Arkivji mensili: Marzu 2012

FESTI PUBBLIĊI HUMA JIEM TA’ MISTRIEĦ U ĊELEBRAZZJONI

31/03/2012

Il-Kummissjoni Pastorali fid-Dinja tax-Xogħol, f’laqgħa li kellha, wriet id-dispjaċir tagħha għad-deċiżjoni li ttieħdet dan l-aħħar, li stabbilimenti kummerċjali ngħataw permess li jiftħu f’festi pubbliċi li jaħbtu l-Ħadd. Il-Kummissjoni dejjem sostniet li l-Ħadd huwa Jum il-Mulej, Jum ta’ mistrieħ, Jum tal-familja u Jum soċjali. Għal ħafna ħaddiema, dawn il-festi pubbliċi se jsiru ġranet ta’ xogħol li jkun ifisser anqas mistrieħ u ħin għalihom.

Il-Kummissjoni taf li s-soċjetà Maltija qegħda tinbidel, imma l-valuri, il-kultura, id-drawwiet u t-twemmin tagħna l-Maltin għandna ngħozzuhom u mhux nbiegħuhom… Kompli aqra »

PELLEGRINAĠĠ FL-OKKAŻJONI TAL-FESTA TAD-DULURI

31/03/2012

Nhar il-Ġimgħa 30 ta’ Marzu, 2012, l-Arċisqof Pawlu Cremona O.P. mexxa pellegrinaġġ fil-Belt Valletta fl-okkażjoni tal-festa tad-Duluri.

Agħfas fuq ir-ritratti biex tkabbar. Ir-ritratti tal-attivitajiet tal-Arċisqof jistgħu jinxtraw mill-ħanut PHOTOCITY, il-Belt… Kompli aqra »

MALTA TIMXI WARA MARIJA FID-DULUR TAGĦHA

31/03/2012

Il-poplu Malti lbieraħ ħa sehem f’għadd ta’ purċissjonijiet jew pellegrinaġġi li kienu organizzati mid-diversi parroċċi madwar Malta u Għawdex biex ingħaqad ma’ Marija fid-Dulur tagħha, f’din il-‘festa’ tradizzjonali magħrufa aħjar bħala ‘l-festa tad-Duluri’. Kienu eluf il-Maltin, kbar u żgħar, li ħarġu jimxu wara l-istatwa tal-Madonna mnikkta taħt is-salib ta’ binha Ġesù.

Kif inhi tradizzjoni, l-Arċisqof ta’ Malta Pawlu Cremona OP, mexxa l-purċissjoni li ħarġet mill-knisja ta’ Ġieżu, fil-Belt, waħda mill-eqdem purċissjonijiet tad-Duluri f’dawn il-gżejjer… Kompli aqra »

MALTA F’LAQGĦA NTERNAZZJONALI GĦALL-JUM DINJI TAŻ-ŻGĦAŻAGĦ

30/03/2012

Żewġ żgħażagħ, membri tal-Kummissjoni Djoċesana Żgħażagħ (KDŻ), qed jirrapreżentaw lil Malta f’laqgħa internazzjonali ġewwa Ruma, bi preparazzjoni għall-Jum Dinji taż-Żgħażagħ 2013. Il-laqgħa tiġi fi tmiema nhar il-Ħadd, l-1 ta’ April.

Anthony Mifsud, President tal-istess Kummissjoni, flimkien ma’ Stefan Busuttil, Project Co-ordinator, qed jieħdu sehem f’dawn l-ewwel tħejjijiet organiżżattivi bil-għan li jsaħħu     l-kollaborazzjoni internazzjonali għal dan l-avveniment.

Il-Jum Dinji taż-Żgħażagħ se jsir f’Lulju tas-sena d-dieħla ġewwa Rio de Janeiro, fil-Brażil… Kompli aqra »

KUNGRESS DWAR L-UŻU ETIKU TA’ ĊELLOLI STEMINALI FIR-RIĊERKA XJENTIFIKA KANĊELLAT MINĦABBA NUQQAS TA’ FONDI

30/03/2012

Stem cell research

Kungress sponsorjat mill-Vatikan dwar l-użu etiku taċ-ċelloli steminali fir-riċerka xjentifika tħassar minħabba nuqqas ta’ fondi. Dan ikkonfermawh l-organizzaturi. It-tielet Kungress Internazzjonali dwar riċerka responsabbli ta’ ċelloli steminali, kien se jsir bejn il-25 u t-28 t’April fil-Vatikan mill-Akkademja Pontifiċja għall-ħajja, b’kollaborazzjoni mal-Federazzjoni Internazzjonali tal-Assoċjazzjonijiet Mediċi Kattoliċi, ibbażata fil-Vatikan, kif ukoll flimkien mal-Fondazzjoni Jerome Lejeune u l-Kumitat Konsultattiv tal-Bioetika ta’ Monaco.

