Yearly Archives: 2020

Ħajja ta’ frott bnin – L-Isqof Galea-Curmi

Quddiesa fis-26 Ħadd ta' Matul is-Sena

04/10/2020   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Min mhuwiex midħla tar-raba’ jew mhuwiex fl-industrija tal-inbid, forsi llum ma tantx tinteressah għalqa ta’ dwieli. Ma kienx hekk fi żmien Ġesù, għax l-idea ta’ għalqa ta’ dwieli kienet għan-nies xi ħaġa għażiża. Għalhekk Alla jqabbel ir-rabta tiegħu mal-poplu Lhudi proprju ma’ din l-attenzjoni u mħabba għall-għalqa tad-dwieli. Setgħu jifhmu n-nies li hemm kien qed jgħid kemm hu jgħożż il-poplu tiegħu li hu għażel… Kompli aqra »

“Fratelli tutti”: sommarju tal-enċiklika soċjali tal-Papa Franġisku

04/10/2020

World Youth Day Opening Ceremony, 24 January 2019  (Vatican Media)

What are the great ideals but also the tangible ways to advance for those who wish to build a more just and fraternal world in their ordinary relationships, in social life, politics and institutions? This is mainly the question that “Fratelli tutti” is intended to answer: the Pope describes it as a “Social Encyclical” (6) which borrows the title of the “Admonitions” of Saint Francis of Assisi, who used these words to “address his brothers and sisters and proposed to them a way of life marked by the flavour of the Gospel” (1)… Kompli aqra »

L-imħabba mhix pussess imma għotja – L-Arċisqof

Quddiesa fis-27 Ħadd ta' Matul is-Sena

04/10/2020   Il-Kappella tal-Madonna tal-Providenza, is-Siġġiewi

L-omelija tal-Arċisqof Charles Jude Scicluna

“Kien hemm wieħed sid ta’ għalqa u ħawwilha bid-dwieli” (Mt 21:33). Id-dielja fl-għanja tal-profeta hija l-proġett ta’ mħabba li Alla għandu għall-poplu tiegħu. Fil-fatt fil-kitba tal-profeta Iżaija li smajna fl-Ewwel Qari llum, wieħed jinnota kemm-il darba l-Mulej jissejjaħ ‘il-maħbub’ u l-għanja tad-dielja hija l-għanja tal-imħabba tiegħu. “Ħa ngħanni lill-Maħbub tiegħi l-għanja ta’ mħabbtu għall-għalqa tad-dwieli tiegħu. Il-maħbub tiegħi kellu għalqa tad-dwieli fuq għolja għammiela” (Iż 5:1)… Kompli aqra »

Tliet wardiet lill-Immakulata Kunċizzjoni – L-Isqof Galea-Curmi

Quddiesa li fiha ngħata l-pussess lill-kanonċi l-ġodda tal-Parroċċa ta’ Bormla

03/10/2020   Il-Knisja Kolleġġjata Arċipretali tal-Kunċizzjoni, Bormla

L-omelija tal-Isqof Joseph Galea-Curmi

Qed niċċelebraw illum bil-ferħ il-pussess ta’ tliet kanonċi ġodda ta’ din il-Kolleġġjata għażiża tal-Immakulata Kunċizzjoni. Intom hawnhekk għandkom il-grazzja li tqimu lil Marija Ommna li, kif nafu, kellha titlu speċjali tassew għal qalbha: dak ta’ “qaddejja tal-Mulej”. “Hawn jien il-qaddejja tal-Mulej” tgħid lill-anġlu Gabrijel; “xeħet għajnejh fuq iċ-ċokon tal-qaddejja tiegħu” tgħid fil-Kantiku tagħha. It-titlu ta’ “qaddejja” hu l-isbaħ titlu għaliha.

