F’konferenza ta’ l-aħbarijiet li saret it-Tlieta, 16 ta’ Frar, 2010, maġenb il-Grotta ta’ San Pawl, ir-Rabat, il-Kumitat Organizattiv Interdjoċesan ippreżenta l-Programm Pastorali bi tħejjija għaż-żjara f’Malta tal-Papa Benedittu XVI f’Malta. Il-Kumitat organizattiv nieda wkoll website li tinkludi d-dettalji kollha b’rabta mat-tħejjija għaż-żjara tal-Papa f’Malta: www.popemalta.org

Dawn huma l-iniżjattivi ewlenin li qed jittieħdu u li qed jiġu organizzati mis-Segretarjat għal-Lajċi, mill-Kummissjoni Djoċezana Żgħażagħ u mill-Kummissjoni Djoċezana Tfal:

• Randan – Il-Kummissjoni Teoloġika tal-Knisja f’Malta ħejjiet ktejjeb li fih ġabra ta’ materjal mit-tagħlim tal-Papa Benedittu XVI.  …

Kompli aqra »

Nhar il-Ħadd, 14 ta’ Frar 2010, fl-okkażjoni tal-Miġja tal-Papa f’Pajjiżna, ż-ŻAK Mosta organizzat mixja ta’ katekeżi. Il-Mixja ġiet organizzata miż-żgħazagħ ta’ dan il-grupp, li attendew bi ħġarom għal din l-attivita’. Iċ-ċelebrazzjoni bdiet minn fejn il-Millenium Chapel, Paċeville, fejn is-Salib u l-Ikona, replika ta’ dawk mogħtija liż-żgħażagħ mill-Papa Ġwanni Pawlu II,  ġew trasportati lejn il-Knisja Arċipretali tal-Mosta. Iż-żgħażagħ taż-ŻAK animaw il-Quddies u wara kemm iż-żgħażagħ kif ukoll il-banner imħejji għall-okkażjoni ġew imberkin… Kompli aqra »

F’Konferenza tal-Aħbarijiet, il-Kumitat Organizzattiv Nazzjonali u dak Interdjoċesan taw dettalji dwar il-Programm taż-Żjara tal-Papa u l-lokalitajiet li ser jgħaddi minnhom matul l-istess żjara. Il-Konferenza tal-Aħbarijiet kienet indirizzata mis-Sur Charles Bonello, Chairperson tal-Kumitat Organizzattiv Nazzjonali u minn Mons. Charles Cordina, Chairperson tal-Kumitat Organizzattiv Interdjoċesan.

Il-lokalitajiet li minnhom ser jgħaddi il-Papa, li f’uhud minnhom hemm aktar minn parroċċa waħda, huma dawn:

Is-Sibt, 17 ta’ April, 2010

17:45 – Il-Papa jħalli l-Ajruport fi triqtu lejn il-Belt Valletta:
MIA – Gudja, Luqa, Marsa, Blata l-Bajda, Floriana, Valletta

19:15 – Il-Papa jħalli l-Palazz tal-President fi triqtu lejn il-Grotta ta’ San Pawl, Rabat:
Valletta, Floriana, Pieta, Msida, Gzira, Sliema, San Giljan, San Ġwann, Naxxar, Mosta, Rabat

19:45 – Il-Papa jħalli l-Grotta ta’ San Pawl fi triqtu lejn in-Nunzjatura, Rabat:
Rabat

Il-Ħadd, 18 ta’ April, 2010

09:15 – Il-Papa jħalli n-Nunzjatura Appostolika fi triqtu lejn il-Fosos tal-Furjana:
Rabat, Attard, Balzan, Birkirkara, Fleur de Lys, Santa Venera, Hamrun, Blata l-Bajda, Floriana

12:20 – Il-Papa jħalli l-Fosos tal-Furjana fi triqtu lejn in-Nunzjatura, Rabat:
Floriana, Marsa, Mriehel Bypass, Attard, Rabat

16.15 – Il-Papa jħalli n-Nunzjatura Appostolika fi triqtu lejn il-Kalkara:
Rabat, Zebbug, Qormi, Marsa, Paola, Fgura, Bormla, Birgu, Kalkara

18:15 – Il-Papa jħalli l-Valletta Waterfront fi triqtu lejn l-Ajruport:
Valletta, Floriana, Blata l-Bajda, Marsa, Tal-Barrani, Ghaxaq, Gudja

Agħfas fuq ir-ritratt biex tkabbar… Kompli aqra »

Is-Sibt, 17 ta’ April, 2010

5.00 p.m.        Ċerimonja tal-wasla fl-Ajruport Internazzjonali ta’ Malta, Luqa.

5.45 p.m.        Il-Papa jħalli l-Ajruport fi triqtu lejn il-Belt Valletta. Il-poplu jsellem lill-Papa fit-toroq minn fejn ikun għaddej.

