Stqarrijiet għall-Istampa

Quddiesa fl-10 anniversarju mill-elezzjoni tal-Papa Franġisku

09/03/2023

Nhar is-Sibt 18 ta’ Marzu 2023, l-Arċisqof Charles Jude Scicluna se jiċċelebra quddiesa ta’ radd il-ħajr f’għeluq l-10 snin mill-elezzjoni tal-Papa Franġisku fil-Konkatidral ta’ San Ġwann fil-Belt Valletta, fid-9:30am.

Il-Papa Franġisku ġie elett fit-13 ta’ Marzu 2013 u beda uffiċjalment il-ministeru pastorali tiegħu bħala Isqof ta’ Ruma u Ragħaj tal-Knisja Universali fid-19 ta’ Marzu 2013, fis-Solennità ta’ San Ġużepp.

Kulħadd mistieden jattendi għal din iċ-ċelebrazzjoni u jirringrazzja lil Alla ta’ dan id-don kbir li ta lill-Knisja tiegħu, u tal-ġid kbir li għamel il-Papa Franġisku tul dawn is-snin… Kompli aqra »

Ċelebrazzjonijiet liturġiċi mill-Arċisqof Charles Jude Scicluna f’Marzu 2023

01/03/2023

Matul ix-xahar ta’ Marzu, l-Arċisqof Charles Jude Scicluna se jkompli jiċċelebra l-quddies ta’ matul il-ġimgħa kif ukoll nhar ta’ Ħadd. Dawn iċ-ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt. 

Il-quddies organizzat mill-Arċidjoċesi ta’ Malta qed jixxandar: 

  • Mit-Tnejn sas-Sibt fid-9:30 a.m., mill-Kappella tal-Madonna ta’ Manresa, fil-Kurja tal-Arċisqof, il-Furjana. Wara l-quddiesa tingħad it-talba tar-rużarju li tixxandar fuq Knisja.mt u Newsbook.com.mt, u Facebook u YouTube tal-Arċidjoċesi ta’ Malta. 
  • Kull nhar ta’ Ħadd fid-9:30 a.m., tiġi ċċelebrata quddiesa fuq TVM, fuq Knisja.mt u Newsbook.com.mt, u Facebook u YouTube tal-Arċidjoċesi ta’ Malta. 

F’dawn il-ġranet Monsinjur Arċisqof se jiċċelebra l-quddies f’dawn il-knejjes: 

L-Erbgħa 1 ta’ Marzu, 6:30 p.m… Kompli aqra »

Żmien ir-Randan 2023

21/02/2023

Għada l‑Erbgħa, 22 ta’ Frar 2023, il‑Knisja tagħti bidu għar‑Randan Imqaddes: 40 jum ta’ talb u penitenza bi tħejjija għaċ‑ċelebrazzjoni tal‑Passjoni, il‑Mewt u l‑Qawmien mill‑mewt ta’ Sidna Ġesù Kristu.

L Arċisqof Charles Jude Scicluna ser jiċċelebra l‑quddiesa ta’ Ras ir‑Randan fil‑Knisja tal‑Immakulata Kunċizzjoni (Sarria) fil‑Furjana, li tinkludi t‑tberik u t‑tqegħid tal‑irmied. Il‑quddiesa tibda fid‑9:30am u tixxandar fuq TVM, Knisja.mt, Newsbook.com.mt u Radju 103… Kompli aqra »

843 kaxxa affarijiet essenzjali mill-parroċċi f’Malta għat-Turkija u s-Sirja

14/02/2023

Voluntiera fil-parroċċa tal-Gżira

Nhar il-Ħadd 12 ta’ Frar 2023, inġabru 843 kaxxa affarijiet bażiċi u essenzjali mill-parroċċi f’Malta għall-popli tat-Turkija u s-Sirja. L-oġġetti kienu jinkludu 97 kutra u 12-il heater. L-affarijiet inġarru fi 17-il vjaġġ fil-vannijiet sabiex ingħataw lill-Protezzjoni Ċivili. L-inizjattiva kienet koordinata mill-Arċidjoċesi ta’ Malta permezz tal-Fondazzjoni Opri Soċjali u l-ħidma ta’ aktar minn 100 voluntier.

L-affarijiet inġabru fiċ-ċentri tal-parroċċi tal-Qawra, l-Iklin, il-Mosta, Birżebbuġa, il-Gżira u Ħal Għaxaq… Kompli aqra »

Jinġabru oġġetti essenzjali fil-parroċċi għat-Turkija u s-Sirja

09/02/2023

Is-Sirja (Ritratt: Pexels)

Nhar il-Ħadd li ġej, 12 ta’ Frar 2023 għadd ta’ parroċċi f’Malta se jiġbru affarijiet bażiċi u essenzjali li għandhom bżonn bħalissa l-popli tat-Turkija u s-Sirja. Din l-inizjattiva qed tiġi koordinata mill-Arċidjoċesi ta’ Malta permezz tal-Fondazzjoni Opri Soċjali.