Imma għal Marija dan ma kienx biss titlu; kien programm ta’ ħajja… Kompli aqra »

Quddiesa tal-Ħadd – 4 ta’ Ottubru, 9:30am

04/10/2020   Il-Kappella tal-Madonna tal-Providenza, is-Siġġiewi

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-Ħadd: 4 ta’ Ottubru

04/10/2020

Is-Sebgħa u Għoxrin Ħadd taż-Żmien ta’ Matul is-Sena
Qari tal-jum

L-Ewwel Qari: Is 5, 1-7
Salm: 79 (80), 9.12.13-14.15-16.19-20
It-Tieni Qari: Fil 4, 6-9

L-Evanġelju: Mt 21, 33-43

F’dak iż-żmien Ġesù qal lill-qassisin il-kbar u lix-xjuħ tal-poplu: “Isimgħu parabbola oħra: Kien hemm wieħed, sid ta’ għalqa, u ħawwilha bid-dwieli; tellgħalha ħajt tas-sejjieħ madwarha, ħaffer magħsar fiha, u bnielha torri; u qabbilha lil xi bdiewa… Kompli aqra »

Il-Papa jiffirma l-enċiklika l-ġdida “Ilkoll Aħwa” fuq il-qabar ta’ San Franġisk ta’ Assisi

03/10/2020

Pope Francis went on Saturday to Assisi for the fifth time during his pontificate. There he signed his new Encyclical Fratelli tutti, before the tomb of St Francis of Assisi, after celebrating Holy Mass.

The Encyclical on fraternity and social friendship was inspired by St Francis, as was the Pope’s second Encyclical, Laudato si’, on the care of our common home, published five years ago… Kompli aqra »

L-Evanġelju tal-jum: 3 ta’ Ottubru

03/10/2020

Qari tal-jum

L-Ewwel Qari: Ġob 42, 1-3.5-6.12-17
Salm: 118 (119), 66.71.75.91.125.130

L-Evanġelju: Lq 10, 17-24

F’dak iż-żmien, it-tnejn u sebgħin reġgħu lura ferħana jgħidu: “Mulej, ix-xjaten ukoll joqogħdu għalina minħabba f’ismek”. U Ġesù qalilhom: “Iva, jien kont narah lix-Xitan jaqa’ bħal berqa mis-sema. Araw, tajtkom is-setgħa li tirfsu fuq sriep u skorpjuni u li tegħlbu kull qawwa tal-għadu u ebda ħsara ma jagħmlulkom… Kompli aqra »

Ippublikata l-Ħames Edizzjoni tal-Bibbja

02/10/2020

Edizzjoni Standard u Kompatta

L-Għaqda Biblika Maltija tixtieq tavża li l-Ħames Edizzjoni tal-Bibbja bil-Malti riveduta skont l-aħħar studji mill-Biblisti Maltin, tinsab għall-bejgħ. Il-Bibbja, li għandha sservi ta’ gwida għall-formazzjoni ta’ kull Nisrani, qed tiġi ppublikata fis-60 anniversarju mit-twaqqif tal-Għaqda Biblika Maltija.

Din il-ħames edizzjoni ġiet stampata fi tliet formati differenti: edizzjoni standard (€38), edizzjoni kompatta (€30) u edizzjoni speċjali (€45). Dawn jistgħu jinxtraw mill-Kurja tal-Arċisqof, il-Furjana, mit-Tnejn sal-Ġimgħa bejn it-8am u t-3:30pm, bl-eċċezjoni tal-Ħamis… Kompli aqra »

Rużarju matul ix-xahar ta’ Ottubru

02/10/2020

Hija x-xewqa tal-Arċisqof Charles Jude Scicluna li matul ix-xahar ta’ Ottubru jingħad kuljum ir-rużarju quddiem Ġesù Sagramentat espost fil-knejjes fejn tinżamm l-Ewkaristija u wara tingħata l-Barka Sagramentali.

Naturalment, hu importanti li f’dan ukoll kulħadd isegwi l-miżuri preżenti għall-ħarsien tal-ħajja u tas-saħħa ta’ kulħadd, b’mod partikulari s-sanitisation, id-distanza soċjali u l-użu tal-maskra jew visor.

Tkun ħaġa sabiħa wkoll li matul dan ix-xahar tingħad, b’ħeġġa u devozzjoni, it-talba tar-rużarju fil-familja… Kompli aqra »