal-Afrika… Kompli aqra »

Messaġġ mill-Isqfijiet dwar il-Logħob tal-Azzard

24/10/2009

Bħala rgħajja spiritwali ta’ Malta u Għawdex aħna nixtiequ noffru lill-membri tas-soċjeta’ tagħna u lir-Rappreżentanti tagħna fil-Parlament, din ir-riflessjoni dwar il-Liberta’, b’mod speċjali issa meta qed tiġi diskussa r-regolamentazzjoni tal-Logħob tal-Azzard (Gambling) fil-gżejjer tagħna.

Il-logħob huwa meħtieġ għall-bniedem, għax barra li jgħinu biex jistrieġ mix-xogħol, jgħinu wkoll jitħallat mal-oħrajn. Infatti, għandu jhassibna l-fatt li llum ħafna m’għadhomx isibu ħin għal rikreazzjoni, partikolarment għal rikreazzjoni flimkien fejn wieħed jew waħda jkunu jistgħu jitkellmu, jiċċajtaw, jifirħu u jagħmlu festa ma’ xulxin… Kompli aqra »

L-Arċisqof iżur l-Iskola Primarja ta’ Ħal Qormi

23/10/2009

L-Arċisqof Pawlu Cremona, il-Ġimgħa 23 ta’ Ottubru,  żar l-iskola Primarja ta’ San Ġorg f’Ħal Qormi. Matul din iż-żjara Monsinjur Arċisqof wissa dwar l-importanza li l-ġenituri jkollhom ħin biżżejjed ma’ uliedhom biex ikunu jistgħu jgħaddulhom il-valuri neċessarji, bħal rispett u ġenerosita’ lejn il-proxxmu. Filwaqt li wera l-apprezzament tiegħu lejn id-dedikazzjoni li l-ġenituri juru lejn uliedhom, l-Arċisqof wera t-tħassib tiegħu dwar kemm l-avvanzi li saru fid-dinja tal-komunikazzjoni, bħat-televiżjoni, qed iħallu influwenza u x’tip ta’ influwenza qed ikollhom fuq it-tfal… Kompli aqra »

JUM IL-BIBBJA

23/10/2009

Nhar il-Ħadd, 25 ta’ Ottubru 2009 jiġi ċċelebrat JUM IL-BIBBJA fl-Arċidjoċesi ta’ Malta u fid-Djoċesi ta’ Għawdex.  It-tema magħżula għal din is-sena hi “Il-Kelma ta’ Alla hi ħajja u qawwija, tgħarbel il-ħsibijiet u l-fehmiet tal-qalb”, silta meħuda mill-Ittra lil-Lhud.

F’messaġġi li stampat biex jitqassmu fid-djar, fl-iskejjel u fil-parroċċi, l-Għaqda Biblika Maltija spjegat li din it-tema hi stedina biex aħna l-insara nħallu l-Kelma ta’ Alla fil-Bibbja taħdem f’ħajjitna.  … Kompli aqra »

L-Arċisqof jilqa’ lill-Ġeneral tal-Ġiżwiti

23/10/2009

L-Arċisqof Pawlu Cremona l-bierah laqa’ lill-Ġeneral tal-Ġiżwiti, Padre Adolfo Nicholas, għal żjara ta’ kortesija, fir-residenza tiegħu, Ħ’Attard. Padre Adolfo Nicholas kien Malta għall-Assemblea Ġenerali tal-Provinċjali Ġiżwiti tal-Ewropa, li saret bejn Il-Ħamis 15 u t-Tlieta 20 ta’ Ottubru. Fi tmiem din il-laqgħa, il-Provinċjali Ġiżwiti tal-Ewropa ħarġu dikjarazzjoni b’rabta mat-traġedja umana tal-immigrazzjoni. Biex taqra din l-istqarrija AGĦFAS HAWN.

