Yearly Archives: 2011

LAQGĦA DWAR HENRY U INEZ CASOLANI

12/10/2011

Nhar il-Ġimgħa 14 ta’ Ottubru 2011, se ssir laqgħa bit-tema: Henry u Inez Casolani ‘Qaddejja ta’ Alla fiż-żwieġ u fil-familja.’ Il-Kelliem ewlieni se jkun Fr Paul Chetcuti SJ. Se jkun hemm ukoll esperjenzi personali mill-Perit Vincent Cassar u l-Kardjologu Dr Robert Xuereb. Din il-laqgħa se ssir fl-iskola ta’ Santa Monika, B’Kara u tibda fis-7.00 p.m.

Henry u Inez Casolani iżżewġu fid-19 ta’ April 1944 fil-Knisja ta’ Santu Wistin il-Belt… Kompli aqra »

Il-Vanġelu tal-Jum – 12 ta’ Ottubru

12/10/2011

Luqa 11, 27-26

Imma ħażin għalikom intom il-Fariżej! Intom tħallsu d-dieċmi fuq in-nagħniegħ u l-fejġel u fuq kull xorta ta’ ħxejjex, u mbagħad għal dik li hi ġustizzja u mħabba ta’ Alla tħallu kollox għaddej. Dawn kien imisskom tħarsu, mingħajr ma tħallu l-oħrajn barra. Ħażin għalikom intom il-Fariżej! Intom tħobbu s-siġġijiet ta’ quddiem fis-sinagogi u min isellmilkom fil-pjazez. Ħażin għalikom! … Kompli aqra »

Il-Vanġelu tal-Jum – 11 ta’ Ottubru

11/10/2011

Luqa 11, 37-41

Huwa u jitkellem, wieħed Fariżew stiednu għandu għall-ikel. Daħal għandu u qagħad bilqiegħda. Imma l-Fariżew stagħġeb meta ra li qabel xejn ma nħasilx skond ir-riti ta’ qabel l-ikel. U l-Mulej qallu: “U issa intom il-Fariżej! Intom tnaddfu t-tazza u l-platt minn barra, iżda minn ġewwa intom mimlija bis-serq u l-ħażen. Kemm intom bla moħħ! Min għamel in-naħa ta’ barra, ma għamilx ukoll in-naħa ta’ ġewwa? … Kompli aqra »

FERTILITA BAXXA U TKABBIR EKONOMIKU BAXX

10/10/2011



Inqas tfal u numru dejjem jonqos ta’ koppji miżżewġa se jkollu impatt fuq it-tkabbir ekonomiku u l-abbilta tal-Gvernijiet sabiex jiffinanzjaw programme soċjali. Din it-twissija ħarġet fid-deher fir-rapport li għadu kemm ġie ppubblikat bl-isem ‘The Sustainable Demographic Dividend: What Do Marriage & Fertility Have To Do With The Economy? Ir-rapport kien ippubblikat mill-Istitut għax-Xejriet Soċjali, ko-sponsorjat minn numru ta’ gruppi tal-familja u universitajiet… Kompli aqra »

INTOM IL-FAMILJA TIEGĦI

10/10/2011

Nhar il-Ħadd 2 t’Ottubru 2011, fil-Faċilita’ Korrettiva ta’ Kordin kien hemm arja ta’ festa, arja ta’ ferħ.  Dan għaliex l-awtoritajiet tal-CCF, l-istaff, P.Franco Fenech Franġiskan Kapuċċin Kappillan tal-Faċilita’, flimkien ma’ P.Joe Buttiġieġ Franġiskan Kapuċċin u Dun Charles Gauci u mhux inqas għadd kbir ta’ priġunieri, inghaqdu sabiex jiċċelebraw tlett okkażjonijiet sbieħ.

