Il-Papa Franġisku

Il-Papa fl-Angelus: Il-wirt tal-fidi mgħoddi mill-anzjani m’għandux prezz

23/03/2022   Il-Vatikan

Għeżież ħuti, l-għodwa t-tajba!

Fil-Bibbja, qabel ir-rakkont tal-mewt tax-xwejjaħ Mosè għandna t-testment spiritwali tiegħu, imsejjaħ “Kantiku ta’ Mosè”. Dan il-Kantiku hu qabelxejn stqarrija mill-isbaħ ta’ fidi, u jgħid hekk:
“Irrid inxandar isem il-Mulej;
faħħruh intom lil Alla tagħna.
Għax hu l-Blata tagħna; perfett għemilu;
u lkoll ġusti t-triqat tiegħu.
Alla ta’ kelmtu u ma jqarraqx;
kollu ħaqq u kollu sewwa” (Dewt 32:3-4)… Kompli aqra »

Il-Papa fl-Angelus iwissi kontra l-birda mill-gwerer u l-vittmi li jħallu

20/03/2022   Il-Vatikan

Għeżież ħuti, il-jum it-tajjeb!

Ninsabu fil-qofol tal-mixja tar-Randan u fil-bidu tiegħu, l-Evanġelju tal-lum jippreżentalna lil Ġesù li jikkkumenta dwar xi ġrajjiet li seħħew. Waqt li kienet għada friska t-tifkira tat-18-il persuna li kienu mietu fit-tiġrif ta’ torri, jirrakkuntawlu wkoll dwar xi Galilej li sfaw maqtulin minn Pilatu (ara 13:1). U hemm mistoqsija li donnha takkumpanja dawn l-aħbarijiet traġiċi: ta’ min hi l-ħtija ta’ dawn il-fatti terribbli? Forsi dawn in-nies kienu aktar ħatja minn oħrajn u Alla ried jikkastigahom? Dawn huma mistoqsijiet li jibqgħu jkunu dejjem attwali; meta l-aħbarijiet ħżiena jgħakksuna u nħossuna bla saħħa quddiem il-ħażen, spiss nistaqsu lilna nfusna: forsi dan hu kastig minn Alla? … Kompli aqra »

Il-Papa fl-Udjenza: L-anzjanità, riżorsa għaż-żgħożija ta’ ħajja mtajra

16/03/2022   Il-Vatikan

Ir-rakkont bibliku – bil-lingwaġġ simboliku tal-epoka li fih inkiteb – jgħidilna ħaġa impressjonanti: Alla tant iddispjaċieh għall-ħażen li kien infirex fost il-bnedmin, tant li kien sar stil ta’ ħajja normali, li hu ħaseb li żbalja li ħalaqhom u qatagħha li jneħħihom. Soluzzjoni radikali. Seta’ jkollha wkoll implikazzjonijiet paradossali ta’ ħniena. Daqshekk bnedmin, daqshekk storja, daqshekk ġudizzju, daqshekk kundanna. U ħafna vittmi ppredestinati għall-korruzzjoni, għall-vjolenza, għall-inġustizzja kienu jiġu meħlusa għal dejjem… Kompli aqra »

Il-Papa Franġisku dwar l-Ukrajna fl-Angelus: F’isem Alla, nitlobkom: waqqfu dal-massakru!

13/03/2022   Il-Vatikan

Għeżież ħuti, il-jum it-tajjeb!

L-Evanġelju ta’ dat-tieni Ħadd tar-Randan jirrakkuntalna t-Trasfigurazzjoni ta’ Ġesù (ara Lq 9: 28-36). Waqt li Hu kien jitlob fuq muntanja għolja, jibdel surtu, ilbiesu jsiru bojod silġ u jleqqu, u fid-dawl tal-glorja tiegħu jidhru Mosè u Elija, li jitkellmu miegħu dwar l-Għid li kien hemm jistennieh f’Ġerusalemm, jiġifieri l-passjoni, il-mewt u l-qawmien tiegħu.

Ix-xhieda ta’ din il-ġrajja straordinarja huma l-appostli Pietru, Ġwanni u Ġakbu, li telgħu fuq l-għolja flimkien ma’ Ġesù. Aħna nistħajluhom b’għajnejhom miftuħin beraħ quddiem dal-ispettaklu uniku. U żgur li hekk ġara… Kompli aqra »

Il-Papa fl-Angelus jappella għall-kurituri umanitarji fl-Ukrajna

06/03/2022   Il-Vatikan

Għeżież ħuti, il-jum it-tajjeb!

L-Evanġelju tal-Liturġija tal-lum, l-ewwel Ħadd tar-Randan, jeħodna fid-deżert, fejn Ġesù kien meħud mill-Ispirtu s-Santu, għal 40 jum, biex ikun ittantat mix-xitan (ara Lq 4:1-13).  Ġesù wkoll safa ttantat mix-xitan, u jakkumpanja lil kull wieħed u waħda minna fit-tentazzjonijiet tagħna. Id-deżert hu simbolu tat-taqbida mas-seħer tal-ħażen, jgħallimna nagħżlu l-vera libertà. Infatti Ġesù jgħix l-esperjenza tad-deżert minnufih qabel ma jibda l-missjoni pubblika tiegħu. U propju permezz ta’ dik it-taqbida spiritwali hu jafferma bla tlaqliq liema tip ta’ Messija kien fi ħsiebu jkun. Mhux Messija hekk, imma hekk (il-Papa għamel ġest b’idejh): ikolli ngħid li din kienet propju d-dikjarazzjoni tal-identità messjanika tiegħu, tat-triq messjanika ta’ Ġesù… Kompli aqra »

Il-Papa fl-Udjenza: It-tfal u x-xjuħ jagħtuna kapaċità oħra kif inħarsu lejn il-ħajja

02/03/2022   Il-Vatikan

Għeżież ħuti, l-għodwa t-tajba!

