Il-Papa Benedittu XVI talab lill-President tal-Kunsill Pontifiċju għall-Kultura, il-Kardinal Gianfranco Ravasi, sabiex ikun hu li jmexxilu l-irtir tar-Randan bejn is-17 u t-23 ta’ Frar. Il-gazzetta tal-Vatikan L’Osservatore Romano, irrappurtat li l-kardinal se jkun qed jiffoka fuq l-arti tat-talb u l-fidi – ‘Ars orandi, ars credendi’, b’attenzjoni partikolari fuq il-wiċċ divin u l-wiċċ uman fit-talb tas-salmi. Il-Papa Benedittu u uffiċjali għolja mill-Kurja ta’ Ruma normalment jissospendu l-iskeda normali tagħhom mill-ewwel Ħadd tar-Randan wara nofsinhar, sas-Sibt ta’ wara filgħodu… Kompli aqra »

Tana attacks

Isqfijiet Kenjani talbu lill-mexxejja tal-Gvern sabiex iwaqqfu l-vjolenza etnika fir-reġjun tal-kosta qrib ix-xmara Tana fil-pajjiż, fejn ġlied ħalla mijiet mejtin u mitlufa fl-aħħar ħames xhur. “Tfal żgħar fi triqithom għall-iskola inqatlu bil-basktijiet wara darhom, u l-anzjani li ma kinux abbli jaħarbu lejn postijiet siguri, spiċċaw inħarqu fi djarhom stess mill-ġirien tagħhom li għexu spalla ma’ spalla magħhom għal snin twal”, qalu l-isqfijiet fi stqarrija iffirmata mir-rappreżentanti tal-Kummissjoni Episkopali għall-Ġustizzja u Paċi, u kapijiet tad-djoċesijiet mal-kosta… Kompli aqra »

Fl-okkażjoni tas-Sena tal-Fidi se jsir Pellegrinaġġ ta’ Fidi nhar il-Ġimgħa 25 ta’ Jannar 2013 fis-7.15 p.m. bis-sehem ta’ Unita’ Pastorali 3. Dawn jinkludu l-Parroċċi ta’ Sant’ Elena, ta’ Santa Marija, ta’ San Ġużepp Ħaddiem Birkirkara, flimkien mal-Parroċċi ta’ Fleur De-Lys u l-Parroċċa tas-Swatar.

Il-Pellegrinaġġ bl-istatwa ta’ San Pawl jibda fil-pjazza ta’ wara l-istabbiliment Mc Donalds u jkompli b’mixja lejn il-Bażilika ta’ Sant’Elena… Kompli aqra »

Nhar is-Sibt 19 ta’ Jannar 2013, l-Arċisqof Pawlu Cremona O.P. iċċelebra Quddiesa għal dawk il-koppji li żżewgu matul l-2012. Il-quddiesa, li ġiet organizzata mill-Moviment ta’ Kana, fil-Konkatidral ta’ San Ġwann, il-Belt Valletta.

Fl-24 ta’ Frar, fis-6.30 pm, l-Arċisqof se jiċċelebra Quddiesa li għaliha qed jiġu mistiedna l-koppji għarajjes li se jiżżewgu din is-sena.

AGĦFAS HAWN biex taqra l-messaġġ tal-Arċisqof lill-koppji li żżewġu fl-2012

Agħfas fuq ir-ritratti biex tkabbar… Kompli aqra »

Pope in St Peter's Square

Il-Papa Benedittu XVI jappella għal tmiem il-kunflitti madwar id-dinja. Fil-messaġġ tiegħu lill-pellegrini u dawk kollha miġbura fi Pjazza San Pietru l-Ħadd għar-reċita tat-talba tal-Angelus, il-Kap tal-Kattoliċi talab b’mod speċjali għall-waqfien tal-qtil ta’ innoċenti u għall-waqfien tal-kunflitti li għaddejjin bħalissa f’diversi postijiet fid-dinja. Kompla jgħid li “hemm bżonn tieqaf il-vjolenza kollha, ejja nsibu l-kuraġġ niddjalogaw u ninnegozjaw”.

L-appell ta’ paċi wasal mill-Papa fil-kuntest ta’ riflessjoni dwar il-ħtieġa dejjem tikber biex tkun stabbilita l-għaqda tal-insara, li Kristu stess jixtieq għall-Knisja tiegħu… Kompli aqra »