Ritratt: Photocity, Valletta Kompli aqra »

…

SEGRETARJU ĠDID GĦALL-KUNSILL TAL-FAMILJA

23/10/2009

Il-Papa Benedittu 16 ħatar lill-Viċi President tal-Akkademja Pontifiċja għall-Ħajja, Monsinjur Jean Laffitte, bħala Segretarju għall-Kunsill Pontifiċju tal-Familja, u ħatru Isqof. Imwieled f’Oloron-Sainte-Marie, fi Franza, Laffite, ta’ 57 sena, daħal fis-seminarju Pontifiċju Franċiż ta’ Ruma fl-1984. Huwa kien ordnat saċerdot fl-1989 għad-djoċesi ta’ Autun. Huwa rċieva d-dottorat fit-teoloġija morali mill-Istitut Pontifiċju għall-istudji dwar iż-żwieġ u l-familja, Istitut imsemmi għal Ġwann Pawlu II. Huwa serva wkoll bħala Professur f’dan l-Istitut sa mill-1994, u kien ukoll Viċi President għal dan l-Istitut mill-1999 sal-2001… Kompli aqra »

Il-Knisja Episkopali Tissokta bid-Djalogu Ekumeniku

22/10/2009

Episcopal Church logo

Il-Knisja Episkopali se tissokta b’mod normali bid-djalogu ekumeniku hekk kif qed tevalwa l-implikazzjonijiet tal-pass li għamel il-Vatikan meta fl-aħħar jiem ħabbar kif se jgħin lill-Komunita Anglikana sabiex tintegra fi ħdan il-Knisja Kattolika.

L-Isqof Christopher Epting, uffiċjal ekumeniku fi ħdan il-Knisja Episkopali, qal dan fi stqarrija b’reazzjoni għal dak li ħabbar il-Vatikan permezz tal-Kostituzzjoni Appostolika li se tippermetti lill-Anglikani jingħaqdu fi ħdan il-Knisja Kattolika… Kompli aqra »

FIL-PARLAMENT EWROPEW: L-EWWEL INTERPELLANZI DWAR IT-TRATTAT TA’ LISBONA, IL-QGĦAD U D-DRITTIJIET UMANI FL-UNGERIJA

22/10/2009

“Opportunita għal dibattitu politiku” u “ċans għal skambju ħaj ta’ ideat fuq kwistjonijiet topiċi” f’rabta mal-integrazzjoni Ewropea. Dawn il-frażijiet esprimihom Jose Manuel Barroso biex jiddeskrivi l-ewwel mument ta’ interpellanzi fl-istorja tal-Parlament Ewropew.

Il-proċedura ttestjata għall-ewwel darba llum, ssarrfet f’mistoqsijiet mill-mexxejja tal-partiti lill-President tal-Kummisjoni Ewropea fl-ewwel nofs siegħa. Imbagħad, kwalunkwe membru parlamentari Ewropew ikun jista’ jistaqsi mistoqsijiet fuq kwistjonijiet preċedenti, sabiex il-kap tal-Eżekuttiv tal-UE iħejji risposta… Kompli aqra »

ISQOF VJETNAMIŻ JIRRAPORTA 30,000 KATTOLIKU ĠDID

21/10/2009

L-Isqof ta’ Kontum ċċelebra l-Ħadd Missjunarju Dinji billi ħabbar li kien hemm 30,000 kattoliku u kattolika ġdida mir-reġjun tul l-aħħar tnax-il xahar. Il-Ħadd, l-Isqof Michael Hoang Duc Oanh irrapporta lil AsiaNews li 20,000 persuna oħra mill-Highlands qed jitħejjew biex jingħaqdu fi ħdan il-Knisja Kattolika.

“Dan hu frott il-ħidma tal-Ispirtu s-Santu”, qal, “bis-sehem ta’ ħafna nies”.

Din is-sena, il-pajjiż qed jiċċelebra t-350 anniversarju mill-miġja tal-ewwel missjunarji Kattoliċi… Kompli aqra »

Seminar on Pastoral Work with Adolescents

21/10/2009

Konxji mill-fatt li l-adolexxenti joffru sfida sabiħa lil kull min hu nvolut magħhom fil-pastorali, is-Segretarjat għall-Katekeżi qed jorganizza seminar ta’ nofs ta’ nhar fejn ser jiġu ppreżentati u diskussi:

– id-dokument dwar il-formazzjoni nisranija tal-adolexxenti

– il-viżjoni, missjoni u pjan ta’ ħidma,

– itinerarju-gwida kateketika għall-laqgħat mal-adolexxenti.

Dan is-seminar se jsir nhar is-Sibt 24 ta’ Ottubru, l-Istitut Kattoliku, Floriana mid-9.00am sa nofsinhar… Kompli aqra »