Arkivji mensili: Ġunju 2011

MESSAĠĠ TA’ KURAĠĠ MILL-ISQOF MARIO GRECH

30/06/2011

Fl-okkażjoni tal-festa ta’ San Pietru u San Pawl, l-Isqof Mario Grech wassal messaġġ ta’ tama u kuraġġ waqt li ċċelebra l-Ewkaristija mal-komunità parrokkjali tan-Nadur.

Fl-omelija tiegħu huwa wassal il-ħsieb li s-soċjetà tagħna għandha bżonn dik li darba Barack Obama sejjaħ “il-kuraġġ tat-tama”, liema tama ma tkunx isserraħ fuq il-qawwa tal-flus jew il-poter politiku, imma fuq Alla!

Kompla jgħid li l-Ewropa hija mmarkta b’inċertezzi gravi… Kompli aqra »

4GIVEN PROGRAMM SOĊJO-RELIĠJUŻ

30/06/2011

4given – il-programm televiżiv għas-sajf li ġej. Programm, li għal 13-il ġimgħa sħaħ ser iżommilkom kumpanija fuq Net TV. Il-preżentatriċi ta’ din is-sensiela hija żagħżugħa simpatika – Bernice Abdilla.

Is-suġġett prinċipali  li Dr John Bonnici Mallia ser jaqsam magħna hu “Fittex lil Wiċċu”…  Wiċċ ta’ min ser infittxu? … Kompli aqra »

440,000 REĠISTRATA GĦALL-JUM DINJI TAŻ-ŻGĦAŻAGĦ

30/06/2011

WYD2011

Iċ-ċelebrazzjonijiet tal-Jum Dinji taż-Żgħażagħ se jkunu qed jiskattaw fi żmien 48 jum, bin-numru ta’ pellegrini reġistrati għall-attivita f’Madrid diġa hu wieħed rekord. F’konferenza tal-aħbarijiet fil-Vatikan, li tat aġġornament dwar l-attivitajiet ta’ bejn id-19 u l-21 t’Awwissu, il-President tal-Kunsill Pontifiċju għal-Lajċi, il-Kardinal Stanislaw Rylko, qal li qatt ma kien hemm dan l-ammont ta’nies reġistrati xahar u nofs qabel l-attivita.

Huwa tkellem dwar il-Jum Dinji taż-Żgħażagħ bħala “esperjenza ta’ Knisja li hi viċin iż-żgħażagħ, għas-servizz tal-ġenerazzjonijiet il-ġodda… Kompli aqra »

IL-VATIKAN JESPANDI L-PREŻENZA ONLINE FUQ XEWQA TAL-PAPA

28/06/2011

Il-Papa Benedittu XVI qed iwessa’ x-xibka ta’ komunikazzjoni tal-Vatikan b’passi deskritti bħala ‘enormi’. Dan qalu l-Kunsill Pontifiċju għall-Komunikazzjoni Soċjali, l-Arċisqof Claudio Celli. Dan qalu meta ppreżenta il-portal il-ġdid tal-Vatikan fuq l-internet b’aħbarijiet minn għadd ta’ sorsi differenti fi ħdan il-Knisja kollha, ilkoll miġbura fuq is-sit www.news.va

Tinbixa żgħira tad-dettalji diġa huma aċċessibbli online fuq is-sit, bis-sit jibda jiffunzjona b’mod sħiħ l-Erbgħa, festa ta’ San Pietru u San Pawl, li jaħbat ukoll is-60 anniversarju mill-ordinazzjoni saċerdotali tal-Papa Benedittu XVI… Kompli aqra »

27 ta’Ġunju – 3 ta’ Lulju

26/06/2011

It-Tnejn

9.15 a.m. L-Arċisqof jippresiedi laqgħa tal-uffiċjali prinċipali tal-Kurja.

4.00 p.m. L-Arċisqof jindirizza laqgħa ta’ konsultazzjoni għas-saċerdoti.

It-Tlieta

10.00 a.m. L-Arċisqof jindirizza laqgħa ta’ konsultazzjoni għas-saċerdoti.

5.45 p.m. L-Arċisqof imexxi translazzjoni, għasar u quddiesa fil-Katidral tal-Mdina fl-okkażjoni tal-festa ta’ San Pietru u San Pawl.

L-Erbgħa

9.30 a.m. L-Arċisqof jiċċelebra Quddiesa Pontifikali fil-Katidral tal-Mdina, fl-okkażjoni tal-festa ta’ San Pietru u San Pawl… Kompli aqra »

MESSAĠĠ MILL-ARĊISQOF WAQT QUDDIESA GĦAR-ROMOL

25/06/2011

Kappella ta’ Kristu Re, Mrieħel

25/06/11

Ħuti,

Snin ilu kont Pirjol, u niftakar li konna bdejna Ladies’ Circle u kien hemm xi ħadd u qalli:  “Isma’ għaliex ma nibdewx ukoll grupp tar-romol?”  Għaliex ovvjament f’kull ċirkostanza tal-ħajja l-iktar persuna li tista’ tifhmek hija l-persuna li tgħaddi mill-istess esperjenza.  U din il-persuna qaltli:  “Jekk inlaqqgħu dawn ir-romol ikunu t’appoġġ għal xulxin… Kompli aqra »

L-IMNARJA FIL-KATIDRAL TAL-IMDINA

25/06/2011

Il-Kapitlu tal-Katidral tal-Imdina, anki din is-sena se jkun qed itella’ programm ta’ attivitajiet reliġjużi biex jiċċelebra b’mod solenni l-festa tal-martirju ta’ San Pietru u San Pawl, patruni tal-istess katedra.

Iċ-ċelebrazzjonijiet jibdew nhar it-Tlieta 28 ta’ Ġunju għall-ħabta tal-5.30pm bil-wasla tal-Arċisqof Pawlu Cremona OP. Huwa se jkun qed jippresiedi fiċ-ċelebrazzjonijiet ta’ filgħaxija li jinkludu t-translazzjoni tar-Relikwiji u quddiesa bl-Ewwel Għasar Pontifikali.

Agħfas hawn biex tkompli taqra dan l-artiklu mis-sit www.il-gensillum.com Kompli aqra »

…

FESTA TAL-BEATU NAZJU FALZON

24/06/2011

Il-Festa tal-Beatu Nazju Falzon din is-sena ser tiġi ċċelebrata nhar il-Ħamis 30 ta’ Ġunju, 2011, peress li nhar l-1 ta’ Lulju taħbat il-festa tal-Qalb ta’ Ġesu’.

Nhar il-Gimgħa, 24 ta’ Ġunju, fis-6.15p.m. ir-Relikwja tal-Beatu Nazju Falzon ser tittieħed fil-Kappella tal-Isptar Mater Dei.  Mal-wasla tar-Relikwja fis-6.30p.m. ser tiġi ċċelebrata Quddiesa.

Nhar is-Sibt, 25 ta’ Ġunju, bejn it-8.00a.m. u 7.00p.m. ir-Relikwja  ser tkun esposta għall-qima tal-morda u l-familjari tagħhom fil-Kappella tal-Isptar… Kompli aqra »