Il-Kelma tal-Isqof Awżiljarju

L-għażla li nilqgħuh – L-Isqof Galea-Curmi

Quddiesa Solennità tal-Milied

25/12/2021   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Ftit ta’ żmien ilu, kien hemm fl-aħbarijiet dokument li kien imħejji għall-uffiċċju fl-Ewropa li kien intenzjonat biex jagħti gwida lin-nies kif għandhom jitkellmu b’attenzjoni; u fost l-eżempji – eżempju żbaljat – kien hemm dak li jekk int qed titkellem ma’ xi ħadd li mhux tal-istess reliġjon, flok “Milied” tuża kelma oħra – pereżempju, “il-festi”. Mir-reazzjoni li kien hemm, kienet ovvja li dan kien eżempju żbaljat, għax jekk int qed titkellem fuq ġrajja partikulari – u l-Milied hu ġrajja unika fl-istorja tal-umanità – int tirreferi għaliha b’isimha, mhux taħbi isimha b’kelma oħra… Kompli aqra »

Imħabba li tagħmilna ħielsa u tagħtina ħajja ġdida – L-Isqof Galea-Curmi

Quddiesa fis-Solennità tal-Milied

25/12/2021   Il-Faċilità Korrettiva ta’ Kordin, Paola

L-omelija tal-Isqof Joseph Galea-Curmi

Hemm sentenza li qal Ġesù li nixtieq li tibqgħu tiftakru wara din il-ġurnata għax hi kelma tant sabiħa għal ħajjitna. Darba Ġesù, meta kien qed jispjega l-missjoni tiegħu, qal hekk: “Alla hekk ħabb lid-dinja li ta lil Ibnu l-waħdieni biex kull min jemmen fih ma jintilifx iżda jkollu l-ħajja ta’ dejjem” (Ġw 3:16). Din is-sentenza tiġbor proprju dak li qed niċċelebraw illum fil-Milied, meta qed niċċelebraw lil Alla li sar bniedem fostna, tarbija f’Betlehem… Kompli aqra »

Il-kobor taċ-ċokon – L-Isqof Galea-Curmi

Il-Quddiesa ta' Nofsillejl

24/12/2021   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

“Bħala sinjal ikollkom dan: issibu tarbija mfisqija u mimduda f’maxtura”. Dan hu li qal l-anġlu lir-ragħajja, u mill-ewwel jolqotna l-kuntrast ta’ dan mal-bidu tal-Evanġelju skont San Luqa fejn jirrakkonta x’ried l-Imperatur Ċesri Awgustu mid-dinja kollha meta għamel iċ-ċensiment. Hawnhekk, l-Evanġelju fil-bidu jitkellem fuq in-nies ta’ poter. Hemm Ċesri Awgustu, li ried ikun jaf kemm għandu nies mad-dinja kollha, u għalhekk ġiegħel lin-nies jagħmlu ċ-ċensiment u minħabba f’hekk li Ġużeppi u Marija kellhom imorru Betlehem; u hawn isemmilek ukoll lill-gvernatur tas-Sirja, Kirinu… Kompli aqra »

Imbierek il-Mulej li jsalvana – L-Isqof Galea-Curmi

24/12/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

L-innu ta’ Żakkarija, magħruf bħala l-Benedictus, hu innu sabiħ ħafna li bih Żakkarija juri l-gratitudni lejn Alla, u jfaħħru għax “ġie jżur u jifdi lill-poplu tiegħu”. U f’dan l-innu wkoll iħabbar li Ġwanni l-Battista, ibnu, kellu jkun dak li “jħejji t-triq għall-Mulej”, kif kien ħabbar fit-Testment il-Qadim il-Profeta Isaija. Dan l-innu jiġi ftit wara l-innu l-ieħor sabiħ tal-Magnificat, fejn hi Marija li tfaħħar lil Alla għal dak li għamel magħha, u tifraħ bis-salvazzjoni tiegħu… Kompli aqra »

Bieb miftuħ – L-Isqof Galea Curmi

20/12/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Sliem għalik, mimlija bil-grazzja, il-Mulej miegħek”. Din kienet it-tislima tal-anġlu Gabrijel li għadna kif smajna fl-Evanġelju skont San Luqa, fir-rakkont ta’ meta l-anġlu deher lil Marija biex iħabbrilha li se ssir omm Ġesù. L-Evanġelju jgħid xi ħaġa li żgur tolqotna: li kif qal din it-tislima, Marija “tħawdet ħafna”. It-tislima kienet tislima sabiħa, fost l-isbaħ tislimiet li tista’ tagħmel, imma Marija, kif semgħetha, tħawdet ħafna… Kompli aqra »

