Arkivji mensili: Mejju 2023

Għal Ġesù l-ikbar dnub hu li ma taċċettahx bħala s-salvatur tiegħek – L-Arċisqof

Quddiesa tal-jum mas-saċerdoti l-ġodda

16/05/2023   Is-Santwarju tal-Madonna tal-Mellieħa, il-Mellieħa

L-omelija tal-Arċisqof Charles Jude Scicluna

Ħafna drabi staqsejt lili nnifsi: imma dawn it-tliet kelmiet ta’ Ġesù dwar l-iżball tad-dinja, xi jfissru eżattament? Għax il-Mulej jgħid li meta jiġi l-Ispirtu s-Santu, meta jingħata l-Ispirtu s-Santu jipperswadina dwar l-ideat żbaljati li għandha d-dinja dwar tliet affarijiet. U rrid nammetti li ħafna drabi ninduna li anke jien naqa’ f’dan l-iżball għax qiegħed fid-dinja u kultant nittieħed mill-ispirtu tad-dinja… Kompli aqra »

Dun Mikiel Azzopardi imfakkar fis-36 anniversarju mill-mewt tiegħu

16/05/2023

“Bil-qalb mimlija imħabba li kellu, Dun Mikiel ħareġ fil-beraħ lill-persuni b’diżabilità u tagħhom fejn joqogħdu: id-Dar tal-Providenza.”

Dan qalu Dun Frans Abdilla, Assistent Ekkleżjastiku tal-Azzjoni Kattolika Maltija, waqt quddiesa kkonċelebrata li fakkret is-36 anniverarju tal-mewt ta’ Dun Mikiel, il-fundatur tagħha. Dun Frans qal li t-tweġiba m’għandhiex tingħata b’argument imma bil-qalb. Hekk għamel Dun Mikiel meta wieġeb għas-sejħa li għamillu l-Mulej biex jara li l-persuni b’diżabilità jsibu posthom fis-soċjetà u jkunu jistgħu jipparteċipaw b’mod sħiħ u b’rispett sħiħ lejn id-drittijiet u d-dinjità tagħhom… Kompli aqra »

Il-Papa waqt ir-Regina Caeli: Aħna wlied maħbubin ta’ Alla

14/05/2023   Pjazza San Pietru, il-Vatikan

Għeżież ħuti, il-jum it-tajjeb!

L-Evanġelju tal-lum, is-sitt Ħadd tal-Għid, ikellimna dwar l-Ispirtu s-Santu li Ġesù jsejjaħlu Paraklitu (cfr Ġw 14,15-17). Il-kelma Paraklitu ġejja mill-Grieg u tfisser fl-istess ħin dak li jagħti l-faraġ u avukat. Ifisser li l-Ispirtu s-Santu qatt ma jħallina waħedna, dejjem qribna bħalma avukat jibqa’ dejjem qrib l-imputat biex jassistih. U jissuġġerielna kif għandna niddefendu ruħna quddiem min jakkużana.  … Kompli aqra »

Live: Quddiesa mas-saċerdoti l-ġodda – 16 ta’ Mejju 2023, 9:30am

16/05/2023   Is-Santwarju tal-Madonna tal-Mellieħa

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 16 ta’ Mejju

16/05/2023

Qari tal-jum

L-Ewwel Qari: Atti 16:22-34
Salm: 137 (138):1-2a,2bċ-3,7ċ-8

L-Evanġelju: Ġw 16:5-11

F’dak iż-żmien, Ġesù qal lid-dixxipli tiegħu: “Issa sejjer għand dak li bagħatni, u ħadd minnkom ma jistaqsini: “Fejn sejjer?”. Imma għax għedtilkom dan, qalbkom imtliet bin-niket. Madankollu, ngħidilkom is-sewwa, jaqblilkom li jiena mmur; għaliex, jekk ma mmurx, id-Difensur ma jiġix għandkom; imma jekk immur, nibgħathulkom.

U meta huwa jiġi, juri lid-dinja li għandha żball dwar id-dnub, il-ġustizzja u l-ġudizzju… Kompli aqra »

Il-kejl ta’ kemm veru nħobbuh – L-Isqof Galea-Curmi

14/05/2023   Il-Knisja Parrokkjali tal-Lunzjata, Ħal Balzan

Photo by Jasmine Carter L-omelija tal-Isqof Joseph Galea-Curmi

Għal darbtejn f’din is-silta qasira fl-Evanġelju llum, Ġesù jirrepeti l-istess ħaġa. Jgħid: “Jekk tħobbuni, ħarsu l-kmandamenti tiegħi” (Ġw 14:15); u ftit wara: “Min iżomm il-kmandamenti tiegħi u jħarishom, dak hu li jħobbni” (Ġw 14:21).

Għaliex Ġesù jenfasizza daqshekk l-imħabba lejh u kif għandha tintwera din l-imħabba lejh? L-ewwel nett, dan hu kliem li qed jgħid fl-Aħħar Ċena, ftit qabel il-passjoni u l-mewt tiegħu, fl-aħħar mumenti ta’ ħajtu… Kompli aqra »

Konferenza f’Malta tal-Katidrali Ewropej dwar ‘l-ekwilibriju bejn il-konservazzjoni u l-ispiritwalità’

15/05/2023

Nhar il-Ħamis 11 u l-Ġimgħa 12 ta’ Mejju, il-Fondazzjoni tal-Konkatidral ta’ San Ġwann tellgħet il-Konferenza tal-Katidrali Ewropej fil-Konkatidral ta’ San Ġwann, il-Belt Valletta. Il-Konferenza ta’ din is-sena iffukat fuq ‘L-Ekwilibriju bejn il-Konservazzjoni u l-Ispiritwalità’ li hija tema importanti li taf tenfasizza l-ħtieġa biex jinstab bilanċ bejn il-preservazzjoni tas-sinifikat storiku u kulturali tal-katidrali u l-artefatti tagħhom filwaqt li fl-istess ħin jiġi żgurat li s-sinifikat spiritwali tagħhom jibqa’ rilevanti għas-soċjetà kontemporanja… Kompli aqra »