L-Aħbarijiet

Ix-xogħol tat-Tribunal ikompli jesprimi l-viċinanza tal-Knisja fejn hemm feriti kbar – L-Arċisqof

28/01/2022 Il-Palazz tal-Arċisqof, il-Belt Valletta

It‑Tribunali tal‑Knisja tal‑Provinċja Ekkleżjastika Maltija ċċelebraw l‑inawgurazzjoni tas‑Sena Ġudizzjarja nhar l‑Ġimgħa 28 ta’ Jannar 2022, fil‑Palazz tal‑Arċisqof, il‑Belt Valletta. L-Arċisqof Charles Scicluna ta d-diskors tal-ftuħ. Il‑Lectio Magistralis din is‑sena ngħatat mill‑Kardinal Mario Grech bit-tema ‘Id-Dinamika Sinodali tal-Proċess Ġudizzjali’.

Il‑Vigarji Ġudizzjali tat‑tliet Tribunali Ekkleżjastiċi taw il‑kontribuzzjonijiet tagħhom dwar it‑Tribunal Reġjonali tal‑Appell, it‑Tribunal Metropolitan ta’ Malta, u t‑Tribunal Djoċesan ta’ Għawdex. Il‑Vigarji Ġudizzjali aġġornaw ukoll lil dawk preżenti dwar il‑ħidma li t‑Tribunali tagħhom wettqu matul l‑2020 u l-2021… Kompli aqra »

Rapport Annwali fuq id-Drogi: Jonqos l-użu tal-eroina filwaqt illi aktar nies jagħmlu użu mis-servizzi ta’ appoġġ

27/01/2022

L-użu tad-droga eroina kompla jonqos fost l-individwi li qed jieħdu trattament għall-vizzju, bl-istima ta’ persuni li jużaw din id-droga kuljum tinżel kważi bin-nofs fis-sena 2020 meta mqabbel mas-sena 2015. Kien hemm 1,098 (55%) persuna li fittxew l-għajnuna primarjament minħabba l-użu tal-eroina matul is-sena 2020.

Aktar minn hekk, naqas ukoll b’mod konsiderevoli l-għoti ta’ siringi mill-polyclinics, b’mod konsistenti. Fortunatament, naqsu wkoll l-imwiet b’rabta mal-overdose ta’ din id-droga… Kompli aqra »

In-Nunzju Appostoliku jtemm il-missjoni tiegħu f’Malta

26/01/2022

L-Arċisqof Alessandro D’Errico ħabbar li se jtemm il-ħidma tiegħu bħala Nunzju Appostoliku tas-Santa Sede għal Malta. Mons D’Errico, li għandu 71 sena, se jirtira bl-età u jħalli Malta fix-xhur li ġejjin.

Huwa wassal din l-aħbar personalment lill-Isqfijiet ta’ Malta u Għawdex waqt laqgħa tal-Konferenza Episkopali li saret il-bieraħ fin-Nunzjatura Appostolika f’Tal-Virtù, ir-Rabat.

L-Arċisqof D’Errico qal li kienu diversi r-raġunijiet li wassluh li jieħu din id-deċiżjoni li ilu jirrifletti dwarha għal dan l-aħħar żmien… Kompli aqra »

L-Insara madwar id-dinja jingħaqdu fit-talb għall-paċi fl-Ukrajna

26/01/2022

Photo: Believers attend a liturgy at the Cathedral of the Resurrection of Christ in Kyiv, Ukraine

As the threat of Russian troops invading Ukraine continues to rise, Catholics around the world are joining in prayer for peace in the Eastern European country on Wednesday. The special day of prayer was called for by Pope Francis after his Angelus address on 23 January.

Prayer marathon in the Greek Catholic Church

Heeding the Pope’s appeal, the Major Archbishop of the Ukrainian Greek Catholic Church, Sviatoslav Shevchuk, is leading a prayer marathon in which every Greek Catholic archeparchy and eparchy across the world is taking part… Kompli aqra »

Relikwa tal-Beatu Nazju Falzon esposta fil-Knisja ta’ Ġieżu fir-Rabat

26/01/2022 Il-Kappella ta’ San Ġużepp, fil-Knisja ta’ Santa Marija ta’ Ġesù, ir-Rabat

Pittura tal-Beatu Nazju Falzon, fil‑Knisja ta’ Ġieżu, il‑Belt Valletta

Mil-lum ir-relikwa tal-Beatu Malti Nazju Falzon se tkun esposta għall-qima tal-pubbliku fil-Kappella ta’ San Ġużepp, fil-Knisja ta’ Santa Marija ta’ Ġesù tal-Patrijiet Franġiskani, ir-Rabat. Il-Beatu Nazju Falzon kien devot kbir ta’ San Ġużepp u se tkun hemm fl-Erbgħat ta’ San Ġużepp u anke matul il-jiem tal-Festa ta’ San Ġużepp. Se tibqa’ esposta sad-19 ta’ Marzu 2022… Kompli aqra »

San Ġużepp jgħallimna l-vera umanità li tindokra d-dinjità ta’ kull persuna – L-Arċisqof

Imniedi 'Il-ktieb ta’ San Ġużepp: ġabra ta’ studji'

