Il-Kelma tal-Isqof Awżiljarju

Jingħata għalina – L-Isqof Galea-Curmi

Quddiesa fis-Solennità tal-Ġisem u d-Demm Imqaddes ta’ Kristu

19/06/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Żgur li ħafna minna hawnhekk niftakru l-ġurnata tal-ewwel tqarbina. Jien niftakarha sew, kif konna nġbarna flimkien, numru kbir ta’ tfal, u mxejna mill-Museum sal-Knisja. Niftakar il-preparazzjoni għal dan il-jum kbir, u speċjalment il-ferħ li ħassejt, u miegħi l-familja kollha. Jien ċert li din hi l-esperjenza ta’ ħafna minna hawnhekk fl-ewwel tqarbina.

Nixtieqkom tirriflettu dwar dan: x’differenza hemm bejn l-ewwel tqarbina, għal ħafna minna tant snin ilu, u t-tqarbina tal-lum f’din il-quddiesa? … Kompli aqra »

Teżori fis-sema – L-Isqof Galea-Curmi

17/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Ġemmgħu għalikom teżori fis-sema” (Mt 6:20). Dan hu li Ġesù jgħid lid-dixxipli tiegħu llum, fl-Evanġelju skont San Mattew, filwaqt li jagħmel kuntrast bejn dawn it-teżori fis-sema, it-teżori li jibqgħu, u t-teżori f’din id-dinja li, jgħid Ġesù, jitmermru bil-kamla u s-sadid u kultant ukoll jinsterqu mill-ħallelin.

Ġesù qed jagħti messaġġ ċar. Aħna nafu x’jiġifieri meta jgħid “teżori fid-dinja”. Il-Papa Franġisku, meta jispjega din, isemmi tlieta, fost oħrajn: il-vanità, il-poter u l-ġid materjali… Kompli aqra »

Il-libertà fil-qalb u l-ġenerożità – L-Isqof Galea-Curmi

13/06/2022   Il-Knisja tas-Seminarju, Tal-Virtù, ir-Rabat

L-omelija tal-Isqof Joseph Galea-Curmi

“Jien ngħidilkom biex bniedem ħażin ma tiqfulux”. Dan hu li Ġesù jgħid illum lid-dixxipli tiegħu fl-Evanġelju skont San Mattew. Żgur li din tinstema’ stramba. Kif lill-bniedem ħażin ma tiqaflux? Jekk bniedem qed jagħmel il-ħsara, qed iweġġa’ lil ħaddieħor – rajna llum fl-ewwel qari bniedem li jagħmel il-ħażin – jekk bniedem juża l-vjolenza kontra ħaddieħor, ma tiqaflux, tħallih jagħmel li jrid?

Nistgħu nifhmu aħjar il-kliem li qed jgħid Ġesù hawnhekk meta niftakru dak li għedna fis-salm, fejn għedna: “Għax int m’intix Alla li tħobb il-ħażen, il-ħażin ma jsibx postu għandek”… Kompli aqra »

Imħabba li tħaddan – L-Isqof Galea-Curmi

Quddiesa fis-Solennità tat-Trinità Qaddisa

12/06/2022   Il-Kappella tal-Madonna tal-Abbandunati, il-Wardija

L-omelija tal-Isqof Joseph Galea-Curmi

“X’inhu l-bniedem biex tiftakar fih, bin il-bniedem biex taħseb fih?” Hekk għedna lill-Mulej fis-Salm illum aħna u nfaħħruh u ngħidulu: “Mulej, Sid tagħna, kemm hu kbir ismek fl-art kollha!”

Dan hu t-tifħir li nagħtu lill-Mulej illum fis-solennità tat-Trinità Qaddisa. Aħna nfaħħru l-isem ta’ Alla, kbir fl-art kollha, Alla li hu t-Trinità – il-Missier, l-Iben u l-Ispirtu s-Santu. Hu dan l-isem ta’ Alla li nsejħu kontinwament meta rroddu s-salib, u li nsejħu wkoll f’ħafna mit-talb tal-quddiesa, u dan ukoll li nfaħħru meta ngħidu: “Glorja lill-Missier u lill-Iben u lill-Ispirtu s-Santu”… Kompli aqra »

Meta għandna ngħidu ‘le’ – L-Isqof Galea-Curmi

10/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Hemm espressjonijiet qawwija li Ġesù kultant juża fl-Evanġelju biex iwassal il-messaġġ tiegħu. U hawnhekk illum għandna proprju eżempju ta’ dan, meta Ġesù jgħid: “Jekk għajnek hi għalik okkażjoni ta’ dnub, aqlagħha barra u armiha ’l bogħod minnek… jekk idek il-leminija hi għalik okkażjoni ta’ dnub, aqtagħha barra u armiha ’l bogħod minnek”. Kliem qawwi dan, kliem iebes!  U jkompli, jgħid: aħjar tgħix b’għajn waħda jew b’id waħda, milli tispiċċa mbagħad ġismek kollu fl-infern… Kompli aqra »