L-ewwel okkażjoni kienet il-festa tal-Beata Enrichetta Alfieri, soru tal-Karita ta’ Santa Ġiovanna Antida Thouret… Kompli aqra »

L-ARĊISQOF JIĊĊELEBRA QUDDIESA F’SAN DUMINKU, RABAT

10/10/2011

Nhar is-Sibt 8 ta’ Ottubru, 2011, l-Arċisqof Pawlu Cremona O.P. żar il-komunita’ ta’ St Joseph of the Apparition,ir-Rabat, bħala parti miż-żjara pastorali tiegħu. Aktar tard, l-Arċisqof iċċelebra Quddiesa f’San Duminku r-Rabat, wara ltaqa’ man-nies tal-post u aktar tard iltaqa’ mal-komunita ta’ San Duminku u kiel magħhom.

AGĦFAS HAWN għal aktar informazzjoni dwar iż-Żjara Pastorali tal-Arċisqof fil-parroċċa tiegħek… Kompli aqra »

RAPPORT FINANZJARJU U PASTORALI GĦAS-SENA 2010

10/10/2011

Fid-diskors li l-Arċisqof Pawlu Cremona O.P. kien għamel quddiem il-Papa Benedittu XVI fiż-żjara tiegħu fostna, kien stqarr li “il-Knisja tibda mill-imħabba lejn kull bniedem.”

Kien dan il-motiv li wassal il-Knisja f’Malta tkun ewlenija fil-ħidma li tgħin persuni f’diffikultà.  Għal dan il-għan bniet istituzzjonijiet sħaħ biex tkun ta’ servizz.  Bosta kienu dawk li kkonsagraw ħajjithom biex joffru dan is-servizz, filwaqt li numru sabiħ ta’ lajci nsara volontarjament ħassew li għandhom imiddu għonqhom f’ħidma favur il-batut.  … Kompli aqra »

Il-Vanġelu tal-Jum – 10 ta’ Ottubru

10/10/2011

Luqa 11, 29-32

Meta l-folla tan-nies żdiedet, Ġesù qabad u qal: “Nisel ħażin huwa dan in-nisel! Irid sinjal! Imma ebda sinjal ma jingħatalu ħlief is-sinjal ta’ Ġona. Għax bħalma Ġona sar sinjal għan-nies ta’ Ninwè, hekk isir Bin il-bniedem għal dan in-nisel. F’jum il-ħaqq, is-sultana tan-nofsinhar għad tqum man-nies ta’ dan in-nisel u tikkundannahom, għax hi ġiet mit-truf ta’ l-art biex tisma’ l-għerf ta’ Salamun; u araw li hawnhekk hawn min hu aqwa minn Salamun! … Kompli aqra »

10 – 16 ta’ Ottubru

09/10/2011

It-Tnejn

9.15 p.m.L-Arċisqof jippresiedi laqgħa tal-uffiċċjali prinċipali tal-Kurja.

4.30 p.m. L-Arċisqof jiltaqa’ mas-seminaristi ndividwali u wara jiċċelebra magħhom Quddiesa fil-bidu ta’ sena ġdida ta’ formazzjoni fis-Seminarju tal-Virtu’.

It-Tlieta

9.00 a.m. L-Arċisqof iżur l-iskola Primarja ‘A’ tar-Rabat bħala parti miż-żjara pastorali tiegħu f’din il-paroċċa.

4.30 p.m. L-Arċisqof jippresiedi laqgħa tal-Bord tas-Seminarju, f’Tal-Virtu’.

7.00 p.m… Kompli aqra »

SEJJAĦTLI & UĊUH

09/10/2011

SEJJAĦTLI fuq Favourite TV nhar il-Ħadd 9 t’Ottubru 2011 fis-6.30pm u UĊUĦ fuq NET TV nhar il-Ħadd 9 t’Ottubru fl-10.30am

Matul din l-iskeda l-ġdida Sejjaħtli ser ikun qed iwassal messaġġ pożittiv permezz ta’ drama mmprovizzat fl’istudio minn atturi li jirrappreżentaw karattri rejali. Filwaqt li nidħlu fil-ħajja tal-persunaġġi waqt li jiġu trattati temi varji,Sejjaħtli ser iħares fil-fond lejn iċ-ċirkostanzi li setgħu ġew jew evitati jew ittratti b’mod differenti biex ir-riżultat ma jkunx traġiku… Kompli aqra »