Arkivji mensili: Marzu 2022

Għajnuna finanzjarja għall-proġett New Hope ta’ Caritas

20/03/2022   San Blas, is-Siġġiewi

Il-Ministeru għas-Solidarjetà u l-Ġustizzja Soċjali, il-Familja u d-Drittijiet tat-Tfal issiġilla ftehim ieħor mal-Fondazzjoni Caritas, bi ftehim li jlaħħaq l-€4.2 miljun. Dan l-investiment se jkun qed iwassal biex jitmexxa l-proġett New Hope, li jgħin persuni jegħlbu diffikultajiet b’rabta mal-użu tad-droga.

Il-proġett New Hope se jkun qed jipprovdi programmi ta’ rijabilitazzjoni, għall-irġiel u n-nisa rispettivament f’San Blas. Dan il-ftehim mifrux fuq medda ta’ tliet snin, hu mħejji biex jagħti sapport lill-klijenti u sens ta’ empowerment, li jwassalhom biex jerġgħu jintegraw lura fis-soċjetà… Kompli aqra »

L-Evanġelju tal-jum: 19 ta’ Marzu

19/03/2022

San Ġużepp, l-Għarus tal-Verġni Mqaddsa Marija – Solennità
Qari tal-jum

L-Ewwel Qari: 2 Sam 7:4-5a,12-14a,16
Salm: 88:2-5,27,29
It-Tieni Qari: Rum 4:13,16-18,22

L-Evanġelju: Mt 1:16,18-21,24a (jew jista’ jinqara Lq 2:41-51a)

Ġakobb nissel ’il Ġużeppi, ir-raġel ta’ Marija, li minnha twieled Ġesù li jsejħulu Kristu. It-tnissil ta’ Ġesù Kristu sar hekk: ommu Marija, wara li tgħarrset ma’ Ġużeppi, qabel ma marru joqogħdu flimkien, ħarġet tqila bil-ħidma tal-Ispirtu s-Santu… Kompli aqra »

L-Arċisqof dwar Dun Peter Serracino Inglott: Kien kuxjenza li ċċaqlaqna

Quddiesa b’suffraġju għal ruħ Dun Peter Serracino Inglott fl-10 anniversarju minn mewtu

17/03/2022   Il-Knisja tal-Erwieħ, Ħal Tarxien

L-omelija tal-Arċisqof Charles Jude Scicluna

Ġesù jindirizza din il-parabbola lill-kapijiet, lill-Fariżej. Jagħti isem lill-fqajjar: “wieħed fqir jismu Lazzru, li kellu ġismu ġerħa waħda” (Lq 16:20). Nafu li wieħed mill-ħbieb kbar ta’ Ġesù, kien jismu Lazzru. Ma nafux jekk il-qalb ta’ Ġesù, ftakritx fil-ħabib tiegħu, ħu Marta u Marija, meta ried jagħti isem lil dan il-fqir.

L-għani m’għandux isem. It-tradizzjoni tagħtih hi stess bil-Latin dives, imma dives hi ‘għani’… Kompli aqra »

Live: Quddiesa fil-50 sena mill-ordinazzjoni saċerdotali tal-1972

18/03/2022   Il-Konkatidral ta' San Ġwann, il-Belt Valletta

Għada, 19 ta’ Marzu 2022, 22 saċerdot, djoċesani u reliġjużi, se jfakkru l-50 anniversarju mill-ordinazzjoni saċerdotali tagħhom mill-Arċisqof Mikiel Gonzi. Il-quddiesa se titmexxa mill-Isqof Vincent Costa, li hu l-Isqof ta’ Jundiaí fil-Brażil, fil-Konkatidral ta’ San Ġwann, il-Belt Valletta fis-5.45pm. Fost dawn is-saċerdoti, hemm uħud li qed jaħdmu fil-Brażil, l-Awstralja u l-Ġermanja. Tliet saċerdoti ħallew din id-dinja għall-ħajja ta’ dejjem.

Dawn is-saċerdoti jaħdmu bħala għalliema, kappillani u viċijiet fil-parroċċi u fid-djar tal-anzjani, f’ħidma djoċesana u anke fil-Vatikan, inkluża wkoll il-ħidma ta’ isqof fil-Brażil… Kompli aqra »

Studenti tas-sekondarja mill-Kulleġġ San Alwiġi b’attività f’solidarjetà mal-vittmi tal-gwerra fl-Ukrajna

14/03/2022   Il-Kulleġġ San Alwiġi, Birkirkara

On Monday 14th March 2022, the St Aloysius College Secondary School community of students and members of staff participated in a special community activity, as an expression of solidarity and support for those struggling as a result of the war in Ukraine. The activity took place in the Secondary School/Sports Complex Grounds.