Fir-rakkont bibliku tal-ġenealoġiji tal-ewwel ġenituri minnufih tolqotna l-ħajja twila tagħhom: jissemmew sekli sħaħ! U hawn meta tibda x-xjuħija? Nistaqsu. U xi jfisser il-fatt li dawn il-missirijiet tal-qedem għexu daqshekk fit-tul wara li nisslu l-ulied? Missirijiet u wlied jgħixu flimkien, għal sekli! Din il-firxa taż-żminijiet fuq sekli, irrakkuntata bi stil ritwali, tagħti lir-relazzjoni bejn ħajja twila u ġenealoġija tifsira simbolika qawwija, qawwija ħafna… Kompli aqra »

Il-Papa fl-Angelus dwar il-gwerer fid-dinja: Ħa jisktu l-armi!

27/02/2022   Il-Vatikan

Għeżież ħuti, il-jum it-tajjeb!

Fl-Evanġelju tal-Liturġija tal-lum Ġesù jistedinna nirriflettu fuq ħarsitna u kliemna. Il-ħarsa u l-kliem.

Qabel xejn, il-ħarsa. Il-Mulej jgħid li għandna r-riskju li nikkonċentraw ħarsitna fuq it-tibna f’għajn ħuna bla ma nindunaw bit-travu li għandna f’tagħna (ara Lq 6:41). Fi kliem ieħor, inkunu attenti ħafna għad-difetti tal-oħrajn, anki ż-żgħar daqs tibna, u bil-kalma kollha ninsew tagħna u ftit intuhom importanza. Hu minnu dak li jgħid Ġesù: dejjem insibu raġuni biex infittxu l-ħtija fl-oħrajn u niġġustifikaw lilna nfusna. U tant drabi nilmentaw minħabba dak li ma jkunx sejjer sew fis-soċjetà, fil-Knisja, fid-dinja, bla ma qabel neżaminaw lilna nfusna u bla ma nimpenjaw ruħna biex qabel kollox nibdlu lilna nfusna. Kull bidla għammiela, pożittiva, għandha tibda minna nfusna… Kompli aqra »

Il-Papa fl-Udjenza Ġenerali: Irridu nġibu lura l-patt bejn il-ġenerazzjonijiet f’din il-kultura tal-iskart

23/02/2022   Il-Vatikan

Għeżież ħuti, l-għodwa t-tajba!

Temmejna l-katekeżijiet fuq San Ġużepp. Illum qed nibdew mixja ta’ katekeżi li tfittex mill-Kelma ta’ Alla xi jnebbaħha dwar it-tifsira u l-valur tax-xjuħija. Se nirriflettu fuq iż-żmien tax-xjuħija. Minn xi għexieren ta’ snin ’l hawn, din l-età tal-ħajja qed tmiss “poplu ġdid” fil-veru sens tal-kelma, li huma x-xjuħ, l-anzjani. Qatt daqs illum ma konna daqshekk fil-għadd fl-istorja umana… Kompli aqra »

Il-Papa fl-Angelus jirringrazzja lill-ħaddiema tas-saħħa għall-eroiżmu li jwettqu ta’ kuljum

20/02/2022   Il-Vatikan

Għeżież ħuti, il-jum it-tajjeb!

Fl-Evanġelju tal-Liturġija tal-lum Ġesù jagħti lid-dixxipli xi struzzjonijiet fundamentali għall-ħajja. Il-Mulej qed jirreferi għas-sitwazzjonijiet l-aktar diffiċli, dawk li għalina jkunu test, eżami, dawk li jqegħduna wiċċ imb wiċċ ma’ min hu għadu tagħna u ostili, quddiem min dejjem ifittex li jagħmlilna l-ħsara. F’każi bħal dawn id-dixxiplu ta’ Ġesù għandu sejħa biex ma jħallix l-istint tal-mibegħda jirkbu, imma jmur ‘l hinn, ferm aktar ‘l hinn… Kompli aqra »

Il-Papa fl-Udjenza: li tkun Nisrani tfisser tħares il-ħajja ta’ kulħadd

16/02/2022   Il-Vatikan

Għeżież ħuti, l-għodwa t-tajba!

Illum nagħlqu ċ-ċiklu ta’ katekeżi fuq il-figura ta’ San Ġużepp. Dawn il-katekeżijiet huma kumplimentari għall-Ittra appostolika Patris corde, miktuba fl-okkażjoni tal-150 sena mill-proklamazzjoni ta’ San Ġużepp bħala Patrun tal-Knisja Kattolika mill-Beatu Piju IX. Imma xi jfisser dan it-titlu? Xi jfisser li San Ġużepp hu “Patrun tal-Knisja”? Illum nixtieq nirrifletti magħkom dwar dan… Kompli aqra »