Il-Kelma tal-Isqof Awżiljarju

Il-prezz tal-fedeltà – L-Isqof Galea-Curmi

Quddiesa fit-tifkira tal-martirju ta’ San Ġwann Battista

29/08/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

L-istorja tal-qtil ta’ Ġwanni l-Battista hi storja kerha, makabra, u fiha hemm konċentrazzjoni ta’ ħażen. Qisu dnub iwassal għal ieħor.

Naraw, l-ewwel nett, il-mibegħda – il-mibegħda li kellha f’qalbha Erodja. Ma kinitx taħmlu lil Ġwanni l-Battista. L-ewwel ġagħlet lil Erodi jitfgħu l-ħabs, jaqflu hemm, għax Ġwanni l-Battista kien jgħidlu lil Erodi: “Ma tistax iżżommha int il-mara ta’ ħuk”. Imbagħad kompliet biex dil-mibegħda kibret f’qalbha u riedet toqtlu… Kompli aqra »

Inwieġeb għall-għemil tiegħi

26/08/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Agħtuna ftit żejt minn tagħkom…” (Mt 25:8). Din hi t-talba li ħamsa mix-xebbiet, li qrajna fuqhom fil-parabbola fl-Evanġelju skont San Mattew, għamlu lill-ħamsa l-oħra. Talbuhom ftit żejt ħalli l-imsiebaħ tagħhom jibqgħu mixgħula. Imma l-ħamsa l-oħra, flok għenuhom, qalulhom: morru għand tal-ħanut biex tixtru, għax jista’ jkun li lanqas jibqa’ biżżejjed għalina.

Nixtieq li naraw din il-parabbola b’rabta ma’ parabbola oħra li qal Ġesù fl-Evanġelju skont San Luqa, li hi l-parabbola tas-Samaritan it-tajjeb… Kompli aqra »

Reġina tal-imħabba u tal-ħniena – L-Isqof Galea-Curmi

22/08/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Fl-Evanġelju tal-lum għandna lil Ġesù li juża kliem iebes ħafna kontra l-Fariżej. Irrid ngħid li mhux il-Fariżej kollha kienu hekk, imma dawn li Ġesù kien f’polemika magħhom kienu kif jgħid Ġesù, u għalhekk jgħidilhom illum għal diversi drabi “Ħażin għalikom” u jagħtihom titli oħra. Nixtieq li naraw lil dawn il-Fariżej b’kuntrast ma’ Marija, omm Ġesù u ommna wkoll, proprju f’dit-tifkira li qed nagħmlu llum ta’ Marija Reġina, sebat ijiem wara l-festa ta’ Marija mtellgħa s-sema… Kompli aqra »

Inġeddu kollox fi Kristu – L-Isqof Galea-Curmi

Quddiesa fil-festa tal-Papa San Piju X u fil-50 anniversarju mit-tberik tal-Knisja Parrokkjali

21/08/2022   Il-Knisja Parrokkjali tal-Papa San Piju X, Santa Luċija

L-omelija tal-Isqof Joseph Galea-Curmi

“Inġeddu kollox fi Kristu”. Dan kien il-motto li għażel il-Papa San Piju X meta kien elett Papa, u f’dan il-kliem hemm miġbur ukoll dak li ħadem għalih tul ħajtu, u dak li hu ta’ ispirazzjoni għalina llum meta qed niċċelebraw il-festa tiegħu – u, speċjalment, f’għeluq il-ħamsin sena mit-tberik ta’ din il-knisja ddedikata lilu, u t-30 sena mill-konsagrazzjoni tagħha.

Għeruq

Giuseppe Sarto, għax hekk kien jismu l-Papa Piju X, kien ġej minn familja kbira ta’ għaxart aħwa… Kompli aqra »

Bieb wieħed – L‑Isqof Galea‑Curmi

Quddiesa fil-21 Ħadd taż-Żmien ta' Matul is-Sena

21/08/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Qisna għandna llum żewġ stampi differenti f’dan l-Evanġelju: min-naħa l-waħda stampa ta’ bieb dejjaq, li diffiċli tgħaddi minnu; u min-naħa l-oħra, stampa ta’ bieb li minnu jgħaddu ħafna nies, u minn kull xorta ta’ nies.  Dan fi kliem Ġesù nnifsu, li l-ewwel jgħid: “Tħabtu biex tidħlu mill-bieb id-dejjaq għax, kif ngħidilkom jien, ħafna għad ifittxu li jidħlu u ma jirnexxilhomx” (Lq 13:24).  Mill-banda l-oħra, aktar ’il quddiem jgħid: “U jiġu nies mil-Lvant u mill-Punent, mit-Tramuntana u min-Nofsinhar u joqogħdu għall-mejda tas-saltna ta’ Alla” (Lq 13:29)… Kompli aqra »