Ħsibijiet mill-Għid sa Pentekoste – Il-Ħadd tal-Għid il-Ħamsin

05/06/2022

Riflessjoni mill-Isqof Joseph Galea-Curmi għall-Għid il-Ħamsin 2022

Evanġelju: Ġw 14:15-16, 23b-26

F’dak iż-żmien, Ġesù qal lid-dixxipli tiegħu: “Jekk tħobbuni, ħarsu l-kmandamenti tiegħi. U jiena nitlob lill-Missier, u hu jagħtikom Difensur ieħor biex jibqa’ magħkom għal dejjem. Jekk xi ħadd iħobbni, iħares kelmti, u Missieri jħobbu, u aħna niġu u ngħammru għandu. Min ma jħobbnix ma jħarisx kliemi. U l-kelma li qegħdin tisimgħu mhijiex tiegħi, imma tal-Missier li bagħatni… Kompli aqra »

L-imħabba ssuqna – L-Isqof Galea-Curmi

03/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Id-djalogu bejn Ġesù u Pietru, fix-xatt ta’ Tiberija hu djalogu sabiħ ħafna. Hawnhekk Ġesù għal tliet darbiet jistaqsi lil Pietru jekk iħobbux – “tħobbni int?” u fil-bidu jistaqsi, “tħobbni int, aktar minn dawn?” Għaliex jistaqsih għal tliet darbiet? Mhux għax ma semax it-tweġiba, jew għax ma fehemhiex. U Pietru kien ċar fit-tweġiba: “Iva, Mulej, int taf li nħobbok”. Ħafna jaraw ir-rabta bejn din l-istqarrija għal tliet darbiet u ċ-ċaħda li għamel Pietru għal tliet darbiet fil-Passjoni ta’ Ġesù, meta ċaħad li jaf lil Ġesù… Kompli aqra »

Rebbieħa miegħu – L-Isqof Galea-Curmi

30/05/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Agħmlu l-qalb: jiena rbaħt id-dinja”. Dan hu l-kliem ta’ Ġesù fl-Evanġelju skont San Ġwann, fid-diskors tal-Aħħar Ċena, meta hu jfittex li jagħmel kuraġġ lid-dixxipli tiegħu. Jgħidilhom li se jbatu – “fid-dinja tbatu jkollkom. Iżda agħmlu l-qalb: jien irbaħt id-dinja”. Ma kienx l-ewwel darba li Ġesù jitkellem, anke fl-istess diskors tal-Aħħar Ċena, fuq it-tbatija li kellhom jgħaddu minnha d-dixxipli tiegħu.

Imma jgħidilhom aktar Ġesù… Kompli aqra »

Ħsibijiet mill-Għid sa Pentekoste – Is-Seba’ Ħadd

29/05/2022

Riflessjoni mill-Isqof Joseph Galea-Curmi għas-Seba’ Ħadd tal-Għid 2022

Evanġelju: Lq 24:46-53

F’dak iż-żmien, Ġesù qal lid-dixxipli tiegħu: “Hekk kien miktub, li l-Messija jbati u fit-tielet jum iqum mill-imwiet, u li l-indiema għall-maħfra tad-dnubiet tixxandar f’ismu lill-ġnus kollha, ibda minn Ġerusalemm. Intom xhud ta’ dan. U jiena, araw, nibgħat fuqkom lil dak li wiegħed Missieri. Imma intom ibqgħu fil-belt, sa ma Alla jkun libbiskom bil-qawwa tiegħu”… Kompli aqra »

Ferħ li ma jeħodhulna ħadd – L‑Isqof Galea‑Curmi

27/05/2022   Il-Kappella tal-Madonna ta' Manresa fil-Kurja tal-Arċisqof, il-Furjana

✠ Joseph Galea-Curmi   
    Isqof Awżiljarju

“Il-ferħ tagħkom ħadd ma jeħodhulkom” (Ġw 16:22). Dan hu li jgħid Ġesù lid-dixxipli tiegħu, fl-Evanġelju skont San Ġwann. Hawnhekk qiegħed fl-Aħħar Ċena. Jolqotna dan il-kliem, kif jitkellem fuq il-ferħ meta hu l-waqt ta’ dwejjaq, ta’ niket, u mument iebes ħafna għal Ġesù. Fil-fatt, ftit wara Ġesù kien se jkun arrestat, imbagħad jgħaddi mill-passjoni u mill-mewt tiegħu.

Hawnhekk jgħid lid-dixxipli tiegħu: “intom għad tibku u tingħu… għad iġarrbu n-niket”… Kompli aqra »