Arkivji mensili: Jannar 2012

STQARRIJA MILL-KUMMISSJONI ĠUSTIZZJA U PAĊI

24/01/2012

Il-Kummissjoni Ġustizzja u Paċi tal-Knisja f’Malta tingħaqad mal-Kummissjoni Djoċesana Żgħażagħ biex turi t-tħassib tagħha dwar dak li ġie rappurtat fil-media, dwar l-attakk vjolenti fuq żewġ tfajliet minħabba l-orjentazzjoni sesswali tagħhom.

Il-Kummissjoni tikkundanna bla riservi dan l-attakk u kull forma oħra ta’ diskriminazzjoni fuq bażi ta’ sess, razza, ġeneru, orjentazzjoni sesswali u reliġjon.

Il-Kummissjoni tixtieq tfakkar li aħna lkoll maħluqin fix-xbieha ta’ Alla u quddiem Alla ma hemmx omosesswali jew eterosesswali… Kompli aqra »

ELUF F’MIXJA FAVUR IL-ĦAJJA F’WASHINGTON

24/01/2012

March for Life in Washington

Eluf ta’ nies li huma favur il-ħajja mxew sa quddiem il-Qorti Suprema Amerikana f’Washington sabiex ifakkru d-39 anniversarju ta’ deċiżjoni li wasslet għal-legalizzazzjoni tal-abort fl-Istati Uniti. Il-Mixja favur il-ħajja saret kull sena sa mill-1974, sena wara d-deċiżjoni tal-Qorti Sprema. Konsistentament, din hi waħda mill-ikbar protesti organizzati matul is-sena kollha f’Washington, anki meta l-kundizzjonijiet tat-temp ma jkunux favorevoli sabiex jingħaqdu iżjed nies fil-marċ ta’ protesta, kif ħafna jqisuh fir-rigward tal-abort… Kompli aqra »

KDZ: “disturbati bl-azzjonijiet ħarxa tal-offensuri”

24/01/2012

L-omofobia hija sinjal perikoluż ta’ arroganza. Ħadd m’għandu jħossu mhedded minħabba l-orjentazzjoni sesswali. L-inċident vjolenti tal-ġimgħa li għaddiet huwa, qabel xejn, attakk fuq id-dinjità tal-vittmi u l-familji tagħhom. Iż-żgħażagħ fi ħdan il-knisja jħossuhom disturbati bl-azzjonijiet ħarxa tal-offensuri. L-iskoperta sesswali hija aspett kruċjali fit-tfittxija tal-identità personali, skoperta li għandha ssib appoġġ u mhux ostakli. L-iżvilupp taż-żgħożija huwa proċess delikat u jeħtieġ li jkun protett fl-istadji kollha tiegħu… Kompli aqra »

DISKUSSJONI DWAR ID-DOKUMENT TAS-SANTA SEDE ‘NIRRIFORMAW IS-SISTEMA FINANZJARJA U MONETARJA’

23/01/2012

On Tuesday 24th January 2012, the Centesimus Annus Pro Pontifice Foundation (Malta Chapter) and DISCERN – Institute for Research on the Signs of the Times are organising a Round-Table Discussion on The Holy See’s Document Reforming the International Financial and Monetary System.The general public is invited to attend.

The event will be held at Palazzo de Piro, Mdina, at 6.30 p.m… Kompli aqra »

MESSAĠĠ TAL-ARĊISQOF GĦALL-ĦAMES ANNIVERSARJU TAL-ORDINAZZJONI EPISKOPALI TIEGĦU

23/01/2012

Konkatidral, ta’ San Ġwann, il-Belt Valletta

22 ta’ Jannar 2012

Ħuti,

Nirringrazzjakom talli ġejtu miegħi biex jiena nagħmel dan is-sagrifiċju ta’ radd il-ħajr lil Alla fil-ħames anniversarju ta’ meta l-Q.T. il-Papa għoġbu jaħtarni  Isqof ta’ din il-gżira.

L-ewwel ħaġa li tiġi f’moħħok hija l-anniverarji jiswew biex aħna niftakru propju fil-ħin ta’ meta saret il-ġrajja.  … Kompli aqra »

L-ARĊISQOF JILTAQA’ MAL-MEMBRI TAS-SEZZJONI MALTIJA TAL-FONDAZZJONI ĊENTESIMUS ANNUS PRO PONTIFICE

23/01/2012

Nhar il-Ġimgħa 20 ta’ Jannar 2012, l-Arċisqof Pawlu Cremona O.P. iltaqa’ mal-membri tas-sezzjoni Maltija tal-Fondazzjoni Centesimus Annus Pro Pontifice, fir-residenza tiegħu, Ħ’Attard.

Agħfas fuq ir-ritratti biex tkabbar. Ir-ritratti tal-attivitajiet tal-Arċisqof jistgħu jinxtraw mill-ħanut PHOTOCITY, il-Belt. Tel: 21236723. Email: [email protected] Kompli aqra »

…

ARĊIPRIET ĠDID GĦALL-PARROĊĊA TAL-ISLA

22/01/2012

L-Arċisqof Pawlu Cremona O.P. ħatar lil Dun Ivan Scicluna bħala Arċipriet tal-Parroċċa tal-Isla.

Dun Ivan Scicluna twieled il-Pietà fl-24 ta’ Marzu, 1970. Irċieva l-edukazzjoni tiegħu fl-iskola primarja ta’ S. Giovanna Antida, il-Gudja, fil-Junior Lyceum tal-Ħandaq u l-iskola Ġan Franġisk Abela, l-Imsida. Kompla l-istudji terzarji fl-Institute of Health Care u wara fil-Fakultà tat-Teoloġija fl-Università ta’ Malta… Kompli aqra »

23 – 29 ta’ Jannar

22/01/2012

It-Tnejn

9.15 a.m. L-Arċisqof jippresiedi laqgħa tal-uffiċċjali prinċipali tal-Kurja.

4.30 p.m. L-Arċisqof jiltaqa’ mat-tfal li jattendu l-katekiżmu fiċ-Ċentru Ġesu’ l-Ħabib tat-Tfal, San Ġwann, bħala parti miż-żjara pastorali tiegħu.

6.00 p.m. L-Arċisqof jiltaqa’ mal-Katekisti tat-tfal fiċ-Ċentru Parrokkjali, f’San Ġwann.

7.30 p.m. L-Arċisqof jiltaqa’ mal-Kummissjoni Adolexxenti u Żgħażagħ fiċ-Ċentru Parrokkjali ta’ San Ġwann… Kompli aqra »

L-ORDINAZZJONI EPISKOPALI TA’ PATRI PROSPERO GRECH O.S.A.

21/01/2012

Il-Provinċja Agostinjana ta’ Malta, b’kollaborazzjoni mal-Arċidjoċesi ta’ Malta, ħejjiet il-programm ta’ ċelebrazzjonijiet fl-okkażjoni tal-Ordinazzjoni Episkopali ta’ Mons. Prospero Grech O.S.A. Għal dan il-għan twaqqaf kumitat sabiex jorganizza l-aspetti kollha ta’ dan l-avveniment.

Mons. Grech ser ikun ordnat isqof u ngħata t-titlu personali ta’ Arċisqof Titulari ta’ San Leone fil-Basilicata (Italja). Din is-sede veskovili twaqqfet fis-seklu XIV u kienet soppressa fl-1571. Lejn tmiem is-sekli XIV u l-bidu tas-seklu XV żewġ Agostinjani mexxew din id-djoċesi (Nicola de Lorenzo O.E.S.A u Geminiano Giovanni de Sochefani O.E.S.A)… Kompli aqra »