Arkivji mensili: Ottubru 2012

Messaġġ tal-Arċisqof fl-għaxar anniversarju tan-Nursery ta’ Ħal-Lija u l-Iklin

27/10/2012

27 ta Ottubru 2012

Aħna l-ewwel raġuni għaliex niġu fil-knisja hija biex ngħidulu grazzi lil Mulej. Grazzi talli-ħlaqt id-dinja, grazzi talli għamilt lil bniedem jixbah lilek fuq xbieha tiegħek, grazzi ta’ dan kollu għax kull  m’għandna ġej minnek. It-tieni raġuni għaliex nirringrazzjaw lil Mulej għaliex wara li ħalaq kollox, Alla l-Imbierek ma ħallihx jimxi waħdu. Kien hemm il-bniedem u qallu: issa tajtek dan kollu, issa trid tieħu ħsiebu inti, per eżempju s-siġra tagħmilha injama, dawn l-affarijiet kollha!   … Kompli aqra »

Iffirmar ta’ ftehim kollettiv

26/10/2012

Nhar il-Ġimgħa 26 ta’Ottubru 2012 sar l-iffirmar ta’ żewġ Ftehim Kollettiv għall-ħaddiema tad-djar tal-anzjani tal-Knisja ta’ Dar Saura n-Naxxar u Casa Leone f’San Ġiljan. Iffirmaw dawn il-Ftehim: Mons Victor Grech, Delegat tal-Arċisqof u direttur tal-Caritas; is-Sur Paul Portelli, Direttur għad-Djar tal-Knisja għall-Anzjani; is-Sur Richard Saliba, Human Resources Manager; is-Sur Jason Deguara f’isem il-General Workers Union u s-Sur Karmenu Vella f’isem il-Professional and Service Employees Union… Kompli aqra »

Il-każ ta’ Claudio Sciarpelletti jibda jinstema’ fil-5 ta’ Novembru

25/10/2012

Claudio-Sciarpelletti

Il-President tat-Tribunal tal-iStat tal-Vatikan, Giuseppe Dalla Torre, ħareġ digriet fejn qal li l-ewwel smigħ tal-ġuri li se jgħaddi Claudio Sciarpelletti se jsir nhar il-5 ta’ Novembru fid-9am.

Sciarpelletti, akkużat b’kompliċita ma’ Paolo Gabriele fil-każ ta’ serq ta’ dokumenti kunfidenzjali tal-Papa li spiċċaw f’idejn il-media, kien deċiż li jgħaddi ġuri wara evalwazzjoni tal-każ mill-Maġistrat lura nhar it-13 t’Awwissu li għadda. Dan il-ġuri kien deċiż li jinstema’ separatament mill-każ ta’ Paolo Gabriele  waqt is-smigħ fid-29 ta’ Settembru li għadda… Kompli aqra »

Taħdita dwar l-Ortodossi li jinsabu fostna

25/10/2012

Il-Kummissjoni Ekumenika, bil-kollaborazzjoni tal-Kummissjoni Emigranti, qed torganizza taħdita bl-isem L-ORTODOSSI FOSTNA nhar l-Erbgħa 31 t’Ottubru 2012, fis-6.30pm, f’Dar l-Emigrant, Valletta. It-taħdita se ssir minn Mons. George Mifsud Montanaro li huwa l-espert lokali fuq dan il-qasam. Kompli aqra »

…

Il-Papa jħabbar Konċistorju li jiftaħ it-triq għal kardinali ġodda

24/10/2012

Concistory

Il-Papa Benedittu XVI ħabbar konċistorju li se jiftaħ it-triq għal sitt Kardinali ġodda. Aħbar li ntlaqgħet bil-ferħ minn dawk li kienu preżenti fi Pjazza San Pietru fil-Vatikan għall-udjenza ġenerali ta’ dil-ġimgħa. Il-Papa wassal din l-aħbar fi tmiem il-katekeżi tiegħu.

Il-Kardinali l-ġodda ġejjin minn tliet kontinenti differenti – l-Afrika, l-Amerka u l-Asja.

Dan hu l-ħames konċistorju ta’ Papa Benedittu XVI, u bil-Konċistorju tal-24 ta’ Novembru se jkun hemm b’kollox 90 Kardinal… Kompli aqra »

Il-Vatikan japprova jum li jfakkar lill-Papa Ġwanni Pawlu II fl-Amerka

23/10/2012

Blessed John Paul II

Il-Kongregazjoni tal-Vatikan għall-Qima Divina u s-Sagramenti approvat il-jum tat-22 t’Ottubru bħala l-jum li fl-Istati Uniti tal-Amerka jfakkar lill-Beatu Ġwanni Pawlu II. Il-Konferenza Episkopali Amerikana ħabbret li t-tifkira libera tal-Papa kienet approvata biex tkun inkluża fil-kalendarju tad-djoċesijiet Amerikani.

Il-ġurnata, li taħbat mal-anniversarju tal-inawgurazzjoni ta’ Ġwanni Pawlu II bħala Papa, kienet diġa approvata mill-Isqfijiet Amerikani f’Novembru li għadda. L-approvazzjoni tal-Kongregazzjoni tal-Vatikan kienet fil-fatt l-aħħar stadju… Kompli aqra »

Website ġdida mill-Ordni Sekulari Karmelitan Tereżjan

23/10/2012

L-Ordni Sekulari Karmelitan Tereżjan għadhom kemm introduċew is-website ġdida tagħhom: http://oskt.wordpress.com/

Tajjeb li tinfurmaw ruħkom aktar dwar din l-ispirtwalita’ Tereżjana bħala lajċi fi ħdan il-Knisja. Din l-ordni għandha komunitajiet f’Birkirakara, Bormla, Ta’ Xbiex u x-Xagħra Għawdex. Għal aktar informzzjoni jista’ jibgħat fuq l-email address tagħhom li huwa [email protected]. Kompli aqra »

…