Haiti earthquake

Anki l-Knejjes fl-Ewropej kienu xxukkjati bl-aħbar tat-terremot li laqat lill-popolazzjoni ta’ Ħaiti u li ħalla qerda sħiħa, minbarra l-għadd qawwi ta’ mwiet. Tħabbar li qed isir ħafna talb, quddies għall-vittmi u anki appelli biex jingħataw donazzjonijiet b’sens ta’ ġenerożita.

Is-Sibt li ġej, se ssir quddiesa fil-katidral ta’ Notre Dame fejn l-Arċisqof, il-Kardinal Andre Vingt-Trois, se jingħaqad mal-komunita fit-talb għall-vittmi tat-terremot f’Ħaiti, u għal dawk kollha li indarbu jew intlaqtu b’xi mod mid-diżastru… Kompli aqra »

Nhar it-Tlieta, 12 u l-Erbgħa, 13 ta’ Jannar 2010, il-Kappillani tal-Parroċċi f’Malta, ingħaqdu flimkien mal-Arċisqof f’live-in, fis-Seminarju, f’Tal-Virtù. Ir-riflessjoni prinċipali tagħhom kienet dwar ir-realtà tal-faqar f’Malta. Għal parti mill-live-in kienu prezenti wkoll il-Kappillani Ghawdxin.

G]all-ewwel ġurnata tal-live-in, il-Kappillani ġew mogħtija preżentazzjoni dwar il-qagħda attwali tal-faqar f’pajjiżna. Il-prezentazzjoni saret abbazi ta’ studju li sar mill-Caritas u mill-Uffiċjali Nazzjonali tal-Istatistika (NSO)… Kompli aqra »

Nhar l-Erbgħa, 13 ta’ Jannar 2010, l-Eċċellenza Tiegħu, Dr George Abela żar is-Seminarju Maġġuri f’Tal-Virtù. Din l-istedina saret mir-Rettur u l-istaff tas-Seminarju bħala parti mir-riflessjoni fuq l-identità tal-qassis djoċesan. Dr George Abela kien mistieden jaqsam mas-seminaristi l-ħsibijiet tiegħu dwar kif jara l-preżenza tal-qassis fis-soċjetà Maltija illum. Is-seminarju jifhem li huwa permezz ta’ dan id-djalogu wiesgħa li jista’ jagħraf u japprezza aktar is-sejħa għas-saċerdozju fid-dinja tal-lum… Kompli aqra »

Susanna Maiolo

Id-Direttur għall-Uffiċċju Stampa tal-Vatikan, il-ġiżwita Federico Lombardi ħareġ b’din l-istqarrija wara l-udjenza ġenerali tal-Papa din il-ġimgħa…

“F’għeluq l-udjenza ġenerali ta’ kull nhar t’Erbgħa, din il-ġimgħa l-Papa kellu laqgħa qasira ma’ Susanna Maiolo biswit l-awla Pawlu VI fil-Vatikan.

“Maoilo esprimiet mal-Papa sens ta’ dispjaċir għall-inċident li seħħ fi ftuħ iċ-ċelebrazzjoni tal-quddiesa ta’ nofsillejl fil-Milied li għadda. Min-naħa tiegħu l-Papa esprima l-maħfra tiegħu u wera wkoll interess fil-persuna u awguralha s-saħħa… Kompli aqra »

L-Arċisqof Pawlu Cremona OP, it-Tlieta 12 ta’ Jannar 2010 iċċelebra Quddiesa fil-Knisja Parrokkjali ta’ Kristu Re f’Raħal il-Gdid, fl-okkażjoni tal-mitt sena mit-twaqqif tas-sezzjoni nisa tal-M.U.S.U.E.M. Għal aktar informazzjoni dwar din l-okkażjoni AGĦFAS HAWN.

Agħfas fuq ir-ritratt biex tkabbar… Kompli aqra »

Cardinal Camillo Ruini

“Il-fenomenu tas-sekularizzazzjoni hu bla dubju preżenti; fl-aħħar 50 sena, kien fenomenu li wassal għal ċerta kriżi fil-ministeru saċerdotali; għaldaqstant is-sekularizzazzjoni waħedha mhix kollox. Fuq in-naħa l-oħra, jista’ jingħad li l-importanza tar-reliġjon mhix tonqos. Pjuttost ir-reliġjon hi iktar importanti milli kienet fl-imgħoddi”.

Dan stqarru l-Kardinal Camillo Ruini  waqt li kien qed jindirizza l-laqgħa annwali tal-assistenti tal-Għaqda nazzjonali Taljana għat-trasport tal-morda lejn Lourdes jew Santwarji Internazzjonali, l-UNITALSI.  … Kompli aqra »

Irregular Immigrants

“Aġir b’ġustizzja, solidarjeta u viżjoni”. Din hi l-attitudni rakkomandata mill-Kap tal-Knisja Kattolika lill-“awtoritajiet ċivili involuti fuq diversi livelli”, fir-rigward tal-‘esodu ta’ dawk in-nies li jħallu arthom minħabba vjolenza li tinkwadra f’xenarju ta’ faqar u ġuħ, kif ukoll għadd ta’ katastrofi naturali u abbandun ambjentali.

Fid-diskors tiegħu indirizzat lill-Korpi Diplomatiċi, il-Papa Benedittu XVI semma fost kategoriji oħra ta’ immigranti, lill-insara fi Lvant Nofsani, li “milquta b’diversi modi, anki fil-prattika tal-liberta reliġjuża, ikollhom iħallu art missirijiethom”… Kompli aqra »

Meta San Ġorġ Preca kien ispirat minn Alla biex iwaqqaf is-Soċjeta′ tal-M.U.S.E.U.M., huwa kien diġa′ avangardist għal żmienu.  Ried li jkun hemm nies oħra barra s-saċerdoti li jgħinu l-Knisja fil-Missjoni tagħha bħala Għalliema, biex l-Evanġelju ta’ Sidna Ġesu′ Kristu jkun magħruf u maħbub mal-irjieħ kollha tad-Dinja.  Din kienet ix-xewqa tal-qaddis imwaħħda mal-Volonta′ Alla, u dan jidher ċar fl-istess inizjali M.U.S.E.U.M – Magister Utinam Sequatur Evangelium Universus Mundus li tfisser “Mgħallem mhux li kien li d-dinja kollha timxi wara l-Evanġelju tiegħek”… Kompli aqra »