Aħbarijiet mill-Knisja f'Malta
Darba s-Sibt kien qiegħed jgħallem f’waħda mis-sinagogi. U kien hemm mara li kienet ilha tmintax-il sena bi spirtu li kien imarradha; kienet milwija ħafna, u ma kinitx tista’ tieqaf dritta għalkollox. Kif raha Ġesù sejjħilha u qalilha: “Mara, inti meħlusa mill-mard tiegħek.” U qegħdilha idejh fuqha, u minnufih waqfet dritta u bdiet tfaħħar lil Alla… Kompli aqra »
Illum il-Ħadd, 23 ta’ Ottubru 2011 fis-7.10 p.m., fid-Dar Santa Katarina, Ħ’Attard, fejn kien rikoverat, is-Sur Joseph M. Cremona, missier l-Eċċellenza Tiegħu Monsinjur Arċisqof Pawlu Cremona O.P., irritorna lejn il-Ħallieq fl-eta’ ta’ 95 sena. Gawduh f’ħajtu: martu Josephine nee’ Cauchi, ibnu l-ieħor Carmel (k/a Lino) u martu Mary Helen u bintu Marie Louise, in-neputijiet Marco u martu Joanne, Stefano u martu Nicolette u Johann, kif ukoll il-pro-neputijiet Luigi, Gianluca, Lara u Sam… Kompli aqra »
Wara l-mewt tal-Kurunell Moammar Gaddafi fil-Libja, is-Santa Sede ħarġet stqarrija li fiha ddikjarat li “l-aħbar tal-mewt ta’ Gaddafi ġġib fi tmiemha fazi traġika ta’ ġlieda brutali biex jitwaqqa’ r-reġim oppressiv ta’ Gaddafi. Dan kollu jressaq quddiemna l-obbligu għal riflessjoni dwar it-tbatija umana u l-kollass ta’ kwalunkwe sistema ta’ tmexxija li ma tkunx ibbazata fuq ir-rispett u d-dinjita umana, imma biss il-kilba għall-poter. Hu ttamat issa li l-awtoritajiet fil-Libja jfittxu li jimpenjaw irwieħhom fi sforzi għall-paċi u binja mill-ġdid ta’ spirtu ta’ solidarjeta… Kompli aqra »
Minn stħarriġ li għamlet Il-ĠENSillum online jirriżulta li bħalissa f’għadd ta’ pajjiżi fid-dinja, 318 saċerdot Malti u Għawdxi u 90 lajk huma impenjati f’ħidma pastorali, soċjali, edukattiva u ta’ karità. Fost dawn hemm tmien Isqfijiet Maltin, tnejn fil-Brażil, tnejn oħra fil-Ħonduras, u oħrajn fil-Kenja, l-Albanija, l-Libja u s-Sri Lanka.
Malta għandha wkoll ħames saċerdoti li qegħdin iwettqu ħidma għas-Santa Sede. Barra dawn is-saċerdoti u lajċi Maltin impenjati barra minn pajjiżna, għadd ta’ sorijiet Maltin qed iwettqu ħidma diversa f’artijiet tal-missjoni… Kompli aqra »
It-Tnejn
9.15 p.m.L-Arċisqof jippresiedi laqgħa tal-uffiċċjali prinċipali tal-Kurja.
4.30 p.m. L-Arċisqof jiltaqa’ mat-tfal li jattendu l-katekeżi fiċ-Ċentru tal-Katekeżi San Duminku, r-Rabat bħala parti miż-żjara pastorali tiegħu.
6.00 p.m. L-Arċisqof jiltaqa’ mas-subien li jattendu l-katekeżi fil-qasam tal-MUSEUM tas-subien, ir-Rabat.
8.00 p.m. L-Arċisqof jiltaqa’ fil-MUSEUM (subien) mal-katekisti tat-tfal, ir-Rabat.