6.15 p.m.        Żjara ta’ kortesija lill-President tar-Repubblika u l-ogħla Awtoritajiet tal-iStat fil-Palazz, il-Belt. It-tfal jilqgħu lill-Papa fi Pjazza San Ġorġ.

7.15 p.m.        Il-Papa jħalli l-Palazz tal-President fi triqtu lejn ir-Rabat… Kompli aqra »

Għeżież uliedna,

Elf, disgħa mija u ħamsin sena ilu, Alla, il-Missier u s-Sid tagħna, bl-id setgħana u ħanina tiegħu, għadda mit-telfien tal-għarqa għall-ħajja tax-xandir tal-kelma fi Gżiritna lill-Appostlu tal-Ġnus, Missierna San Pawl. Mimli bil-qawwa tal-Ispirtu s-Santu u mħeġġeġ mit-tama li Alla stess nissel fih permezz ta’ Anġlu, f’nisġa sħiħa mal-Pjan Divin, ġie wassal lill-missirijietna u lilna warajhom, il-Bxara t-Tajba tas-saltna ta’ Alla, kif xtaq li tkun għall-bnedmin kollha, l-Iben ta’ Alla magħmul bniedem, li twieled, għex, bata u miet għalina u seħibna fil-Qawmien tiegħu għall-ħajja li ma tintemmx… Kompli aqra »

Il-Ħadd, 24 ta’ Jannar, 2010, il-Kummissjoni Djoċesana Żgħażagħ, bħala parti mit-tħejjija għaż-żjara f’Malta tal-Qdusija Tiegħu, il-Papa Benedittu XVI, bdiet mixja b’ Salib u Ikona, replika tal-istess simboli li jintużaw fil-Jum Dinji taż-Żgħażagħ. Din l-okkażjoni għanda sservi għal kull Nisrani, lajk, ikkonsagrat, jew reliġjuż, bħala ‘pellegrinaġġ’ fejn kullħadd jieħu l-okkazjoni li jagħmel sagrifiċċju u riflessjoni bi tħejjija għaż-żjara tal-Papa.

Mill-Marina tal-lukanda Excelsior, Floriana dgħajsa tal-qlugħ ġarret is-Salib u l-Ikona għax-xatt ta’ Tas-Sliema… Kompli aqra »

F’konferenza tal-aħbarijiet li saret il-Ġimgħa 8 ta’ Jannar, 2010, ingħataw aktar dettalji b’rabta mat-tħejjijiet għaż-żjara f’Malta tal-Qdusija Tiegħu, il-Papa Benedittu XVI. Kif tħabbar f’Novembru li għadda, il-Papa ser iżur Malta s-Sibt 17 u l-Ħadd 18 ta’ April,    fl-okkażżjoni tal-1950 anniversarju tan-nawfraġju ta’ San Pawl.

• L-GĦAŻLA TAD-DISINN TAL-LOGO

L-Isqfijiet Maltin għażlu d-disinn ta’ Mario Abela bħala logo uffiċjali taż-żjara tal-Papa f’Malta… Kompli aqra »

The Interdiocesan Committee organizing Pope Benedict XVI’s visit to Malta invites expressions of interest for the supply of the following services:

• Security – Click here to download
• Flower arrangements – Click here to download
• Lighting – Click here to download
• Chairs – Click here to download
• Mobile toilets – Click here to download
• Screens – Click here to download
• Food and beverage – Click here to download
• Ciboria – Click here to download
• Design of booklets and leaflets – Click here to download
• Printing of booklets and leaflets – Click here to download
• Design of altar, choir platform and a dias – Click here to download
• Construction of altar, 2 choir platforms and a dias – Click here to download
• Sound systems – Click here to download
• T-shirts and bandanas – Click here to download
• Stage – Click here to download
• Tents – Click here to download

Any correspondence should be addressed by not later then the 16th January, 2010, to:

Kumitat Interdjocesan Zjara tal-Papa

Expression of Interest

c/o Dun Anton Portelli

Kurja tal-Arcisqof

Floriana

or: [email protected]

The area of interest should be clearly shown on any correspondence… Kompli aqra »

‘Jeħtieġ iżda li naslu fi gżira’ (Atti 27, 26) hija t-tema magħżula mill-Isqfijiet Maltin għaż-żjara tal-Papa Benedittu XVI f’Malta, is-Sibt 17 u l-Ħadd 18 ta’ April 2010. Dan il-vers mill-Atti tal-Appostli ntagħżel mill-Isqfijiet propju għaliex is-silta f’dan il-kapitlu turi li għalkemm il-pjan u l-vjaġġ ta’ San Pawl kien li jmur Ruma, Alla kellu pjan differenti u ried li l-ġifen joħroġ minn triqtu u jasal Malta… Kompli aqra »