Il-Papa Franġisku

Ħadd ma jista’ jsalva waħdu – Il-Papa fil-Jum Dinji tal-Paċi

Messaġġ tal-Papa Franġisku fis-56 Jum Dinji tal-Paċi

01/01/2023

Ħadd ma jista’ jsalva waħdu. Mill-Covid-19 infittxu flimkien mogħdijiet ta’ paċi

“Dwar il-ħin u ż-żmien, l-aħwa, ma għandix bżonn niktbilkom. Intom tafu sewwa li Jum il-Mulej jiġi għal għarrieda bħal ħalliel billejl” (1 Tess 5:1-2).

1. B’dawn il-kelmiet, l-Appostlu Pawlu stieden lill-komunità ta’ Tessalonika biex, fl-istennija tal-laqgħa mal-Mulej, tibqa’ sħiħa, b’riġlejha u qalbha sodi fuq l-art, kapaċi tħares b’mod attent lejn ir-realtà u lejn il-ġrajjiet tal-istorja… Kompli aqra »

Il-Papa fl-Udjenza: Alla tagħna hu qrib, iħenn u juri tjieba u ħlewwa

28/12/2022   Awla Pawlu VI, Vatikan

Għeżież ħuti, l-għodwa t-tajba u mill-ġdid il-Milied it-tajjeb!

Dan iż-żmien liturġiku jistedinna nieqfu u nirriflettu dwar il-misteru tal-Milied. U billi proprju llum jaħbat ir-raba’ ċentinarju mill-mewt ta’ San Franġisk de Sales, Isqof u Duttur tal-Knisja, nistgħu nieħdu spunt minn xi ħsibijiet tiegħu. Hu kiteb ħafna fuq il-Milied. Dwar dan, għandi l-pjaċir inħabbar li llum qed tiġi ppubblikata l-Ittra appostolika li tfakkar dan l-anniversarju… Kompli aqra »

Il-Papa fl-Anġelus: Aħna xhieda ta’ Kristu?

26/12/2022   Pjazza San Pietru, Il-Vatikan

Għeżież ħuti, il-jum it-tajjeb u l-festa t-tajba!

Ilbieraħ iċċelebrajna t-Twelid tal-Mulej u biex tgħinna nilqgħuh aħjar, il-Liturġija ttawwal il-festa sal-1 ta’ Jannar: għal tmint ijiem.  Sorprendentement, però, f’dawn l-istess jiem jitfakkru xi figuri drammatiċi ta’ qaddisin martri.  Per eżempju, illum San Stiefnu, l-ewwel martri nisrani; u pitgħada l-Qaddisin Innoċenti, it-tfal li nqatlu minn Erodi għax beża’ li Ġesù kien se joħodlu t-tron (cfr Mt 2,1-18).  … Kompli aqra »

Ejjew ilkoll nimpenjaw ruħna sabiex l-ikel ikun biss strument ta’ paċi – Il-Papa waqt l-Urbi Et Orbi

25/12/2022   Loġġa Ċentrali tal-Bażilika ta’ San Pietru, Il-Vatikan

Għeżież ħuti minn Ruma u mid-dinja kollha, il-Milied it-tajjeb!

Jalla l-Mulej Ġesù mwieled mill-Verġni Marija, iġib lil kulħadd l-imħabba t’Alla, għajn ta’ fiduċja u tama; u, jġib ukoll id-don tal-paċi li l-anġli ħabbru lir-rgħajja ta’ Betlehem: “Glorja ‘l Alla fl-għoli tas-smewwiet u paċi fl-art lill-bnedmin li huwa jħobb” (Lq 2,14).

F’dal-jum ta’ festa ndawru ħarsitna lejn Betlehem.  Il-Mulej jiġi fid-dinja fi grotta u jitqiegħed f’maxtura tal-annimali, għax il-ġenituri tiegħu ma setgħux isibu kenn minkejja li għal Marija kien wasal żmien il-ħlas.  … Kompli aqra »

Il-Papa fl-Udjenza: Il-Kelma ta’ Alla hi preżenza ħajja

21/12/2022   Awla Pawlu VI, Vatikan

Għeżież ħuti, l-għodwa t-tajba u merħba!

Inkomplu – waslu fl-aħħar – bil-katekeżijiet tagħna fuq id-dixxerniment, u min segwa sa issa dawn il-katekeżijiet forsi jista’ jaħseb: imma xi prattika kkumplikata hi din tad-dixxerniment! Fir-realtà, hija l-ħajja li hi kkumplikata u, jekk ma nitgħallmux naqrawha, ikkumplikata kif inhi, nirriskjaw li naħluha, għax nibqgħu għaddejjin b’soluzzjonijiet li jispiċċaw javviluna.