Meta l-ħeffa hi tajba – L-Isqof Galea-Curmi

Quddiesa fir-Raba’ Ħadd tal-Avvent

20/12/2021   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Il-Papa Franġisku għażel bħala tema għall-Jum Dinji taż-Żgħażagħ tas-sena d-dieħla l-kliem li smajna llum fir-rakkont tal-Evanġelju: “Marija qamet u marret tħaffef…” Hu jenfasizza ħafna l-kelma “tħaffef”, għaliex hawnhekk fl-Evanġelju naraw lil Marija li mhux biss marret iżżur lil Eliżabetta, imma marret “tħaffef” biex tkun magħha.

Għaliex din il-kelma “tħaffef” għandha daqshekk tifsira hawnhekk? Nifhmu xi tfisser meta naraw ir-rakkont ta’ qabel dan, dak ta’ meta l-anġlu Gabrijel iħabbar lil Marija li hi se tkun Omm Ġesù, u hi, li għall-bidu ma fehmitx, meta fehmet li minn Alla, qalet “Hawn jien il-qaddejja tal-Mulej, ħa jsir minni skont kelmtek”… Kompli aqra »

Niżirgħu żrieragħ li jagħtu l-ħajja – L-Isqof Galea-Curmi

19/12/2021

Article by Auxiliary Bishop Joseph Galea-Curmi

“We reap what we sow”. This proverb reminds us that our present actions will inevitably have future consequences.

The recent discussion on the cannabis legislation has reminded us of this saying. It is not only true for the four plants that are now allowed to be cultivated at home, but also for the whole legislation which will definitely have an effect on future generations… Kompli aqra »

Ismijiet li għandhom tifsira kbira – L-Isqof Galea-Curmi

17/12/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Meta naqraw dawn l-ismijiet, forsi jiġina f’moħħna: kellu għalfejn San Mattew, fil-bidu tal-Evanġelju tiegħu, jagħtina din il-lista ta’ ismijiet, li għalina ħafna minnhom huma strambi? Jista’ jkun ukoll li ħafna minnhom għalina ma jfissru xejn, għalkemm il-parti l-kbira ta’ dawn l-ismijiet qegħdin fit-Testment il-Qadim. Imma hemm skop għaliex San Mattew fil-bidu tal-Evanġelju tiegħu jġib din il-ġenealoġija, l-arblu tar-razza ta’ Ġesù. Hemm skop, u n-nies fost il-poplu Lhudi li kienu qed jaqraw l-Evanġelju – għax San Mattew kiteb għalihom – setgħu jifhmu t-tifsira ta’ dawn il-persuni li jissemmew hawnhekk… Kompli aqra »

B’liema setgħa? – L-Isqof Galea-Curmi

13/12/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Int b’liema setgħa qiegħed tagħmel dan kollu?” Din kienet il-mistoqsija li għamlu l-qassisin il-kbar u x-xjuħ tal-poplu lil Ġesù meta sabuh fit-tempju qiegħed jgħallem. Riedu jkunu jafu min tahielu din is-setgħa.

Fil-fatt din is-silta tiġi ftit wara l-ġrajja ta’ meta Ġesù daħal fit-tempju u keċċa ’l barra l-bejjiegħa u x-xerrejja, u qalilhom: “Hemm miktub: Dari dar it-talb tissejjaħ, u intom għamiltuha għar tal-ħallelin”… Kompli aqra »

Il-Mulej iġib il-ferħ f’ħajjitna – L-Isqof Galea-Curmi

Quddiesa fit-tielet Ħadd tal-Avvent

12/12/2021   Il-Kappella tal-Madonna tal-Abbandunati Ħajjin, il-Wardija

L-omelija tal-Isqof Joseph Galea-Curmi

Għandu mnejn għall-bidu ma narawx ir-rabta bejn ħafna mill-kelma ta’ Alla li smajna llum u l-Evanġelju.

Il-kelma ta’ Alla llum tkellimna, qisu kważi b’ritornell, fuq il-ferħ. Rajna fl-ewwel qari fil-ktieb tal-Profeta Sofonija: “Għajjat bil-ferħ ta’ qalbek…infexx fil-hena u ifraħ b’qalbek kollha”. Dan ripetut ukoll fis-Salm: “Kollkom ferħana timlew l-ilma mill-għejun tas-salvazzjoni”. U għandna mbagħad l-Ittra ta’ San Pawl lill-Filippin, fejn jgħidilhom: “Ifirħu dejjem fil-Mulej, nerġa’ ngħidilkom ifirħu”… Kompli aqra »