Aħbarijiet mill-Knisja f'Malta
Festa tal-Immakulata Kuncizzjoni
Luqa 1, 26-38
Mbagħad fis-sitt xahar Alla bagħat l-anġlu Gabrijel f’belt tal-Galilija. jisimha Nazaret, għand xebba, mgħarrsa ma’ raġel jismu Ġużeppi mid-dar ta’ David. Dix-xebba kien jisimha Marija. L-anġlu daħal għandha u qalilha: “Sliem għalik, mimlija bil-grazzja, il-Mulej miegħek.” Hi tħawwdet ħafna għal dan il-kliem, u bdiet taħseb bejnha u bejn ruħha x’setgħet qatt tfisser din it-tislima… Kompli aqra »
Waqt li Ġesù kien għaddej minn hemm marru warajh żewġ għomja jgħajjtu u jgħidu: “Bin David, ħenn għalina !” Meta mbagħad daħal id-dar, l-għomja resqu lejh u Ġesù qalilhom: “Temmnu intom li jien nista’ nagħmlu dan?” Qalulu: “Iva, Mulej.” Mbagħad messilhom għajnejhom u qal: “Mela ħa jsirilkom skond il-fidi tagħkom.” U għajnejhom infetħulhom. Ġesù widdibhom bis-sħiħ u qalilhom: “Qisu li ħadd ma jsir jaf b’dan.” Iżda dawk ħarġu u bdew ixerrdu l-fama tiegħu ma’ dak il-pajjiż kollu… Kompli aqra »
Joachim Gauck
Dalgħodu fil-Palazz Appostoliku fil-Vatikan il-Papa laqa’ f’udjenza lill-President tar-Repubblika Federali tal-Ġermanja, Joachim Gauck, li sussegwentement iltaqa’ mas-Segretarju tal-Istat tal-Vatikan, il-Kardinal Tarcisio Bertone, akkumpanjat mis-Sotto Segretarju għar-relazzjonijiet bejn il-pajjiżi differenti, Mons Ettore Balastrero.
Id-diskussjonijiet enfasizzaw in-natura kordjali tar-relazzjonijiet bilaterali. Ngħatat attenzjoni dwar l-aspett nisrani tal-persuna, kif ukoll l-isfidi li qed tpoġġi l-globalizzazzjoni u s-sekularizzazzjoni tas-soċjeta.
Dan kien segwit minn bdil ta’ opinjonijiet dwar is-sitwazzjoni internazzjonali u l-kriżi ekonomika kurrenti, speċjalment f’relazzjoni mal-konsegwenzi tagħha fl-Ewropa u l-kontribut li l-Knisja Kattolika tista’ toffri… Kompli aqra »
Fl-udjenza ġenerali ta’ kull nhar t’Erbgħa, din il-ġimgħa l-Papa Benedittu XVI fakkar il-bidu tal-Avvent u ftuħ is-sena liturġika l-ġdida u ddedika l-katekeżi tal-udjenza ġenerali biex iħeġġeġ l-għejxien ta’ dan l-istaġun bħala att ta’ fidi fil-pjan benevolenti t’Alla għall-umanita.
Intant, fl-udjenza tal-Erbgħa l-Papa esprima wkoll it-tħassib tiegħu dwar il-kriżi umanitarja fir-Repubblika Domenikana tal-Kongo. Huwa appella sabiex tingħata għajnuna lill-poplu ta’ dan il-pajjiż, li hu kkaratterizzat minn ġlied armat u vjolenza… Kompli aqra »
L-Arċisqof ippresieda l-Assemblea Parrokkjali miftuħa għal kulħadd fis-Sala Yvonne, f’Guardamangia.bħala parti miż-Żjara Pastorali li għamel matul Novembru u Diċembru ta’ din is-sena.
AGĦFAS HAWN biex tara aktar ritratti taż-żjara pastorali tal-Arċisqof f’Guardamangia.
Agħfas fuq ir-ritratti biex tkabbar… Kompli aqra »
Nhar it-Tlieta 4 ta’ Diċembru 2012, l-Arċisqof inawgura u bierek it-tieni fażi tal-Mużew tal-Emigranti, f’Dar l-Emigrant, il-Belt Valletta.
Agħfas fuq ir-ritratt biex tkabbar… Kompli aqra »
Nhar l-Erbgħa 5 ta’ Diċembru 2012, l-Arċisqof Pawlu Cremona O.P. inawgura uffiċċju ġdid fil-Kurja tal-Arċisqof li se jkun qiegħed jikkordina l-ħidma tal-volontarjat li qed issir fil-Knisja u jkompli joħloq għarfien dwar il-valur tal-volontarjat. L-Uffiċċju se jitmexxa mill-voluntiera, li ser joffru servizz kontinwu lill-entitajiet tal-Knisja bil-għan li tissaħħaħ l-organizzazzjoni u l-koordinazzjoni tal-volontarjat fid-Djoċesi ta’ Malta.
Il-ħidma ta’ dan l-Uffiċċju, li se jitmexxa minn persuni volontarji, huma:
“Mhux kull min jgħidli, ‘Mulej, Mulej’, jidħol fis-Saltna tas-Smewwiet, iżda min jagħmel ir-rieda ta’ Missieri li hu fis-smewwiet! “Għalhekk, kull min jisma’ dan kliemi u jagħmel li qiegħed ngħid jien, isir jixbah lil bniedem għaqli li bena daru fuq il-blat. Niżlet ix-xita, ġew il-widien, qamu l-irwiefen u ħabtu fuq dik id-dar, iżda ma ġġarrfitx għax kellha s-sisien tagħha fuq il-blat… Kompli aqra »
Nhar it-Tlieta 27 ta’ Novembru 2012, l-Arċisqof iltaqa’ mal-Animaturi tal-Evanġelizazzjoni fis-Sala Yvonne, bħala parti miż-Żjara Pastorali li għamel matul Novembru u Diċembru ta’ din is-sena fi Guardamangia. Iktar tard, l-Arċisqof iltaqa’ mal-membri tas-Soċjetà Ċivili fis-Sala Yvonne.
AGĦFAS HAWN biex tara aktar ritratti taż-żjara pastorali tal-Arċisqof f’Guardamangia.
Agħfas fuq ir-ritratti biex tkabbar… Kompli aqra »
Pope on Twitter
Il-Papa Benedittu sittax jinsab fuq Twitter. Huwa qed jittwiterja permezz tal-isem @pontifex, kelma bil-Latin li tirreferi għal bniedem li jibni l-pontijiet.
F’temp ta’ ftit sigħat, diġà kienu qed isegwu l-Papa xejn inqas minn 250 elf ruħ.
Il-Papa mistenni jikteb l-ewwel ‘post’ tiegħu l-ġimgħa d-dieħla. Permezz ta’ twitter ukoll, se jkun qed iwieġeb mistoqsijiet dwar il-fidi.
Permezz tal-preżenza fuq twitter, il-Knisja qed tkompli tikkonferma l-preżenza tagħha fil-mezzi ġodda tal-midja… Kompli aqra »