Il-prodotti meħtieġa jinkludu: ikel f’bottijiet u pakketti magħluqin, prodotti sanitarji, tined, saqqijiet tat-tined, sleeping bags, torches, batteriji u power banks.

Il-lista sħiħa tal-affarijiet li se jinġabru tista’ tinkiseb minn djakonija.org/turkijasirja flimkien ma’ dettalji oħra dwar minn fejn ser jinġabru d-donazzjonijiet… Kompli aqra »

Ġbir ta’ fondi għat-Turkija u s-Sirja

Caritas Malta b’sejħa ta’ emerġenza

08/02/2023

Is-Sirja (Ritratt: Caritas Internationalis)

Fuq talba tal-Isqfijiet ta’ Malta u Għawdex, Caritas Malta f’kollaborazzjoni ma’ Caritas Internationalis, qed tappella għal donazzjonijiet ta’ flus b’risq il-poplu tat-Turkija u s-Sirja li bħalissa għaddej minn tbatija kbira minħabba t-terrimoti qawwija li laqtu lil dawn iż-żewġ pajjiżi maġenb xulxin. Din hi waħda mill-inizjattivi li l-Knisja f’Malta qed tieħu biex tgħin lill-poplu Sirjan u Tork.

Is-Sirja ntlaqtet mit-terremot, bl-iktar wieħed b’saħħtu mill-1995, fejn l-aktar li ntlaqat hu t-Tramuntana tal-pajjiż… Kompli aqra »

Il-ħajja ma għandhiex prezz

Quddiesa f'Jum il-Ħajja

05/02/2023   Il-Konkatidral ta' San Ġwann, il-Belt Valletta

L-omelija tal-Isqof Joseph Galea-Curmi

Fit‑18 ta’ Jannar li għadda, mara ta’ 30 sena, Pelin Kaya, kienet maqtula proprju fil‑ġurnata li ċċelebrat għeluq sninha. Kienet miexja u spiċċat vittma b’karozza misjuqa għal ġo fiha. Il‑qtil tagħha bir‑raġun ġab reazzjoni qawwija fost ħafna nies. Kif jista’ jkun tkun miexja għall‑kwiet u f’daqqa waħda ssib min itemmlek ħajtek?

Aħna u niċċelebraw illum, ftit ġranet wara, Jum il‑Ħajja, ma nistgħux ma nfissrux in‑niket kbir tagħna għal dan il‑qtil u nuru s‑solidarjetà sħiħa mal‑familja tal‑vittma… Kompli aqra »

Delegazzjoni Maltija u Għawdxija tieħu sehem fl-Assemblea Kontinentali Ewropea tas-Sinodu

03/02/2023

L-Arċisqof Charles Scicluna se jmexxi delegazzjoni Maltija u Għawdxija fl-Assemblea Kontinentali Ewropea tas-Sinodu fil-jiem li ġejjin fejn 200 parteċipant se jiltaqgħu fi Praga, fir-Repubblika Ċeka, biex jiddiskutu s-sinodalità. L-Arċisqof, li hu l-President tal-Konferenza Episkopali Maltija, se jkun akkumpanjat minn Sor Natalie Abela soc, Dun Daniel Sultana u Francesco Pio Attard. Se jkun hemm ukoll 10 persuni oħra minn Malta u Għawdex li se jieħdu sehem online matul il-konferenza… Kompli aqra »

Ċelebrazzjonijiet liturġiċi mill-Arċisqof Charles Scicluna fi Frar 2023

01/02/2023

Matul ix‑xahar ta’ Frar, l‑Arċisqof Charles Jude Scicluna se jkompli jiċċelebra l‑quddies ta’ matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt.

Il‑quddies organizzat mill‑Arċidjoċesi ta’ Malta qed jixxandar:

L-applikazzjonijiet għal ‘applikanti oħra’ għad-dħul fl-iskejjel tal-Knisja f’Malta u Għawdex

31/01/2023

Għada l-Erbgħa, 1 ta’ Frar, se jiftħu l‑applikazzjonijiet għal ‘Applikanti Oħra’ għad‑dħul fl‑iskejjel tal‑Knisja f’Malta u f’Għawdex għas‑sena skolastika li tibda f’Settembru li ġej.  In‑numru ta’ postijiet vakanti huwa ta’ 933 (858 f’Malta u 75 f’Għawdex). Fir‑regolamenti li ġew ippubblikati f’Novembru li għadda hemm informazzjoni dettaljata tal‑postijiet offruti u tal‑kriterji kif ukoll il‑lista tad‑dokumenti meħtieġa, il‑ġranet meta wieħed għandu japplika u dettalji oħra… Kompli aqra »