Arkivji mensili: Frar 2012

MALTA LLUM IKOLLHA T-TIENI KARDINAL FL-ISTORJA

18/02/2012

Malta llum se jkollha t-tieni Kardinal tagħha fl-istorja. Dalgħodu fil-Bażilika ta’ San Pietru, fil-Belt tal-Vatikan, il-Papa Benedittu XVI se jaħtar 22 Kardinal ġdid waqt konċelebrazzjoni solenni li matulha se jsir konċistorju “pubbliku”. Il-konċelebrazzjoni għandha tibda fl-10.30am u se tixxandar live fuq TVM u fuq Radju RTK.

Fost il-Kardinali l-ġodda se jkun hemm il-Malti l-Patri Prospero Grech OSA, li kien ordnat Arċisqof fil-Konkatidral ta’ San Ġwann, il-Belt Valletta fit-8 ta’ Frar… Kompli aqra »

KARDINALI JITĦEJJEW GĦALL-KONĊISTORJU TAS-SIBT

17/02/2012

Day of prayer and reflection before the Concistory

Il-Ġimgħa filgħodu bi tħejjija għall-Konċistorju tas-Sibt, il-membri tal-Kulleġġ tal-Kardinali u l-Kardinali-eletti, inkluż il-Malti Mons Prospero Grech, iltaqgħu fil-Vatikan għal ġurnata ta’ talb u riflessjoni, preseduta mill-Papa Benedittu XVI nnifsu, kif imħabbar ġimgħa ilu f’din ir-rokna hekk kif l-attivita tħabbret mill-Papa Benedittu XVI.

Skont komunikat pubbliku maħruġ mill-Uffiċċju Stampa tas-Santa Sede, il-ġurnata bdiet biċ-ċelebrazzjoni tal-Lawdi, segwita minn inidirizz introduttorju mill-Kardinal Angelo Sodano, Dekan tal-Kulleġġ tal-Kardinali… Kompli aqra »

ISQFIJIET EWROPEJ U AFRIKANI JISTUDJAW L-EVANĠELIZZAZZJONI

16/02/2012

Symposium

Fl- Athenaeum Regina Apostolorum sar it-tieni simpożju tal-Isqfijiet Ewropej u dawk Afrikani. Dan qabel ma jsir is-Sinodu li jmiss fuq l-evanġelizzazzjoni, li hu skedat għal Ottubru li ġej. It-tema tas-simpożju hi “L-Evanġelizzazzjoni llum: Komunjoni u Kollaborazzjoni Pastorali bejn l-Afrika u l-Ewropa”, kif promossa mill-Kunsill tal-Konferenzi tal-Isqfijiet Ewropej u mis-simpożju tal-Konferenzi Episkopali tal-Afrika u l-Madagascar.

Fi ftuħ l-attivita, il-Kardinal Policarp Pengo enfasizza l-impenn tal-Knisja fl-Afrika biex tibqa’ tkun ta’ barka għall-kontinent u għad-dinja… Kompli aqra »

FORUM MILL-PROĠETTIMPENN DWAR IL-BILANĊ BEJN IL-FAMILJA U X-XOGĦOL

16/02/2012

Nhar il-Ħamis 16 ta’ Frar 2012, l-Arċisqof Pawlu Cremona O.P. attenda seminar dwar il-bilanċ bejn il-ħajja fil-familja fuq il-post tax-xogħol, organizzat mill-ProġettImpenn fil-Lukanda Phoenicia.

Il-kelliema prinċipali kienu Dr Rita Borg Xuereb, President tal-Kummissjoni Djoċesana Familja, u s-Sur Joseph Farrugia, Direttur Ġenerali tal-Assoċjazzjoni Maltija ta’ Min Iħaddem. Kien hemm ukoll qsim ta’ esperjenza minn koppja miżżewġa u messaġġ mill-Arċisqof Pawlu Cremona O.P… Kompli aqra »

IL-MEXXEJJA TAL-KNISJA GĦANDHOM JINKORAĠIXXU L-VOKAZZJONIJIET

14/02/2012

Pope Benedict XVI

Il-messaġġ tal-Papa Benedittu XVI għad-49 Jum Dinji tat-Talb għall-Vokazzjonijiet tnieda bit-tema ‘Il-Vokazzjonijiet, ir-Rigal tal-Imħabba t’Alla”. Fil-messaġġ tiegħu, il-Papa jappella lill-kleru, lir-reliġjużi u lill-katekisti tal-Knisja sabiex jagħtu attenzjoni lil dawk il-membri tal-komunitajiet parrokjali, assoċjazzjonijiet u movimenti ekkleżjali li juru li huma msejħa għas-saċerdozju jew għall-ħajja kkonsagrata.

Huwa qal li hu importanti għall-Knisja sabiex toħloq il-kundizzjonijiet li jippermettu żgħażagħ li jgħidu ‘iva’ fi tweġiba ġeneruża għas-sejħa tal-imħabba t’Alla… Kompli aqra »

BILANĊ XOGĦOL – FAMILJA:POSSIBLI?

14/02/2012

Bħala parti mill-attivitajiet ta’ ĠimgħaŻwieġ ser tiġi organizzata konferenza bit-tema ‘Bilanċ Xogħol – Familja: Possibbli?’. Din ser issir nhar il-Ħamis 16 ta’ Frar mis-6.30 p.m. sat-8.30 p.m. fil-Lukanda Phoenicia (Ballroom), Floriana. Il-kelliema prinċipali ser ikunu Dr Rita Borg Xuereb, President tal-Kummissjoni Djoċesana Familja, u s-Sur Joseph Farrugia, Direttur Ġenerali tal-Assoċjazzjoni Maltija ta’ Min Iħaddem. Ser ikun hemm qsim ta’ esperjenza minn koppja miżżewġa u messaġġ mill-Arċisqof Pawlu Cremona f’għeluq il-konferenza… Kompli aqra »

Assemblea Ġenerali tal-KDZ

14/02/2012

Nhar is-Sibt 11 ta’ Frar 2012, l- Arċisqof Pawlu Cremona O.P. ippresieda l-Assemblea Ġenerali tal-Kummissjoni Djoċesana Żgħażagħ, f’Mount St Joseph, Tarġa Gap. Aktar minn 120 operatur pastorali ħadu sehem fid0diskussjoni li kkonċentrat fuq l-irwol u l-kontribut taż-żgħażagħ fil-knisja.

Arċisqof Pawl Cremona, flimkien ma’ uffiċjali oħra tal-knisja, kienu wkoll preżenti sabex jisimgħu l-opinjonijiet u ħsibiet tal-parteċipanti. L-attività ġabet flimkien vuċijiet differenti mill-erba’ ambjent prinċipali ta’ ħidma pastorali maż-żgħażagħ: parroċċi, movimenti, strutturi edukattivi u ambjenti oħra non-formali… Kompli aqra »

QUDDIESA GĦALL-GĦARAJJES LI SE JIŻŻEWĠU FL-2012

13/02/2012

Nhar il-Ħadd 12 ta’ Frar 2012, l-Arċisqof Pawlu Cremona O.P.  iċċelebra Quddiesa għall-għarajjes li se jiżżewġu fl-2012, fil-KonKatidral ta’ San Ġwann, il-Belt Valletta. Din iċ-ċelebrazzjoni ġiet organizzata mill-Moviment ta’ Kana.

AGĦFAS HAWN biex taqra l-messaġġ tal-Arċisqof f’din l-okkażjoni.

Agħfas fuq ir-ritratti biex tkabbar… Kompli aqra »