Following a student march-past featuring the Ukrainian flag and music, the Secondary School’s educational community gathered in the sports grounds to physically form the Ukraine national flag and a symbolic heart… Kompli aqra »

Quddiesa u Rużarju – 18 ta’ Marzu, 9:30am

18/03/2022   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 18 ta’ Marzu

18/03/2022

Qari tal-jum

L-Ewwel Qari: Ġen 37:3-4,12-13a,17b-28
Salm: 104 (105):16-17,18-19,20-21

L-Evanġelju: Mt 21:33-43,45-46

F’dak iż-żmien, Ġesù qal lill-qassisin il-kbar u lix-xjuħ tal-poplu: “Isimgħu parabbola oħra: Kien hemm wieħed, sid ta’ għalqa, u ħawwilha bid-dwieli; tellgħalha ħajt tas-sejjieħ madwarha, ħaffer magħsar fiha, u bnielha torri; u qabbilha lil xi bdiewa. U siefer f’art oħra.

Meta wasal żmien il-frott, bagħat il-qaddejja tiegħu għand dawk il-bdiewa biex jiġbrulu l-frott li kien imissu… Kompli aqra »

Hemm għalfejn jidhrulna affarijiet mid-dinja l-oħra biex nikkonvertu? – L-Arċisqof

17/03/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Ġesù jgħid din l-istorja lill-Fariżej imma jgħidha lil kull wieħed u waħda minna. U ġġagħalna naħsbu. Dan l-għani kellu biex jagħti xi ħaġa x’jiekol lil Lazzru imma donnu nsieh. Lazzru kien imur ħdejn il-bieb tal-għani kuljum jittama li forsi jiekol mill-frak li jaqa’ mill-mejda tal-għani.

B’xi mod l-għani, għax ried, ħoloq abbiss, wied profond bejnu u bejn il-fqir… Kompli aqra »

Live: Quddiesa għall-Kattoliċi kollha li jgħixu f’Malta

17/03/2022   Il-Katidral ta' San Pawl, l-Imdina

Bi preparazzjoni għaż‑żjara tal‑Papa Franġisku f’Malta fit-2 u t-3 ta’ April li ġej, l‑Arċisqof Charles Jude Scicluna qed jistieden lill‑Kattoliċi minn pajjiżi differenti li bħalissa qed jgħixu Malta biex nhar is-Sibt li ġej, 19 ta’ Marzu, jingħaqdu miegħu għaċ‑ċelebrazzjoni tal‑quddiesa bl‑Ingliż fil‑Katidral ta’ San Pawl l‑Imdina. Il-quddiesa tibda fis-6pm u se tixxandar fuq Knisja.mt u Newsbook.com.mt.

Nhar il‑festa ta’ San Ġużepp, patrun tal‑Knisja Universali, niftakru fi kliem il‑Papa Frangisku li dan il‑qaddis hu “l‑patrun speċjali ta’ dawk kollha mġiegħla biex iħallu art twelidhom minħabba gwerer, mibegħda, persekuzzjoni u faqar” (Patris Corde, 5)… Kompli aqra »

Kampanja ta’ elezzjoni ġenerali fid-dell ta’ gwerra fl-Ewropa

17/03/2022

Il-Kummissjoni Interdjoċesana Ambjent tappellalill‑amministrazzjoni li se tmexxi l‑pajjiż mill‑aħħar ta’ Marzu ’l quddiem sabiex tagħmel l‑isforzi kollha, kemm fuq livell nazzjonali kif ukoll internazzjonali, biex Malta, l‑Ewropa u d‑dinja kollha jħallu warajhom b’mod deċiżiv l‑użu ta’ sorsi ta’ enerġija li ġejjin mill‑karburanti fossili (fossil fuels) u impjanti nukleari. Dan fid-dawl tal‑invażjoni traġika u insensata tal‑Ukrajna min‑naħa tar‑Russja, fejn il-gwerra ġabet fuq quddiem nett ukoll kwistjoni ambjentali fundamentali marbuta mas‑sorsi tal‑enerġija… Kompli aqra »