Messaġġi tal-Arċisqof Emeritu Mons Pawlu Cremona O.P.

Messaġġ tal-Milied mill-Arċisqof Pawlu Cremona O.P.

24/12/2012

.

Agħfas HAWN biex tara l-filmat

.

L-Unjoni Ewropea qed tiddedika s-sena 2013 għaċ-ċittadin. L-iskop hu li ċ-ċittadini kollha tal-Ewropa jagħrfu d-drittijiet li għandhom bħala ċittadini Ewropej ħalli d-deċiżjonijiet li jieħdu f’ħajjithom ikunu ta’ ġid għalihom u għall-oħrajn u jinħoloq ambjent demokratiku.

Għalhekk, din is-sena, ġejt hawn l-MCAST fost iż-żgħażagħ li qegħdin jistudjaw, għax iż-żgħażagħ tal-lum huma ċ-ċittadini t’għada… Kompli aqra »

Messaġġ tal-Milied lill-emigranti mill-Arċisqof Pawlu Cremona O.P.

24/12/2012

.

Agħfas HAWN għall-Filmat

.

L-Unjoni Ewropeja qed tiddedika is-sena 2013 għaċ-ċittadin. L-iskop hu li ċ-ċittadini kollha tal-Ewropa jagħrfu d-drittijiet li għandhom bħala ċittadini Ewropej ħalli d-deċiżjonijiet li jieħdu f’ħajjithom ikunu ta’ ġid għalihom u għall-oħrajn u jinħoloq ambjent demokratiku.

Għalhekk din is-sena ġejt hawn l-MĊAST, fost iż-żagħagħ li qiegħdin jistudjaw, għax iż-żgħażagħ tal-llum huma ċ-ċittadini t’għada… Kompli aqra »

Messaġġ tal-Milied lill-missjunarji mill-Arċisqof Pawlu Cremona O.P.

24/12/2012

Għeżież Missjunarji,

Nieħu din l-okkażjoni biex f’isem il-Knisja li tinsab ġewwa Malta nibgħatilkom l-isbaħ xewqat qaddisa tal-Milied għal din is-sena.

Din is-Sena ta’ Fidi tħeġġiġna biex dejjem iktar nidħlu fil-qalba tal-Miteri tal-Ħajja ta’ Sidna Ġesù Krsitu. Jiena xtaqt naqsam magħkom din ir-riflessjoni.

Meta ħadt sehem fis-Sinodu tal-Isqfijiet fuq “il-Kelma t’Alla”, waħda mir-riflessjonijiet li laqtuni kienet li aħna m’aħniex in-nies tal-Ktieb, iżda tal-Kelma… Kompli aqra »

Messaġġ tal-Arċisqof fil-Velja ta’ Talb għall-Festa tal-Immakulata Kunċizzjoni

17/12/2012

Il-Katidral tal- Mdina

7 ta’ Diċembru 2012

Ħuti, din hija sena tal-fidi u l-Papa Benedittu qed jistedinna lkoll biex, kull wieħed u waħda minna jagħmel qabża ta’ fidi jiġifieri jsaħħaħ il-fidi tiegħu, jiġifieri jgħix fid-dawl ta’ dak li aħna ma narawx imma, kif jgħid S. Pawl, nittamaw fih permezz tal-fidi tagħna.

Hu xieraq li llum kemm għaliex hija festa kif ukoll għaliex aħna qegħdin miġburin madwar radju li huwa msemmi għal Sidtna Marija, tajjeb li nieħdu lil Sidtna Marija bħala dik li tmexxina fil-fidi tagħna… Kompli aqra »

Messaġġ tal-Arċisqof għall-persuni b’diżabilita’

17/12/2012

Garden of Eden Hall, iż-Żurrieq

4 ta’ Diċembru 2012

Fis-Salm Responsorjali għadna kemm smajna li Alla l-Imbierek iħobb ħafna lil dawk li qegħdin ibatu: dawk li huma morda, dawk li huma fqar u dawk li huma b’xi diżabbilitá. U Alla l-Imbierek mhux biss kiteb bħalma smajna jinqara llum b’mod daqshekk sabih, imma Alla l-Imbierek bagħat lil Ġesù fil-Milied biex jurina dan… Kompli aqra »

