Arkivji mensili: Settembru 2010

Il-Vanġelu tal-Jum – 11 ta’ Settembru

11/09/2010

Luqa 6,43-49

“Ma hemmx siġra tajba li tagħmel frott ħażin, kif anqas ma hemm siġra ħażina li tagħmel frott tajjeb. Kull siġra mill-frott tagħha tingħaraf. Ħadd ma jiġbor it-tin mix-xewk, anqas l-għeneb mill-għolliq. Il-bniedem tajjeb mit-teżor tajjeb ta’ qalbu joħroġ it-tajjeb, u l-bniedem ħażin mit-teżor ħażin tiegħu joħroġ il-ħażin, għax mill-abbundanza tal-qalb jitkellem il-fomm. “Għaliex issejjħuli, ‘Mulej,’ u mbagħad ma tagħmlux dak li ngħid jien? … Kompli aqra »

REAZZJONI GĦAL ‘KORAN BURNING DAY’ – “LE GĦAL KULL FORMA TA’ VJOLENZA”

10/09/2010

Il-Kunsill Pontifiċju għad-Djalogu Inter-reliġjuż wera tħassib għall-aħbar proposta bit-titlu ‘Koran Burning Day’ fl-okkażjoni tal-anniversarju tal-attakki terroristiċi tal-11 ta’ Settembru 2001 li wasslu għat-telfien ta’ numru kbir ta’ ħajjiet innoċenti. “Dawn l-atti ta’ vjolenza li huma deplorabbli ma jistgħux jiġu ribattiti b’għemil gravi kontra ktieb li hu meqjus sagru minn komunita reliġjuża”, qal il-Kunsill Pontifiċju għad-Djalogu Inter-Reliġjuż fi stqarrija għall-istampa.

Kompla l-Kunsill Pontifiċju li “kull reliġjon, bil-kotba sagri, postijiet ta’ qima u simboli rispettivi tagħha, għandha dritt għar-rispett u l-protezzjoni”… Kompli aqra »

Il-Vanġelu tal-Jum – 10 ta’ Settembru

10/09/2010

Luqa 6,39-42

Qalilhom parabbola: “Jista’ agħma jmexxi agħma ieħor? Mhux it-tnejn jaqgħu fil-ħofra? Id-dixxiplu m’huwiex aqwa mill-imgħallem tiegħu; imma kull min itemm it-taħriġ tiegħu jsir bħall-imgħallem tiegħu. Għax tara t-tibna f’għajn ħuk, u ma tarax it-travu li għandek f’għajnek int? Kif tista’ tgħidlu lil ħuk, ‘Ħi, ejja nneħħilek it-tibna li għandek f’għajnek’, meta m’intix tara t-travu li għandek f’għajnek int? Ja wiċċ b’ieħor, neħħi l-ewwel it-travu minn għajnek int, ħalli mbagħad tara sewwa kif tneħħi t-tibna minn għajn ħuk… Kompli aqra »

IL-MESSAĠĠ TA’ L-ARĊISQOF GĦAL JUM IL-VITORJA 2010

09/09/2010

Eċċellenza, Sur President ta’ Malta u Sinjura Abela,

Ħuti,

Din iċ-ċelebrazzjoni ta’ llum tfakkarna f’realta’ storika – it-tmiem tal-Asssedju ta’ Malta fl-1565 u t-tmiem tat-Tieni Gwerra Dinjija f’dak li għandu x’jaqsam mas-sehem ta’ Malta f’din il-Gwerra, fit-8 ta’ Settembru, 1942.

Aħna niċċelebraw dan il-jum b’żewġ modi. L-ewwel bħala realta’ storika, ċivili, li tfakkarna l-ferħ tal-Poplu tagħna f’din l-okkażjoni, ferħ li kien ifisser li l-Poplu tagħna seta’ jgħix ħajja normali mingħajr it-tbatija, il-biża’ u l-mewt li jiġu mill-gwerer… Kompli aqra »

Il-Vanġelu tal-Jum – 9 ta’ Settembru

09/09/2010

Luqa 6,27-38

“Imma lilkom, li qegħdin tisimgħuni, ngħidilkom: “Ħobbu l-għedewwa tagħkom, agħmlu l-ġid lil min jobgħodkom, bierku lil min jisħetkom, itolbu għal min iżeblaħkom. Min jagħtik bil-ħarta fuq naħa waħda, dawwarlu wiċċek ħalli jagħtik fuq in-naħa l-oħra; min jeħodlok il-mantar, anqas il-libsa ma għandek tiċħadlu. Agħti lil kull min jitolbok; u min jeħodlok xi ħaġa tiegħek, titlobhilux lura… Kompli aqra »

