L-Aħbarijiet

Ġbir ta’ fondi għall-vittmi tal-Afganistan u tal-Ħaiti

Caritas Malta b'sejħa ta' emerġenza

06/09/2021

Fuq talba tal‑Isqfijiet ta’ Malta u Għawdex, Caritas Malta f’kollaborazzjoni ma’ Caritas Internationalis qed tappella għad‑donazzjonijiet ta’ flus b’risq il‑poplu tal‑Afganistan u dak tal-Ħaiti, li qed ibatu minħabba ċirkustanzi li għaddej minnhom pajjiżhom. F’dawn iż‑żewġ pajjiżi għadd kbir ta’ persuni qed jgħaddu minn ħafna tbatija u biża’ wara li tilfu djarhom u spiċċaw mingħajr ikel u affarijiet bażiċi sanitarji fost diffikultajiet oħra.

Fl‑Afganistan, eluf ta’ persuni qed jippruvaw jaħarbu minn pajjiżhom wara li t‑Talibani reġgħu ħadu kontroll tal‑pajjiż… Kompli aqra »

“Kull Pass Jgħodd” – 265 kilometru b’risq Fondazzjoni Sebħ

25 voluntiera se jimxu l-Camino de Santiago b'risq Fondazzjoni Sebħ

04/09/2021

Għadd ta’ voluntiera mill-grupp Caminiamo l-ġimgħa d-dieħla se jagħmlu l-Pellegrinaġġ ta’ San Ġakbu magħruf bħala l-Camino de Santiago fi Spanja. Id-donazzjonijiet miġbura se jmorru b’risq l-entità tal-Knisja Fondazzjoni Sebħ, biex tkun tista’ tiftaħ ċentru terapewtiku f’Santa Venera li se jgħin lit-tfal, l-adolexxenti u n-nisa li joqgħodu f’waħda mir-residenzi tal-fondazzjoni.

Il-motto tal-pellegrinaġġ ta’ din is-sena hu ‘Kull Pass Jgħodd’ b’riferiment għall-mixja nnifisha kif ukoll għal kull pass żgħir ’il quddiem li jsir waqt it-terapija… Kompli aqra »

Inawgurati żewġ pitturi ta’ Francesco Zahra fil-Bażilika tal-Isla

Proġett mill-Fondazzjoni għall-Patrimonju Kulturali b'fondi tal-Unjoni Ewropea

03/09/2021

Ġie inawgurat ix‑xogħol ta’ restawr u konservazzjoni fuq żewġ pitturi tal‑artist Malti Francesco Zahra, li jinsabu fil‑kor tal‑Bażilika Minuri ta’ Marija Bambina, l‑Isla. Dan il‑proġett sar mill‑Fondazzjoni għall‑Patrimonju Kulturali tal‑Arċidjoċesi ta’ Malta, b’kofinanzjament ta’ 80% minn fondi tal‑Unjoni Ewropea. L‑inawgurazzjoni saret mill‑Isqof Awżiljarju Joseph Galea‑Curmi u mis‑Segretarju Parlamentari għall‑Fondi Ewropej Stefan Zrinzo Azzopardi. Preżenti wkoll is‑Segretarju Amministrattiv tal‑Arċidjoċesi ta’ Malta Michael Pace Ross, u l‑Arċipriet Kan… Kompli aqra »

Mexxejja tal-Knejjes Ewropej jitolbu lill-UE tipproteġi lill-vulnerabbli fl-Afganistan

03/09/2021

In a joint statement released by CEC and COMECE, the two bodies representing European Churches and European Bishops call for solidarity with the people of Afghanistan and for support from European Union Member Nations.

As EU institutions are holding meetings on Afghanistan this week, European Churches turn to all political leaders, offering reflections and policy recommendations, urging them to prove that “EU values are not an empty rhetoric but are practical guiding principles that lead to actions based on ethical standards, beyond mere political or economic considerations.”

In their joint statement, Churches appeal to the international community to protect persons who are targets of oppression and whose lives are at risk, such as women, children, civil society actors, human rights defenders, journalists, artists and members of ethnic and sexual minorities, as well as Christians and other religious communities… Kompli aqra »

Uffiċċji u websajt ġodda għall-Istitut ta’ Formazzjoni Pastorali

02/09/2021

The Pastoral Formation Institute (PFI) launched a new website www.pfi.edu.mt. The site includes new features to help users access course information and apply online. The events page also features the ongoing work of the Institute which was founded in 2007 after the Diocesan Synod expressed the need of promoting the formation of Catholics in order to be empowered and to evangelize.

Besides launching the new website, the Pastoral Formation Institute moved to new offices at the Archbishop’s Curia, St Calcedonius Square, Floriana… Kompli aqra »

Boroż ta’ studju ta’ €2,000 fit-teoloġija u f’oqsma pastorali

Diploma ġdid fl-apprezzament artistiku u kulturali tal-patrimonju ekkleżjastiku

02/09/2021

Għas‑sena akkademika 2021‑2022 il‑Fondazzjoni għall‑Istudji Teoloġiċi tal‑Arċidjoċesi ta’ Malta qed toffri għaxar boroż ta’ studju lil min jixtieq ikompli l‑istudji tat‑teoloġija u l‑oqsma pastorali fil‑Fakultà tat‑Teoloġija.