Fl-ewwel laqgħa tagħna konna rajna li dejjem, ta’ kuljum, irridu jew ma rridux, qed nagħmlu atti ta’ dixxerniment, f’dak li nieklu, naqraw, fuq ix-xogħol, fir-relazzjonijiet, f’kollox… Kompli aqra »

Il-Papa fl-Angelus: Ma nistgħux ngħakksu lilna nfusna b’sentimenti negattivi

18/12/2022   Pjazza San Pietru, il-Vatikan

Għeżież ħuti, il-jum it-tajjeb! 

Illum, ir-raba’ u l-aħħar Ħadd tal-Avvent, il-liturġija tippreżentalna l-figura ta’ San Ġużepp (cfr Mt 1,18-24).  Hu bniedem ġust, li wasal biex jiżżewweġ.  Nistgħu nimmaġinaw x’kien qed joħlom dwar il-ġejjieni tiegħu: familja sabiħa, mara ta’ għożża u tant ulied bravi, u xogħol dinjituż: ħolm sempliċi imma tajjeb, ħolm tan-nies sempliċi u twajbin. F’daqqa waħda, però, dan il-ħolma titfarrak minħabba skoperta soprendenti: Marija, l-għarusa mwiegħda, qed tistenna tarbija, u dit-tarbija mhix tiegħu!  … Kompli aqra »

Il-Papa fl-Udjenza: Nishru biex inħarsu lil qalbna u nifhmu xi jkun għaddej ġewwa

14/12/2022   Awla Pawlu VI, Vatikan

Għeżież ħuti, l-għodwa t-tajba!

Issa deħlin fil-fażi finali ta’ din il-mixja ta’ katekeżijiet fuq id-dixxerniment. Tlaqna mill-eżempju ta’ Sant’Injazju ta’ Loyola; imbagħad rajna l-elementi tad-dixxerniment – jiġifieri t-talb, l-għarfien tagħna nfusna, ix-xewqa u l-“ktieb tal-ħajja” –; waqafna fuq id-deżolazzjoni u l-konsolazzjoni, li huma l-“materja” tiegħu; u hekk wasalna għall-konferma tal-għażla li tkun saret.

Inħoss li hu bżonnjuż hawn li nfakkru f’atteġġjament essenzjali biex il-ħidma kollha li tkun saret biex niddixxernu x’inhu l-aħjar u nieħdu d-deċiżjoni t-tajba ma tintilifx, u dan hu l-atteġġjament tas-sahra… Kompli aqra »

Il-Papa fl-Angelus: Minflok naħsbu fir-rigali, fl-Avvent għandna nagħtu r-rigal ta’ kliem u ġesti li jfarrġu lil miġrugħ

12/12/2022

Għeżież ħuti, il-jum it-tajjeb! 

L-Evanġelju ta’ dat-tielet Ħadd tal-Avvent ikellimna dwar Ġwanni l-Battista, li meta kien jinsab il-ħabs, jibgħat lid-dixxipli tiegħu jistaqsu lil Ġesù: “Inti huwa dak li għandu jiġi, jew nistennew lil ħaddieħor?” (Mt 11,4).  Infatti, Ġwanni jinħakem mid-dubju meta jisma’ dwar Ġesù u jidħol f’dubju jekk dan kienx verament il-Messija jew le.  Infatti hu kien jimmaġina Messija aħrax li meta jiġi kien se jagħmel ħaqq bil-qawwa u jikkastiga lill-midinbin… Kompli aqra »

Il-Papa fl-Angelus: Trid tbati biex tagħżel it-tajjeb

08/12/2022   Pjazza San Pietru, Ruma

Għeżież ħuti, il-jum it-tajjeb u l-festa t-tajba!

L-Evanġelju tas-solennità tal-lum jeħodna fid-dar ta’ Marija biex jirrakkuntalna t-Tħabbira (cfr Lq 1,26-38).  L-anġlu Gabrijel isellem lil Marija b’dal-kliem: “Ifraħ, mimlija bil-grazzja, il-Mulej miegħek (v. 28)”.  Ma jsejħilhiex b’isimha, Marija, iżda b’isem ġdid li ma kinitx taf bih: mimlija bil-grazzja.  Mimlija bil-grazzja, jiġifieri bla ebda dnub, huwa l-isem li jtiha Alla u li qed nagħmlu l-festa tiegħu illum… Kompli aqra »

Il-Papa fl-Udjenza: Il-possessività hi għadu tat-tajjeb u toqtol l-imħabba

08/12/2022   Sala tal-Udjenza Papa VI, Ruma

Għeżież ħuti, l-għodwa t-tajba!

Fil-proċess tad-dixxerniment, importanti nibqgħu attenti anki għall-fażi li tiġi dritt wara d- deċiżjoni li nkunu ħadna, biex nagħrfu s-sinjali li jikkonfermawha jew dawk li juru li kienet
żbaljata. Jiena rrid nieħu deċiżjoni, nagħmel id-dixxerniment, favur jew kontra, sentimenti,
nitlob… imbagħad jintemm dan il-proċess u nieħu d-deċiżjoni u mbagħad tiġi dik il-parti li fiha rridu noqogħdu attenti, naraw… Kompli aqra »