Fr Scott Borgman, uffiċjal tal-Akkademja Pontifiċja għall-ħajja, qal lil CNS li ma kienx hemm biżżejjed sponsors u reġistrazzjonijiet għall-Kungress biex ikunu koperti l-ispejjeż… Kompli aqra »

MESSAĠĠ MILL-KUMMISSJONI AMBJENT LILL-PARROĊĊI

29/03/2012

Resqin lejn l-attivitajiet u ċelebrazzjonijiet tal-Ġimgħa Mqaddsa u kif għamlet fil-passat il-Kummissjoni Interdjoċesana Ambjent tixtieq tappella lil dawk il-knejjes u parroċċi kollha li jorganizzaw dawn l-attivitajiet sabiex waqt li jagħmlu dan, jagħtu xhieda ta’ kif in-Nisrani jħares lejn il-Ħolqien b’rispett lejn il-Ħallieq.

F’Ħadd il-Palm, l-użanza tant għażiża tat-tqassim tal-palm jew weraq taż-żebbuġ  lill-fidili għandha tkun okkażjoni fejn niftakru fid-daħla trijonfali tal-Imgħallem f’Ġerusalemm. M’hemmx għalfejn nużaw ammonti esaġerati minn dawn il-pjanti… Kompli aqra »

VOTANTI SLOVENI JIVVUTAW KONTRA LIĠI LI TIPPERMETTI KOPPJI TAL-ISTESS SESS JADDOTTAW

29/03/2012

Gay Couples and child adoption

Liġi ġdida tal-familja fis-Slovenja li kellha l-ħsieb li tippermetti koppji tal-istess sess jaddottaw tfal f’ċirkostanzi partikolari, kienet irrifjutata permezz ta’ vot b’saħħtu f’referendum li sar fil-pajjiż.

Il-ġimgħa li għaddiet, l-Isqfijiet Kattoliċi tas-Slovenja, ingħaqdu mal-mexxejja Ortodossi u Musulmani f’appell liċ-ċittadini Sloveni imsejħa biex jivvutaw fir-referendum nazzjonali, sabiex jivvutaw kontra l-liġi.

Ir-riżultat tar-referendum ,fejn il-maġġoranza assoluta vvutat kontra l-liġi, jorbot u jżomm milli l-liġi proposta tkun infurzata… Kompli aqra »

IL-ĠBIR NHAR ĦAMIS IX-XIRKA SE JSIR BIEX TINGĦATA GĦAJNUNA LIR-REFUĠJATI FIS-SIRJA

28/03/2012

Church collections on Holy Thursday

Il-Papa Benedittu XVI iddeċieda li l-ġbir nhar Ħamis ix-Xirka, fiċ-ċelebrazzjoni ewkaristika ta’ filgħaxija – tifkira tal-Aħħar Ċena ta’ Ġesu mad-dixxipli tiegħu, se jintuża biex tkun offruta għajnuna umanitarja lir-refuġjati tas-Sirja.

Il-missjoni pontifiċja għall-Palestina – l-aġenzija fi ħdan il-Vatikan, t’għajnuna t’emerġenza għal-Lvant Nofsani, testima li l-għajnuna lir-refuġjati Sirjani fil-Ġordan se tiswa mal-20 miljun dollaru Amerikan. Skont id-dettalji tal-missjoni pontifiċja, l-uniċi fondi deħlin kienu biss nofs miljun dollaru f’għotja mill-gvern Irlandiż – mogħtija speċifikament biex tingħata għajnuna lir-refuġjati Sirjani fil-Libanu, fit-Turkija u fil-Ġordan… Kompli aqra »

UFFIĊJAL KUBAN JGĦID LI L-GVERN IRID DJALOGU MAL-PAPA

27/03/2012

Cuban Minister of Foreign Affairs

Il-Ministru tal-Affarijiet Barranin f’Kuba qal iktar kmieni li l-Gvern iħares ‘il quddiem lejn l-okkażjoni li jiskambja miegħu ideat differenti, li kien irrappurtat li setgħu tqanqlu minn xi forma ta’ nuqqas ta’ qbil mal-kummenti li għadda l-Papa fil-konferenza tal-aħbarijiet li indirizza fuq l-ajruplan fi triqtu mill-Messiku lejn Kuba, fejn allegatament ikkritika l-ideoloġija Marksista.

Bruno Rodriguez, il-Ministru għall-Affarijiet Barranin fi ħdan il-Gvern Komunista ta’ Kuba, intalab jgħaddi l-kummenti tiegħu ftit tal-jiem ilu fl-inawgurazzjoni taċ-ċentru għall-ġurnalisti li qed jintuża waqt dawn il-jiem ta’ żjara tal-Papa… Kompli aqra »

IL-FTEHIM BEJN IL-KURJA U L-GĦAQDA KAŻINI TAL-BANDA GĦADU JGĦODD

27/03/2012

Nirreferu għall-istqarrija mxandra fl-Istampa mill-Għaqda Każini tal-Banda fejn intqal li l-Għaqda ssospendiet il-Ftehim li sar mal-Kurja f’Diċembru 2011.

Il-Kurja tixtieq tfakkar żewġ prinċipji ġenerali. L-ewwel, li ftehim jintlaħaq u jkun iffirmat biex jiġi rispettat miż-żewġ naħat. It-tieni, li l-Ftehim sar bejn iż-żewġ naħat u allura jista’ jinbidel biss bi ftehim ieħor bejn iż-żewġ naħat. Għalhekk, sakemm jintlaħaq xi forma ta’ ftehim ġdid, il-Ftehim eżisteni jibqa’ jgħodd… Kompli aqra »