Fly high – L-Isqof Galea-Curmi

Quddiesa fis-Solennità tal-Assunta

15/08/2022   Il-Knisja Parrokkjali tal-Lunzjata, Ħal Balzan

OLYMPUS DIGITAL CAMERA L-omelija tal-Isqof Joseph Galea-Curmi

Waħda mill-espressjonijiet komuni fuq il-media soċjali meta jmut xi ħadd hi ‘Fly high!’. Taraha kemm-il darba, speċjalment meta xi ħadd ikun ħabib jew ħabiba ta’ min miet u jikteb din l-espressjoni. Mhuwiex dejjem ċar min jiktibha xi jkun qed jifhem biha, jidher li hi espressjoni li turi xi ħaġa lil hemm minn din il-ħajja; imma naħseb li l-festa li qed niċċelebraw illum tagħti l-isbaħ u l-aħjar tifsira għal din l-espressjoni ‘fly high’… Kompli aqra »

Iva għall-ħajja – L-Isqof Galea-Curmi

Quddiesa f'Jum id-Don tal-Ħajja u preżentazzjoni tat-trabi f'Ħad-Dingli

14/08/2022   Il-Knisja Parrokkjali ta’ Santa Marija, Ħad-Dingli

L-omelija tal-Isqof Joseph Galea-Curmi

“Imbierek il-frott tal-ġuf tiegħek!” (Lq 1:42) Dan hu l-kliem li smajna fl-Evanġelju llum, il-kliem li Eliżabetta qalet lil Marija. Hu l-kliem li nixtieq ngħid b’mod speċjali lill-ommijiet li qegħdin hawn, flimkien mal-missirijiet, għal din il-quddiesa – dawk li kellhom tarbija din is-sena li għaddiet, kif ukoll dawk li qed jistennew it-twelid tat-tarbija.

Post it-tfal iż-żgħar fil-knisja

Kemm hu sabiħ li bi tħejjija għall-festa ta’ Santa Marija f’din il-parroċċa għażiża ta’ Ħad-Dingli qegħdin miġburin flimkien għal din il-quddiesa llum biex niċċelebraw id-don tal-ħajja… Kompli aqra »

Ċaħda u salib – L-Isqof Galea-Curmi

05/08/2022   Il-Kappella tal-Madonna tal-Manresa fil-Kurja tal-Arċisqof, il-Furjana

“…jiċħad lilu nnifsu, jerfa’ salibu, u jimxi warajja” (Mt 16:24). Dawn huma t-tliet punti li jsemmi Ġesù fl-Evanġelju għal dawk li huma dixxipli tiegħu, jiġifieri għalina lkoll. Għall-ewwel, meta tisma’ dan il-kliem, qisu Ġesù jrid jagħmilha diffiċli – kliem iebes dan! Imma nafu mill-esperjenza tal-ħajja stess, kemm dan li qed jgħid Ġesù hu ta’ ġid għalina stess u għall-oħrajn.

L-ewwel nett Ġesù jgħid “jiċħad lilu nnifsu”… Kompli aqra »

Tħassarhom – L-Isqof Galea-Curmi

Quddiesa b'tifkira ta’ San Alfons Maria de Liguori

01/08/2022   Il-Kappella tal-Madonna tal-Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Tħassarhom” (Mt 14:14). Din hi l-kelma li naqraw fl-Evanġelju skont San Mattew fuq Ġesù, meta ġie wiċċ imb wiċċ man-nies. Kien qed ifittex post imwarrab, u għalhekk telaq bid-dgħajsa; imma n-nies indunaw u mxew biex, hekk kif niżel mid-dgħajsa, sabhom ma’ wiċċu. U l-Evanġelju jgħid: “tħassarhom”.

Hemm silta oħra fl-Evanġelju skont San Mark fejn naraw l-istess kelma – “tħassarhom”… Kompli aqra »

Nistagħnu quddiem Alla – L-Isqof Galea-Curmi

Quddiesa fit-Tmintax-il Ħadd tas-Sena

31/07/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

“Iftħu għajnejkom u ħarsu rwieħkom minn kull regħba” (Lq 12:15). Din is-sentenza ta’ Ġesù fl-Evanġelju llum hi, biex ngħid hekk, il-qofol tal-messaġġ tiegħu, u torbot ma’ dak li smajna f’silta oħra tal-Kelma ta’ Alla, l-Ittra ta’ San Pawl lill-Kolossin, meta jgħid li “r-regħba hi idolatrija” (Kol 3:5).

X’inhi r-regħba? Hi l-kilba biex inti dejjem ikollok, u jkollok aktar, u dejjem aktar, u qatt ma inti kuntent jew kuntenta b’dak li għandek, u minħabba f’hekk il-ħajja kollha ssir ġirja biex int takkumula aktar… Kompli aqra »