Yearly Archives: 2020

Quddiesa u Rużarju mill-Kurja tal-Arċisqof – 21 t’April, 9:30am

21/04/2020   Il-Kurja tal-Arċisqof, il-Furjana

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek.
Ħeġġiġni bl-imħabba għalik biex f’ħajti u f’mewti jiena nemmen fik,
nitma’ fik
u nibqa’ nħobbok għal dejjem… Kompli aqra »

L-Evanġelju tal-jum: 21 ta’ April

21/04/2020

It-Tlieta tat-Tieni Ġimgħa tal-Għid
Qari tal-jum

L-Ewwel Qari: Atti 4, 32-37
Salm: 92 (93), 1ab.1ċ-2.5

L-Evanġelju: Ġw 3, 7b-15

F’dak iż-żmien, Ġesù qal lil Nikodemu: “La tistagħġibx jekk jiena għedtlek li jeħtiġilkom titwieldu mill-ġdid. Ir-riħ fejn irid jonfoħ; tisma’ ħossu, imma ma tafx mnejn hu ġej jew fejn hu sejjer. Hekk jiġri minn kull min jitwieled mill-Ispirtu”. 

“Kif qatt jista’ jkun dan?”, raġa’ qallu Nikodemu… Kompli aqra »

Dati ġodda għall-għażla ta’ Skola tal-Knisja

20/04/2020

Is‑Segretarjat għall‑Edukazzjoni Nisranija qed iħabbar dati ġodda għall‑għażla ta’ skola tal‑Knisja għas‑sena akkademika li tibda f’Settembru li ġej. L‑għażla ta’ skola se tixxandar live fuq il‑website tal‑Arċidjoċesi ta’ Malta www.knisja.mt, minn ġo studio mingħajr il‑preżenza tal‑ġenituri u bl‑inqas nies possibbli, minħabba r‑restrizzjonijiet kontra t‑tixrid tal‑coronavirus. Matul il‑proċess kollu ser ikun preżenti nutar.

Waqt il‑proċess tal‑għażla tal‑iskola, il‑ġenituri ser jiġu kkuntattjati bit‑telefown u jintalbu jagħmlu l‑għażla tagħhom… Kompli aqra »

Il-Papa fil-quddiesa tal-lum jitlob għall-politiċi

20/04/2020   Casa Santa Marta, il-Vatikan

At Mass on Monday at the Casa Santa Marta, Pope Francis prayed for all the men and women who have a vocation to political life and, in his homily, reflects on being born again of the Spirit.

After celebrating the Mass yesterday, Divine Mercy Sunday, in the Church of the Holy Spirit in the Saxon District, Pope Francis resumed Masses at the Casa Santa Marta on Monday… Kompli aqra »

Il-Magħmudija: spirtu ta’ maħfra, rikonċiljazzjoni u mħabba – L-Arċisqof

Quddiesa offruta għall-ommijiet kollha li qed jistennew tarbija u dawk li kellhom tarbija fl-aħħar jiem

20/04/2020   Il-Kappella tal-Madonna ta' Manresa, il-Kurja tal-Arċisqof, il-Furjana

L-omelija tal-Arċisqof Charles Jude Scicluna

F’dan id-djalogu ma’ Nikodemu l-Mulej jibda jgħallem lid-dixxipli tiegħu b’mod speċjali lil dan l-għaref tal-Liġi, it-tifsira profonda tal-Magħmudija li aħna l-Insara rċevejna u li nġeddu kull sena fil-lejl qaddis tal-Għid.

Ġesù jsejjaħ il-Magħmudija bħala t-twelid ġdid mill-ilma u l-ispirtu (Ġw 3:5). F’dawn il-ġranet ħafna jitkellmu dwar bidu ġdid. Donnu d-dinja li konna nafu sa ftit ġimgħat ilu waqfet u għandha bżonn terġa’ tibda u x-xewqa tagħna hija li meta tibda tkun ftit differenti… Kompli aqra »

L-Evanġelju tal-jum: 20 ta’ April

20/04/2020

It-Tnejn tat-Tieni Ġimgħa tal-Għid
Qari tal-jum

L-Ewwel Qari: Atti 4, 23-31
Salm: 2, 1-3.4-6.7-9

L-Evanġelju: Ġw 3, 1-8

Kien hemm fost il-Fariżej raġel jismu Nikodemu, wieħed mill-kbarat tal-Lhud. Dan ġie għand Ġesù billejl u qallu: “Rabbi, aħna nafu li inti Mgħallem mibgħut minn Alla; għax ħadd ma jista’ jagħmel is-sinjali li qiegħed tagħmel int jekk ma jkunx Alla miegħu”… Kompli aqra »

Il-pjagi miftuħa ta’ Ġesù Rxoxt illum – L‑Isqof Galea‑Curmi

Quddiesa fil-festa tal-Ħniena Divina

19/04/2020   Il-Knisja Parrokkjali tal-Lunzjata, Ħal Balzan

L-Omelija tal-Isqof Awżiljarju Joseph Galea-Curmi

“Imbeżżgħa … bil-bibien magħluqa”. Hekk kienu d-dixxipli miġbura flimkien: imbeżżgħa u bil-bibien magħluqa. Kienu qishom qed jagħmlu self-isolation bħala grupp mhux għaliex fil-pajjiż kien hemm lockdown, jew għaliex kien hemm xi periklu bħalma għandna aħna llum – u għalhekk noqogħdu ġewwa – imma għax kienu mbeżżgħa minn dawk in-nies li lil Ġesù kienu wassluh għall-passjoni u l-mewt tiegħu… Kompli aqra »

Innewlu idna li tkun id ta’ fidi, id ta’ mħabba, id ta’ tama kbira – L-Arċisqof

Quddiesa fit-Tieni Ħadd tal-Għid u l-Ħadd tal-Ħniena Divina

19/04/2020   Il-Knisja ta' San Franġisk t'Assisi, il-Ħamrun

L-omelija tal-Arċisqof Charles Jude Scicluna

“Ressaq idek u qiegħda fuq ġenbi; tkunx bniedem bla fidi iżda emmen” (Ġw 20:27). L-istedina li Ġesù jagħmel lil Tumas bħal-lum tmint ijiem fuq l-Għid hija stedina li qed jagħmel lil kull wieħed u waħda minna llum.

Xi tfisser li nressqu jdejna u nqegħduha fuq il-ġenb ta’ Ġesù? Il-ġenb ta’ Ġesù huwa l-ġenb minfud mil-lanza nhar il-Ġimgħa l-Kbira… Kompli aqra »

Quddies tal-Ħadd – 19 t’April

Quddies fit-Tieni Ħadd tal-Għid u l-Ħadd tal-Ħniena Divina

19/04/2020

Quddiesa bil-Malti mill-Knisja ta’ San Franġisk il-Ħamrun fid-9:30am

Quddiesa bl-Ingliż mill-Knisja ta’ San Franġisk t’Assisi l-Ħamrun fl-10:30am

Quddiesa bil-Malti mill-Knisja Parrokkjali tal-Lunzjata f’Ħal Balzan fil-11:30am

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija… Kompli aqra »