Messaġġ tal-Arċisqof għall-gradwati l-ġodda tal-Universita’

28/11/2012
Kon-Katidral ta’ San Ġwann
14 ta’ Novembru 2012

Kif smajna fil-bidu tal-quddiesa l-akbar ferħ illum huwa kemm tal-gradwandi kif ukoll ta’ dawk li wassluhom biex jiggradwaw.  Imma naħseb li ma dawn irridu inżidu żewġ ferħat oħra: l-ewwel ferħ huwa tal-pajjiż tagħna u tal-poplu tagħna għaliex fikom jara possibbiltajiet aktar għal futur dejjem aħjar. U jien ngħid illum hemm ukoll il-ferħ ta’ Alla l-Imbierek għaliex id-doni li hu takom ħaddimtuhom b’sagrifiċċju kbir imma ma ħlejtuhomx.   … Kompli aqra »

Messaġġ tal-Arċisqof fil-festa ta’ Kristu Re 2012

26/11/2012

Ħal-Balzan

25 ta’ Novembru 2012

L-ewwelnett nixtieq nirringrazzja lill-membri kollha li pparteċipaw u l-organizzaturi ta’ din is-serata għaliex il-messaġġ tagħhom kien qawwi ħafna ghal din is-Sena tal-Fidi u jgħinna biex nidħlu f’diversi spiritwalitajiet li jmexxuna lejn il-Mulej. Il-Papa Benedittu nieda s-Sena tal-Fidi propju biex kull nisrani iħares fejn wasal fil-fidi tiegħu u bl-għajnuna t’Alla ikompli jikber… Kompli aqra »

Messaġġ tal-Arċisqof waqt l-Ordinazzjoni Episkopali ta’ Monsinjur Charles J. Scicluna

24/11/2012

Is-Sibt 24 ta’ Novembru 2012

Il-Kon-Katidral ta’ San Ġwann

Eċċellenza President ta’ Malta, Eminenzi, Eccellenzi, ħuti.

Aħna ġejna hawnhekk biex nifirħu ma’ Mons Charles Scicluna fl-għażla tiegħu bħala Isqof Awżiljarju tiegħi fil-Knisja ta’ Malta. Aħna l-ewwelnettt nirringrazzjaw lil Alla talli jagħżel bnedmin biex ikunu tant qrib tal-rieda salvifika tiegħu għall-bnedmin. Jiena personalment f’isem il-Knisja Maltija nirringrazzja lill-Qdusija Tiegħu il-Papa Benedittu talli għoġbu jibgħatilna lil Mons Scicluna – bil-bravura u l-esperjenza tiegħu – biex jgħin lili u l-Knisja Maltija lejn it-triq ta’ Perfezzjoni… Kompli aqra »

Messaġġ tal-Arċisqof fl-okkażjoni ta’ Jum it-Tifkira 2012

11/11/2012

Konkatidral ta’ San Ġwann, Il-Belt Valletta

11 ta’ Novembru 2012

Illum qegħdin niċċelebraw Jum it-Tifkira, biex ma ninsewx lil dawk li taw jew ipperikolaw ħajjithom fl-aħħar żewġ Gwerer Dinjija. Ikun hemm xi wħud minna li f’dan il-Jum jiftakru fl-għeżież tagħhom li tilfu fil-gwerra, u allura t-tifkira tkun ħafna iktar personali u allura iktar emottiva għal din it-telfa… Kompli aqra »

Messaġġ tal-Arċisqof fl-għoti tal-Ministeru tad-Djakonat

05/11/2012

Knisja Parrokkjali, il-Mosta

4 ta’ Novembru 2012

Ħuti, permezz tas-sagramenti, Alla l-Imbierek għoġbu jagħti lill-Knisja il-mezzi kollha biex wieħed ikun jista’ jitqaddes. Fost dawn is-sagramenti huwa tana wkoll l-Ordni Sagri għaliex bħal kull ġemgħa oħra għandna bżonn dawk li jmexxuna u li jgħallmuna. L-Ordni Sagri għandu tliet gradi: il-pjenezza tas-saċerdozju ministerjali qiegħda fl-Isqof, imbagħad għandna l-presbiteri, is-saċerdoti, il-qassisin, imbagħad għandna d-djakni… Kompli aqra »