It-Tlieta
12.30 p.m. L-Arċisqof jipparteċipa fuq il-programm ‘Sellili’ fuq TVM… Kompli aqra »
Il-Fariżej, meta semgħu kif lis-Sadduċej Ġesù kien saddilhom ħalqhom, nġabru madwaru, u wieħed minnhom, għaref fil-Liġi, għamillu din il-mistoqsija biex iġarrbu: “Mgħallem, liema hu l-kmandament il-kbir, fil-Liġi?” Qallu Ġesù: “Ħobb lill-Mulej, Alla tiegħek, b’qalbek kollha, b’ruħek kollha, u b’moħħok kollu.’ Dan hu l-kmandament il-kbir u l-ewwel wieħed. U it-tieni jixbhu: ‘Ħobb lil għajrek bħalek innifsek.’ Dawn iż-żewġ kmandamenti huma l-qofol tal-Liġi kollha u tal-Profeti.”
Il-Qaddis tal-jum: San Ġwann ta’ Kapistranu
…
Dak il-ħin stess ġew xi wħud u qalulu b’dawk il-Galilin li Pilatu kien ħallat demmhom mad-demm tal-vittmi tas-sagrifiċċji tagħhom. U Ġesù qabad u qalilhom: “Taħsbu intom li dawn il-Galilin kienu iżjed midinbin mill-Galilin l-oħra biex sofrew dan kollu? Le, ngħidilkom; imma jekk ma tindmux, ilkoll tintilfu bħalhom. Jew dawk it-tmintax-il ruħ li fuqhom waqa’ t-torri ta’ Silwam u qatilhom, taħsbu intom li kienu iżjed ħatja min-nies l-oħra ta’ Ġerusalemm ? … Kompli aqra »
Nhar il-Ġimgħa 21 ta’ Ottubru 2011, Mons Tommaso Caputo, Nunzju Apostoliku, u Dun Pawl Darmanin ippreżentaw il-ktieb maqlub għall-Malti ‘Ġesu’ ta’ Nażaret’, miktub mill-Papa Benedittu XVI lil President George Abela. Il-preżentazzjoni tal-ktieb saret fil-Palazz ta’ San Anton, Ħ’Attard.
Photo Credit: DOI – Clifton Fenech Kompli aqra »
…
Dan id-DVD jikkonċentra fuq it-tifsira tal-frażi ‘Kristu huwa l-Ħaruf t’Alla’. Tony Mahoney għamel riċerka fit-Testment il-Qadim u t-Testment il-Ġdid dwar dan is-suġġett bl-għajnuna ta’ bosta kotba siewja u wara niseġ kollox b’riżultat ta DVD sabiħ u ċar.
Għenu f’din il-produzzjoni: Joe Gatt li ħareġ bl-ideja oriġinali ta’ katekeżi fil-qosor qabel il-Quddiesa; Tony Mahoney, għall-kitba, għall-għażla tal-mużika u għall-qari; Peter Gatt, għall-għażla bir-reqqa ta’stampi u grafika li jaqblu mat-test, mingħajr ma jtellfu mill-attenzjoni ta’ l-ispjegazzjoni; Patrick Spiteri għall-fotografija artistika tal-partijiet tal-Quddiesa; Marika Gatt, li kienet responsabbli għar-rikording, u għall-paċenzja u d-dedikazzjoni biex tat l-aħħar daqqa t’għajn professjonali, u Kurt Mahoney għax-xogħol tal-LightScribing… Kompli aqra »
Nhar il-Erbgħa 20 ta’ Ottubru 2011, l-Arċisqof Pawlu Cremona O.P. iltaqa’ mal-bniet li jattendu katekeżi fil-qasam tal-MUSEUM tal-bniet.
Nhar il-Ħamis 21 ta’ Ottubru 2011, l-Arċisqof iltaqa’ mal-komunita’ tas-Sorijiet Dorotej, u wara ‘ltaqa’ mal-komunita’ Ulied il-Qalb ta’ Ġesu’, r-Rabat.
Click on the photos to enlarge… Kompli aqra »
