Il-Kelma tal-Isqof Awżiljarju

Għaxar punti mill-messaġġ tal-Papa Franġisku lis-soċjetà Maltija – L-Isqof Galea-Curmi

17/04/2022

Iż-żjara tal-Papa Franġisku f’pajjiżna tat messaġġ qawwi lilna lkoll – lis-soċjetà Maltija u lill-Knisja f’Malta. Hi, qabelxejn, il-preżenza tiegħu kollha mħabba, il-ġesti tiegħu li juru kompassjoni, viċinanza u tenerezza, li fihom infushom jgħidulna ħafna u jagħtuna l-isbaħ messaġġ. L-entużjażmu li bih tant nies laqgħu lill-Papa juri apprezzament kbir għal din il-preżenza tiegħu fostna.

Hemm ħafna wkoll fil-kliem li qalilna, u nixtieq li nirriflettu fuq punti partikulari mid-diskors li hu għamel lill-awtoritajiet ċivili – diskors li wera kemm jaf sewwa s-soċjetà Maltija… Kompli aqra »

Ġesù msallab: l-imħabba rebbieħa – L-Isqof Galea-Curmi

L-Azzjoni Liturġika tal-Passjoni u l-Mewt tal-Mulej

15/04/2022   Il-Knisja Parrokkjali tal-Lunzjata, il-Birgu

L-omelija tal-Isqof Joseph Galea-Curmi

Meta l-Papa Franġisku kien Malta, l-aħħar laqgħa li kellu kienet f’Ħal Far mal-migranti. Kien hemm uħud mill-aġenziji tal-media, anke barranin, li biex jiddeskrivu l-post, qalu: hawn għandna l-palk li minn fuqu se jitkellem il-Papa, u billi se jkun hemm ħafna migranti Musulmani, il-palk ma għandux kurċifiss.

Ma nafx min ħareġ biha din, għax mhu veru xejn. Mhu veru xejn li tneħħa jew twarrab il-kurċifiss għax fost il-migranti kien hemm ħafna Musulmani… Kompli aqra »

Tah kollox f’idejh, u jdejh użahom biex jaqdi – L-Isqof Galea-Curmi

Quddiesa f'Ħamis ix-Xirka

14/04/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Santu Wistin għandu espressjoni fil-ktieb tiegħu Il-Belt ta’ Alla li kiteb fis-seklu ħamsa. Tgħid hekk, bil-Latin: “libido dominandi”. Tfisser: il-kilba biex taħkem, biex tiddomina. Hu juri kif fir-realtà tal-ħajja tagħna – qed jitkellem dak iż-żmien, imma nafu li hekk hu wkoll fi żmienna – fin-nies kultant bejniethom, fis-soċjetajiet, bejn in-nazzjonijiet, hemm din il-kilba biex taħkem li ma tħallix lill-bniedem jirraġuna; il-bniedem jispiċċa hu stess immexxi minn din il-kilba… Kompli aqra »

Mhux biss qoxra ta’ barra – L-Isqof Galea-Curmi

10/04/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Waħda mill-karatteristiċi sbieħ li għandna f’pajjiżna f’dan iż-żmien marbut mal-Ġimgħa Mqaddsa hi l-organizzazzjoni ta’ wirjiet tal-Ġimgħa Mqaddsa li tara f’diversi postijiet. Ħafna nies ikunu jixtiequ jesprimu d-devozzjoni tagħhom f’dan iż-żmien billi jarmaw diversi statwi tal-Ġimgħa Mqaddsa, li juru mumenti tal-Passjoni ta’ Ġesù. Hi tradizzjoni mifruxa ma’ kullimkien, u ħaġa sabiħa ħafna.

Imma rridu noqogħdu attenti, kif qal il-Papa Franġisku fiż-żjara tiegħu f’Malta, li din il-prattika reliġjuża ma tkunx biss “qoxra ta’ barra”, jew inkella “ripetizzjoni ta’ repertorju tal-passat” (omelija quddiem is-Santwarju Nazzjonali Ta’ Pinu, 2 ta’ April 2022), imma li tkun tassew espressjoni ta’ fidi ħajja f’Ġesù… Kompli aqra »

Omm li tifhimna, takkumpanjana, tgħallimna – L-Isqof Galea-Curmi

Quddiesa f'Jum id-Duluri għall-impjegati tal-APS Bank

08/04/2022   Il-Knisja Parrokkjali ta' San Ġorġ Preca, is-Swatar

L-omelija tal-Isqof Joseph Galea-Curmi

Hemm żewġ stampi reċenti, fost ħafna oħrajn, ta’ dulur kbir, li huma ta’ persuni milquta mill-invażjoni tal-Ukrajna. Waħda minnhom hi ta’ omm li tilfet lil binha ta’ erba’ snin. Dat-tifel flimkien man-nanna ppruvaw li jaħarbu mis-suldati li kienu viċin, imma rikbu f’dgħajsa li nqalbet fix-xmara. It-tifel għall-ewwel ma sabuhx, u damet 26 ġurnata tistenna li jsibuh. Fl-aħħar sabuh, imma kien mejjet… Kompli aqra »

