L-Arċidjoċesi ta’ Malta tixtieq tirringrazzja lill-Gvern talli sema’ t-tħassib li tqajjem dwar l-ewwel abbozzi tal-emenda proposta.

L-Arċidjoċesi tixtieq tirringrazzja wkoll lil kull min ikkontribwixxa għal dan ir-riżultat pożittiv, li jkompli jħaddan kultura ta’ għożża li tippromwovi d-dritt għall-ħajja ta’ kull persuna u fl-istess waqt tirrispetta l-valuri ta’ appoġġ u solidarjetà, speċjalment għan-nisa tqal f’diffikultà. Kompli aqra »

…

L‑Isqfijiet ta’ Malta u Għawdex formalment daħħlu mill-ġdid l‑obbligu għall‑Insara biex jattendu l‑Quddiesa tal‑Ħadd wara li temmew id‑dispensa li ngħatat minħabba l‑pandemija tal‑COVID‑19.

F’messaġġ pastorali li se jinqara fil‑knejjes kollha fi tmiem il‑ġimgħa, hekk kif il-Knisja tfakkar il-Festa Solenni tal‑Ewkaristija Mqaddsa, l‑Isqfijiet qalu li l‑istruzzjoni l‑ġdida meħtieġa mil‑Liġi Kanonika, tidħol fis‑seħħ mill-Ħadd 18 ta’ Ġunju 2023 u tapplika għal dawk kollha li fiżikament jistgħu jipparteċipaw fiċ-ċelebrazzjoni tal‑quddiesa… Kompli aqra »

L‑Arċisqof Charles Scicluna ħatar lil Mark Pellicano bħala l‑kap il‑ġdid tas‑Safeguarding Commission tal‑Arċidjoċesi ta’ Malta, li tinvestiga każijiet ta’ abbuż fi ħdan il‑Knisja u tippromwovi l‑benesseri tat‑tfal u tal‑adulti vulnerabbli.

Is-Sur Pellicano, li kien Senior Manager tas-Servizzi tat-Tfal fi ħdan Fondazzjoni Sebħ – organizzazzjoni tal-Knisja li toffri residenzi lil tfal li ma jkunux jistgħu jibqgħu jgħixu mal-familji tagħhom – għandu esperjenza estensiva f’dan il-qasam minħabba li okkupa diversi karigi, kif ukoll huwa lettur fil-Fakultà għat-Tisħiħ tas-Soċjetà fl-Università ta’ Malta… Kompli aqra »

It-talba għall-għaqda tal-pajjiż u li nkunu soċjetà iktar akkoljenti huma wħud mit-temi li jirrifletti fuqhom l-Arċisqof Charles Jude Scicluna fis-sitt volum ta’ ‘Kelma ta’ Ħabib’. Dan il-ktieb jiġbor fih l-omeliji u d-diskorsi tal-Arċisqof fis-sitt sena tiegħu bħala Arċisqof ta’ Malta.

Din l-edizzjoni hi differenti minn ta’ qabilha minħabba li l-maġġoranza tal-omeliji mill-Arċisqof saru waqt li d-dinja kienet maħkuma mill-pandemija COVID-19, li minbarra li pposponiet b’sentejn iż-żjara appostolika tal-Papa Franġisku f’Malta, bidlet il-mod ta’ kif il-Kelma ta’ Alla bdiet tasal direttament fid-djar tan-nies.  L-appell kontinwu tal-Arċisqof matul l-eqqel tal-pandemija kien biex fi żminijiet diffiċli ma nitilfux it-tama, nieħdu ħsieb ta’ xulxin bi kwalunkwe mod possibbli u ma ninsewx lil dawk li huma fl-akbar bżonn. Fl-omeliji tiegħu, l-Arċisqof appella biex l-istituzzjonijiet tal-pajjiż jiġu megħjuna sabiex jagħmlu d-doveri tagħhom u jipprovdu ġustizzja, informazzjoni sħiħa, u verità… Kompli aqra »

Nhar il-Ħadd li ġej, festa tal-Għid il-Ħamsin (Pentekoste), għaxar persuni adulti se jirċievu s-sagrament tal-griżma tal-isqof. Dawn il-persuni ġejjin minn pajjiżi differenti, fosthom Malta, l-Indja, il-Pakistan, u l-Italja. Huma se jiġu kkonfermati fil-fidi tagħhom mill-Isqof Awżiljarju Joseph Galea-Curmi waqt quddiesa fil-Knisja Parrokkjali ta’ Marija Lunzjata f’Ħal Balzan, fis-6:30pm. 

L-għaxar kandidati ilhom għal dawn l-aħħar xhur jitħejjew minn katekisti li jagħmlu parti mill-Ministeru għall-Bidu tal-Ħajja Nisranija tal-Adulti fi ħdan l-Arċidjoċesi ta’ Malta… Kompli aqra »