“Il-ħaddiema fid-djar tal-Knisja huma mħarrġa biex jaraw lil Ġesù Kurċifiss f’dawn in-nies li qed ibatu”. “Il-Knisja sakemm hu possibbli tkompli fuq l-eżempju ta’ Ġesù tgħin u tieqaf mal-persuni l-aktar vulnerabbli fis-soċjetà tagħna”.

Hekk qalu rispettivament lil IL-ĠENSillum online id-Direttur tal-Kummissjoni Djoċesana ‘Ejjew Għandi’ risponsabbli mid-Djar għat-Tfal, Fr Victor Zammit McKeon, u ċ-Ċerpersin tal-Kummissjoni għad-Djar tal-Knisja għall-Anzjani, Fr Valentino Borg… Kompli aqra »

Il-kattoliċi qed jistennew għal direzzjoni u vuċi ikbar mill-Vatikan dwar prinċipji etiċi għad-dinja finanzjarja u ambjentali. Dan qaluh parteċipanti li attendew Konferenza dwar il-Ġustizzja Soċjali fid-dinja globalizzata. Huma madwar 200 il-persuni fi ħdan il-Knisja involuti fil-kwistjonijiet ta’ġustizzja soċjali, li qed jieħdu sehem fil-Konferenza Internazzjonali organizzata mill-Kunsill Pontifiċju għall-Ġustizzja u l-Paċi. Il-Konferenza tfakkar il-50 anniversarju mill-enċiklika soċjali tal-Beatu Papa Ġwanni XXIII ‘Mater et Magistra’.

Il-Konferenza kellha fost oħrajn tara kif it-tagħlim soċjali tal-Knisja, inkluż dak miġbur fl-enċiklika tal-Papa Benedittu XVI ‘Caritas in Veritate, tal-2009, jista’ jkun applikat biex iġib ġustizzja ikbar fid-dinja aktar globalizzata tal-lum… Kompli aqra »

Is-Soċjetà tad-Duttrina Nisranija, M.U.S.E.U.M., qed torganizza tliet laqgħat dwar iż-‘Żwieġ u l-Familja’. Il-laqgħat se jsiru fid-Dar Ġenerali tal-M.U.S.E.U.M., il-Blata l-Bajda, skont dan il-programm:

L-Erbgħa 18 ta’ Mejju:   ‘Iż-Żwieġ Nisrani: Mixja ta’ Qdusija’

Il-Ħamis 19 ta’ Mejju:   ‘It-Tagħlim tal-Knisja dwar iż-Żwieġ u l-Familja’

Il-Ġimgħa 20 ta’ Mejju: ‘Sfidi, Diffikultajiet u Għajnuniet fil-Ħajja taż-Żwieġ u tal-Familja‘

Il-laqgħat jibdew fis-7.00 p.m.  … Kompli aqra »

L-Isqfijiet ngħataw sena sabiex idaħħlu linji gwida ta’ kif jitrattaw każi ta’ abbużi sesswali ta’ minuri minn membri tal-kleru u reliġjużi. Dan irriżulta minn tliet dokumenti tal-Vatikan ippubblikati t-Tnejn. Din it-talba saret f’Ittra ċirkolari, b’introduzzjoni u spjega fil-qosor, ippubblikata mill-Kongregazzjoni għad-Duttrina tal-Fidi.

L-Ittra tipprovdi sett ta’ prinċipji li jgħinu lill-Konferenzi Episkopali jistabbilixxu linji gwida, li jassiguraw li l-Knisja Universali tkun qed twieġeb għall-każi konsistenti ta’ abbużi f’diversi pajjiżi… Kompli aqra »

Konferenza sponsorjata mill-Kunsill Pontifiċju għall-Ġustizzja u l-Paċi qed tirrifletti fuq it-tagħlim soċjali tal-Knisja, speċjalment fil-kuntest tal-inġustizzji u l-globalizzazzjoni tad-dinja tal-lum. Fir-rigward tar-riżultati mistennija mill-Kungress, l-Isqof Mario Toso, segretarju tad-dekasteru, spjega li “nisperaw li jkun hemm kuxjenza ġdida dwar l-importanza tal-mobilizzazzjoni tal-komunitajiet ekkleżjali u assoċjazzjonijiet lajċi varji fir-rigward tal-problemi dinjija”.

Il-Kungress Internazzjonalita’ tliet ijiem bit-tema “Ġustizzja u Globalizzazzjoni: Minn ‘Mater et Magistra’ għal ‘Caritas in Veritate’” qed isir f’Ruma… Kompli aqra »

Il-Knisja se tkompli twassal messaġġ favur żwieġ stabbli u għalhekk anki kontra d-divorzju u tħeġġeġ lill-Insara jinvolvu ruħhom b’mod attiv fil-ħajja soċjali u politika, u dan minkejja li jkollha tbati minħabba f’hekk.

Din kienet, f’sinteżi, it-tema ta’ messaġġ li ta’ l-Arċisqof Pawl Cremona OP waqt laqgħa maċ-chairperson u r-rappreżentanti tal-Moviment Żwieġ Bla Divorzju, fir-residenża tiegħu Ħ’Attard.

Fil-messaġġ tiegħu l-Arċisqof saħaq li li l-Knisja f’Malta, l-istess kif għamlet f’pajjiżi oħra, trid tkompli twassal it-tagħlim kollu ta’ Kristu dwar iż-żwieġ stabbli u fl-istess ħin tkompli ddawwal lil dawk li jemmnu fih biex iwettquh… Kompli aqra »