ATTENTI MINN ĊERTI KUNTATTI FUQ L-INTERNET

08/09/2010

L-aħbar li fl-Ingilterra raġel li ltaqa’ ma’ mara fuq l-internet spiċċa stupra lil bintha ta’ 14-il sena, tnissel biżgħa u rabja f’dawk kollha li għandhom il-ġid tas-soċjetà għal qalbhom. Għal darb’oħra, bħal sikkina li tista’ tintuża biex tiekol biha iżda anki biex tolqtol, hekk ukoll dan ir-raġel ħa vantaġġ minn xi ħaġa tajba biex laħaq il-finijiet ta’ moħħu u stupra darba, darbtejn tifla ta’ 14-il sena fid-dar ta’ ommha li wriet fiduċja fih u daħħlitu jgħix magħha… Kompli aqra »

L-ISQOF TA’ PURNEA, INDJA, JILTAQA’ MAL-ARCISQOF CREMONA

08/09/2010

Nhar it-Tlieta, 7 ta’ Settembru, 2010, l-Isqof ta’ Purnea fl-Indja, Mons. Angelus Kujur  għamel żjara ta’ kortesija lill-Arċisqof Pawlu Cremona O.P. fir-residenza tiegħu, Ħ’Attard.

Agħfas fuq ir-ritratt biex tkabbar. Ir-ritratti tal-attivitajiet tal-Arċisqof jistgħu jinxtraw mill-ħanut PHOTOCITY, il-Belt. Tel: 21236723… Kompli aqra »

JINTAGĦŻEL IS-86 SUĊĊESSUR TA’ SAN DUMINKU

08/09/2010

Il-Kapitlu Ġenerali tal-Ordni tal-predikaturi imwaqqfa ,minn San Duminku, eleġġa fl-aħħar jiem lil Bro. Bruno Cadore bħala l-mexxej il-ġdid tal-Ordni. Elett għal terminu ta’ disa’ snin fil-karigu, huwa qed jieħu post l-Arġentin Bro. Carlos Azpiroz Costa, li ilu mexxej tal-Ordni mis-sena 2001. L-aħħar Franċiż li okkupa din il-kariga kien Bro Vincent de Couesnongle bejn l-1974 u l-1983.

Il-kapitlu ġenerali li beda jiltaqa’ fil-bidu ta’ Settembru hu magħmul minn 127 delegat ġejjin minn kull continent u se jkun qed jaħdem fil-ġimgħatejn li ġejjin fuq linji gwida importanti li se jingħataw lill-Ordni biex jitpoġġew fil-prattika mill-mexxej il-ġdid… Kompli aqra »

Annelise Abela tiltaqa’ mal-Papa

08/09/2010

Naħseb li għaraft tassew xortija meta lmaħt it-tbissima fuq wiċċ il-Qdusija Tiegħu l-Papa hekk kif dak kollu li kont ippjanajt li ngħid u nsaqsi insejtu u bqajt qisni ssummata.

Li l-Papa laqagħna f’nofsu u wera interess ġenwin biex isir jafna għeni ninduna kemm tassew aħna lkoll importanti għal Alla, kull wieħed minnha f’kull ma nagħmlu. Ftakart kif Alla jixtieq ikun qribna f’kull waqt u jridna naqsmu miegħu n-niket kif ukoll il-ferħ tagħna… Kompli aqra »

Il-Vanġelu tal-Jum – 8 ta’ Settembru

08/09/2010

Mattew 1, 1-16, 18-23

Ktieb in-nisel ta’ Ġesù Kristu, bin David, bin Abraham. Abraham nissel lil Iżakk, Iżakk nissel lil Ġakobb, Ġakobb nissel lil Ġuda u lil ħutu, Ġuda nissel lil Fares u lil Żaraħ minn Tamar, Fares nissel lil Ħesron, Ħesron nissel lil Aram, Aram nissel lil Għamminadab, Għamminadab nissel lil Naħson, Naħson nissel lil Salmon, Salmon nissel lil Bogħaż minn Raħab, Bogħaz nissel lil Għobed minn Rut, Għobed nissel lil Ġesse, Ġesse nissel lil David, is-sultan… Kompli aqra »