Il-Papa Franġisku jgħinna biex ikollna d-dawl tal-ħajja – L-Isqof Galea-Curmi

04/04/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Min jiġi warajja ma jimxix fid-dlam, iżda jkollu d-dawl tal-ħajja”. Dan hu l-kliem li smajna lil Ġesù jgħid lill-Fariżej illum, fl-Evanġelju skont San Ġwann, u nistgħu nifhmu ħafna dan il-kliem fil-kuntest ta’ kif qalu Ġesù. Dal-kliem qalu eżatt wara s-silta fejn lil Ġesù fit-tempju dawn il-Fariżej u l-kittieba ħadulu l-mara li nqabdet fl-adulterju. U hemmhekk ħaduha quddiemu biex lilu jġibuh dahru mal-ħajt… Kompli aqra »

Emmen il-kelma li qallu Ġesù – L-Isqof Galea-Curmi

28/03/2022   Il-Kappella tal-Madonna tal-Mirakli, Ħal Lija

L-omelija tal-Isqof Joseph Galea-Curmi

“Emmen il-kelma li qallu Ġesù”. Dan hu li naqraw fuq dan l-uffiċjal tas-sultan fl-Evanġelju skont San Ġwann illum. L-uffiċjal li ġie l-Galilija jfittex lil Ġesù biex jitolbu jfejjaqlu lil ibnu għax kien marid u wasal fl-aħħar. Għamillu talba ħerqana lil Ġesù: “Inżel, Mulej, qabel ma jmutli t-tifel”. Hi talba tassew ħierġa minn qalb maqsuma, li tqiegħed quddiem Ġesù x-xewqa li hu jmur ma’ dan ir-raġel id-dar ħalli jfejjaqlu t-tifel… Kompli aqra »

Qalb ħanina li tagħder u taħfer – L-Isqof Galea-Curmi

Quddiesa fir-Raba’ Ħadd tar-Randan

27/03/2022   Il-Kappella tal-Madonna tal-Mirakli, Ħal Lija

L-omelija tal-Isqof Joseph Galea-Curmi

Din l-istorja li smajna fl-Evanġelu llum, tant magħrufa u tant sabiħa, bqajna nafuha bħala l-parabbola “tal-Iben il-Ħali”. Forsi jkun aħjar kieku nsejħulha, kif il-Papa Franġisku jispjega b’mod sabiħ ħafna, il-parabbola “tal-Missier il-Ħanin”, għax Ġesù qal din il-parabbola proprju biex juri li Alla hu Missier ħanin. Kienet b’reazzjoni għal dak li qalu l-Fariżej u l-Kittieba, li kienu raw il-pubblikani u l-midinbin sejrin għandu, u gergru u qalu: “Nies midinba jilqa’ għandu dan! … Kompli aqra »

Ma baqgħetx imħawda – L-Isqof Galea-Curmi

Quddiesa fis-Solennità tat-Tħabbira tal-Mulej

27/03/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

“Għal dan il-kliem tħawdet”. Nixtieq li nieqfu ftit illum fuq dawn il-kelmiet mill-Evanġelju skont San Luqa fejn qed jiddeskrivi l-ewwel reazzjoni ta’ Marija għall-kliem tal-anġlu Gabrijel. Għalfejn tħawdet? Aħna kultant ngħidu li tħawdet għax qatt ma kienet qed tistenna din l-aħbar – li se ssir Omm Alla. Imma fil-fatt meta l-Evanġelju jgħid “għal dan il-kliem tħawdet”, kien għadu lanqas qalilha l-anġlu bl-aħbar li se tkun Omm Alla… Kompli aqra »

Alla hu l-qawwa tiegħi – L-Isqof Galea-Curmi

Quddiesa fis-Solennità tat-Tħabbira tal-Mulej

25/03/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“L-‘Iva’ li ħarġet mill-Qalb tiegħek feħet il-bibien tal-Istorja għall-prinċep tas-Sliem.” Din is-sentenza hi meħuda mit-talba ta’ Konsagrazzjoni lill-Qalb bla Tebgħa ta’ Marija li l-Papa Franġisku fassal għal din il-ġurnata u se jgħid illejla fil-Bażilka ta’ San Pietru. U din is-sentenza tfisser tant tajjeb din il-festa speċjali li qed niċċelebraw illum.

Illum niċċelebraw it-Tħabbira tal-Mulej, li hu disa’ xhur qabel il-Milied – bħal-lum disa’ xhur il-festa tal-Milied, 25 ta’ Diċembru… Kompli aqra »