Il‑boroż ta’ studju se jitqassmu skont dawn il‑kriterji:

  • boroż ta’ €400 għal min japplika għaċ‑Ċertifikat fil‑Ħarsien tat‑Tfal u Żgħażagħ
  • boroż ta’ €800 għal min japplika għad‑Diploma fl‑Apprezzament tal‑Patrimonju Ekkleżjastiku jew għad‑Diploma fl‑Istudji Reliġjużi
  • boroż ta’ €2,000 għal min japplika għall‑Baċellerat fl‑Arti (bl‑Unuri) fit‑Teoloġija (part‑time) jew għall‑Master fl‑Arti f’wieħed minn dawn l‑oqsma: Bioetika, Dritt Kanoniku Matrimonjali, Etika Ambjentali, Ministeru maż‑Żgħażagħ, Studji Reliġjużi, Teoloġija, jew Tmexxija tal‑Iskejjel tal‑Knisja…

    • Kompli aqra »

Ix-Xahar tal-Ħolqien 2021: Nagħtu widen leħen iċ-ċittadin

Stqarrija għall-istampa mill-Kummissjoni Ambjent għax-Xahar tal-Ħolqien

01/09/2021

Fl‑okkażjoni tax‑Xahar tal‑Ħolqien (mill-1 ta’ Settembru sal-4 ta’ Ottubru), il‑Kummissjoni Interdjoċesana Ambjent (KA) qed toffri xi riflessjonijiet li jistgħu jgħinu lil pajjiżna jagħmel l‑aħjar għażliet sabiex jiżgura kwalità tal‑ħajja li tassew tixraq lilna u lil uliedna.

Il‑ħtieġa ta’ dibattiti sinċiera u onesti

L‑istorja turina li l‑ebda naħa tal‑Kamra tal‑Parlament Malti ma tista’ tqis lilha nnifisha bħala xi paladin tal‑ambjent. Id‑difiża ġenwina tal‑ambjent, fil‑maġġoranza assoluta tal‑każi, dejjem waqgħet fuq dahar l‑NGOs, id‑diversi kunsilli lokali li kellhom il‑kuraġġ jitkellmu lil hinn mill‑interessi dojoq partiġġani, u ċ‑ċittadini ta’ kuxjenza… Kompli aqra »

Il-Papa fl-Udjenza: Nieħdu l-ħin nirriflettu dwar kif ngħixu l-fidi tagħna

01/09/2021

Katekeżi fuq l-Ittra lill-Galatin – 7. Galatin bla moħħ

Għeżież ħuti, l-għodwa t-tajba!

Inkomplu bl-ispjegazzjoni tal-Ittra ta’ San Pawl lill-Galatin. Din mhijiex xi ħaġa ġdida, din l-ispjegazzjoni, jew xi ħaġa tiegħi: dan li qed nistudjaw hu x’jgħid San Pawl f’kunflitt serju ħafna mal-Galatin. U hi wkoll Kelma ta’ Alla, għax daħlet fil-Bibbja. Mhumiex ħwejjeġ li qed jivvintahom xi ħadd: le… Kompli aqra »

Djarju Dar tal-Providenza 2022

31/08/2021

Kull sena, id-Dar tal-Providenza tistampa djarju biex jitqassam lil kull familja f’Malta u Għawdex. Biex dan ikun possibli jkun hemm bżonn, mhux biss li jkun stampat, iżda wkoll li jiġi infilsat f’envelop qabel jitqassam. 

Bħalissa għadd kbir ta’ voluntiera qed jgħinu fil-proċess tal-infilsar, fosthom voluntiera mill-Parroċċi ta’ Ħ’Attard, ta’ San Ġużepp Ħaddiem f’Birkirkara u l-Mellieħa. Grupp ta’ voluntiera Għawdxin ukoll qed jgħinu f’din l-inizjattiva.  Bħal kull sena dan id-djarju jitqassam b’xejn f’kull dar mill-Maltapost plc… Kompli aqra »

Il-Papa fl-Angelus: Inħarsu lejn il-ħajja billi nibdew mill-qalb tagħna

29/08/2021

Għeżież ħuti, il-jum it-tajjeb!

l-Evanġelju tal-Liturġija tal-lum jurina lil xi skribi u fariżej li baqgħu skantati bl-atteġġjament ta’ Ġesù.  Skandalizzaw ruħhom għax id-dixxipli tiegħu qed jieklu mingħajr ma mxew fuq it-tradizzjoni ritwali li qabel, jaħslu jdejhom.  Bejnhom u bejn ruħhom jgħidu: “Din l-imġieba tmur kontra l-prattika tar-reliġjon” (cfr Mk 7, 2-5).

Aħna wkoll nistgħu nsaqsu: Għaliex Ġesù jippermetti li d-dixxipli tiegħu ma jagħtux kas ta’ dawn it-tradizzjonijiet?  Fl-aħħar mill-aħħar mhux affarijiet ħżiena, imma ritwali tajbin, sempliċi ħasil qabel wieħed jibda jiekol.  Għaliex Ġesù ma jagħtix kas?  Għax għalih l-aktar importanti hu li l-fidi terġa’ tieħu postha fil-qalba ta’ kollox.  Fl-Evanġelju dan narawh isir il-ħin kollu: li l-fidi terġa’ titqiegħed fiċ-ċentru.  U nevitaw riskju li jgħodd għal dawk l-iskribi u għalina wkoll: li nosservaw il-formalità li tidher u l-vera sustanza tal-fidi ntuha t-tieni post.  Bosta drabi aħna wkoll “nirtukkaw” qlubna.  Il-formalità esterna mhijiex ir-ruħ tal-fidi: dan hu riskju.  Huwa r-riskju ta’ reliġjożità tad-dehra: nidhru tajbin minn barra filwaqt li ma nagħtux kas biex insaffu qlubna.  Dejjem hemm it-tentazzjoni li lil Alla “nsibulu soluzzjoni” b’xi devozzjoni tad-dehra, iżda Ġesù mhux kuntent b’kult bħal dan.  Ġesù ma jridx dak li jidher, irid fidi li tirfed il-qalb… Kompli aqra »