26/01/2022 Il-Kurja tal-Arċisqof, il-Furjana

Nhar l-Erbgħa 26 ta’ Jannar saret it-tnedija ta’ Il-ktieb ta’ San Ġużepp: ġabra ta’ studji, fejn l-Arċisqof Charles Scicluna kien ippreżentat l-ewwel kopja tiegħu mill-editur Andrew Borg. Dan il-ktieb voluminuż hu riżultat ta’ snin ta’ kitba u riċerka minn grupp ta’ 21 persuna fosthom monsinjuri, kanonċi, reliġjużi u lajċi, li ħadmu flimkien ma’ Borg fuq dan il-qaddis li l-Iskrittura Mqaddsa titkellem ftit dwaru, iżda li skont l-editur innifsu kien figura ċentrali fil-Pjan ta’ Salvazzjoni tal-Bniedem, billi hu kien ir-raġel ta’ dik li ġabet fid-dinja lill-Iben il-Waħdieni ta’ Alla… Kompli aqra »

Filmat: Is-Servizz Ekumeniku 2022

21/01/2022 Is-Santwarju Bażilika tal-Madonna tal-Karmnu, il-Belt Valletta

Bħala parti mill-Ġimgħa ta’ Talb għall‑Għaqda fost l‑Insara, ilbieraħ 21 ta’ Jannar 2022, sar Servizz Ekumeniku bis-sehem ta’ diversi Knejjes Insara f’Malta fis-Santwarju Bażilika tal-Madonna tal-Karmnu, il-Belt Valletta.

It-talb tmexxa mill-Isqof Awżiljarju Joseph Galea-Curmi filwaqt li r-riflessjoni biblika saret minn Pastor Earl Pinkston, tal-Knisja Evanġelika Battista. Għal dan is-servizz attendew Insara Kattoliċi, Ortodossi u Protestanti u reliġjużi Kattoliċi ta’ komunitajiet li jinsabu fil-Belt Valletta, fosthom il-Karmelitani, id-Dumnikani u l-Franġiskani Konventwali… Kompli aqra »

‘Dinjità, dixxerniment u fidi’: kliem il-Papa lill-Kongregazzjoni tad-Duttrina tal-Fidi

22/01/2022

Human dignity must be respected from the moment of conception until natural death, Pope Francis said on Friday.

Addressing a plenary session of the Congregation for the Doctrine of the Faith, Pope Francis underlined three keywords, dignity, discernment, and faith.

Archbishop of Malta Charles Scicluna was among those present at the plenary session at the Clementine Hall in the Vatican. Since November 2018 Mgr Scicluna has served as Adjunct Secretary of the Congregation for the Doctrine of the Faith, the curial body responsible for doctrinal matters, also dealing with clerical sexual abuse cases on minors… Kompli aqra »

Lejn soċjetà aktar magħquda

Dokument mill-Kummissjoni Ġustizzja u Paċi

21/01/2022 Il-Kurja tal-Arċisqof, il-Furjana

Il‑Kummissjoni Ġustizzja u Paċi tal‑Arċidjoċesi ta’ Malta nediet dokument għad‑diskussjoni bil‑għan li tħeġġeġ liċ‑ċittadini Maltin jirriflettu fuq kif bħala pajjiż nistgħu naħdmu sabiex tkompli tinbena l‑paċi, filwaqt li nsawru soċjetà li tippromwovi l‑ġid komuni u ttejjeb il‑benessri tal‑persuni, speċjalment dawk l‑aktar vulnerabbli.

Dan id‑dokument bl‑isem ta’ ‘Yahad’, terminu bl‑Ebrajk li jirreferi għas‑sens ta’ għaqda u komunità, hu maqsum fi tliet taqsimiet: l‑ewwel dwar il‑ġrajjiet li kixfu l‑ġrieħi tas‑soċjetà Maltija, it‑tieni dwar il‑virtujiet li jistgħu jservu ta’ gwida matul il‑proċess ta’ fejqan, rikonċiljazzjoni u tiġdid tas‑soċjetà, u t‑tielet dwar l‑impenn fil‑prattika ta’ kull ċittadin favur soċjetà li, bħalma jisħaq il‑Papa Franġisku, twarrab “il‑kultura tal‑ħela” u tagħmel post għall‑“kulturatal‑laqgħa”.

Waqt konferenza tal‑aħbarijiet fil‑Kurja tal‑Arċisqof, Daniel Darmanin, il‑President tal‑Kummissjoni Ġustizzja u Paċi, qal li minkejja ċ‑ċokon tal‑pajjiż, matul is‑sena, iċ‑ċirkustanzi ta’ nuqqas ta’ paċi u trankwillità ma jonqsux… Kompli aqra »

Servizz Ekumeniku 2022 bis-sehem ta’ diversi Knejjes Insara f’Malta

21/01/2022 Is-Santwarju Bażilika tal-Madonna tal-Karmnu, il-Belt Valletta

Bħala parti mill-Ġimgħa ta’ Talb għall‑Għaqda fost l‑Insara, illejla fis-6:30pm, se jsir Servizz Ekumeniku bis-sehem ta’ diversi Knejjes Insara f’Malta. Is-servizz se jitmexxa mill-Isqof Awżiljarju Mons. Joseph Galea Curmi filwaqt li r-riflessjoni biblika se ssir minn Pastor Earl Pingston fis-Santwarju Bażilika tal-Madonna tal-Karmnu, il-Belt Valletta.

Is-servizz ekumeniku se jixxandar għada s-Sibt 22 ta’ Jannar fis-7pm fuq Knisja.mt, il-paġna ta’ Facebook u YouTube tal-Arċidjoċesi ta’ Malta, u Newsbook.com.mt… Kompli aqra »