Fil‑ġimgħat li ġejjin se jibda r‑restawr minn barra tal‑koppla tal‑knisja arċipretali ta’ Santa Katarina fiż‑Żurrieq. Dan il‑proġett, li ser isir b’kofinanzjament ta’ 80% minn fondi tal‑Unjoni Ewropea, ser jiswa €70,000. Id‑dettalji tal‑proġett tħabbru dalgħodu mis‑Segretarju Parlamentari għall‑Fondi Ewropej Stefan Zrinzo Azzopardi, mis‑Segretarju Amministrattiv tal‑Arċidjoċesi ta’ Malta Michael Pace Ross u mill‑Arċipriet taż‑Żurrieq Dun Karm Mercieca.

Waqt il‑konferenza tal‑aħbarijiet ġie spjegat li matul ix‑xogħol ta’ restawr se titnaddaf il‑ġebla tal‑koppla u jinbidel il‑ġebel li ġarrab l‑akbar ħsara, se jitneħħa l‑membrane u jiġi rrestawrat id‑deffun, u se jiġu rrestawrati wkoll l‑aperturi tal‑injam… Kompli aqra »

 L-Arċisqof Charles Jude Scicluna apprezza l-ħidma li qed issir minn Infrastructure Malta mal-Arċidjoċesi ta’ Malta permezz ta’ xogħlijiet ta’ manutenzjoni u tisbiħ, fosthom bit-tħawwil ta’ siġar, fi spazji oħrajn miftuħa mmexxija mill-Knisja f’diversi lokalitajiet. 

Waqt żjara fil-ġonna tad-Dar tal-Kleru f’Birkirkara, fejn qed jitħawlu 1,400 siġra minn Infrastructure Malta, l-Arċisqof sostna li s-siġar imħawlin huma pulmun ta’ arja nadifa mhux biss għas-saċerdoti anzjani residenti fid-Dar tal-Kleru iżda wkoll għar-residenti ta’ Birkirkara… Kompli aqra »

L‑Għaqda Biblika Maltija nediet il‑ħames edizzjoni tal‑Bibbja bil‑Malti riveduta skont l‑aħħar studji mill‑Biblisti Maltin. Il‑Bibbja, li għandha sservi ta’ gwida għall‑formazzjoni ta’ kull Nisrani, qed tiġi ppublikata fis‑60 anniversarju mit‑twaqqif tal‑Għaqda Biblika Maltija.

It‑tnedija tal‑Bibbja bil‑Malti ġiet ippreżentata lill‑Isqfijiet waqt laqgħa tal‑Konferenza Episkopali Maltija fil‑Kurja tal‑Arċisqof il‑Furjana.

Fil‑messaġġ tiegħu, l‑Arċisqof Charles Jude Scicluna qal li minkejja l‑messaġġ tal‑Bibbja ma jinbidilx, huwa essenzjali li minn żmien għal żmien jiġi aġġornat il‑lingwaġġ li bih tkun inkitbet sabiex nifhmu u nersqu aktar lejn il‑Kelma tal‑Mulej… Kompli aqra »

With reference to the aggressive stance taken today by the Malta Union of Teachers (MUT) against Church Schools, Church authorities: 

1. will continue to ensure that the health and safety of educators, students and staff in all Church schools remains paramount, in adherence to the guidelines issued by Public Health Authorities. 

2. remain committed to continue providing over 17,000 students with the right to their education, despite the challenging situations being faced. 

3… Kompli aqra »

Kappillan ġdid għall-parroċċa tal-Gżira

L‑Arċisqof Charles Jude Scicluna ħatar lil Dun Gordon Refalo bħala kappillan tal‑parroċċa tal‑Madonna tal‑Karmnu, il‑Gżira.

Dun Gordon Refalo twieled tas‑Sliema fit‑30 ta’ Novembru 1961. Huwa rċieva l‑edukazzjoni tiegħu fl‑iskola ta’ St Joseph, ir‑Rabat, u fil‑Kulleġġ San Alwiġi, Birkirkara. Kompla bl‑edukazzjoni terzjarja fil‑Fakultà tat‑Teoloġija fl‑Università ta’ Malta u ġie ordnat saċerdot fil‑5 ta’ Lulju 1991.

Dun Gordon serva bħala viċi kappillan fil‑parroċċa ta’ San Gejtanu, il‑Ħamrun, u wettaq ħidma pastorali fil‑parroċċa tan‑Naxxar… Kompli aqra »

L‑Arċidjoċesi ta’ Malta qed tikkollabora ma’ Infrastructure Malta fir‑riġenerazzjoni tal‑ġonna tad‑Dar tal‑Kleru f’Birkirkara b’xogħol ta’ manutenzjoni u tisbiħ, u tħawwil ta’ siġar. Il‑ġonna ta’ din id‑dar, li huma mifruxa fuq 20,000 metru kwadru ta’ art, huma fost il‑ftit żoni mhux mittiefsa mill‑bini f’din il‑lokalità.

Fil‑bidu ta’ din is‑sena tħawlu 700 siġra taċ‑ċipress li se joffru kenn lil 700 siġra oħra li Infrastructure Malta qed tħawwel fuq in‑naħa ta’ ġewwa tal‑ġonna… Kompli aqra »

Edizzjoni Standard u Kompatta

L-Għaqda Biblika Maltija tixtieq tavża li l-Ħames Edizzjoni tal-Bibbja bil-Malti riveduta skont l-aħħar studji mill-Biblisti Maltin, tinsab għall-bejgħ. Il-Bibbja, li għandha sservi ta’ gwida għall-formazzjoni ta’ kull Nisrani, qed tiġi ppublikata fis-60 anniversarju mit-twaqqif tal-Għaqda Biblika Maltija.

Din il-ħames edizzjoni ġiet stampata fi tliet formati differenti: edizzjoni standard (€38), edizzjoni kompatta (€30) u edizzjoni speċjali (€45). Dawn jistgħu jinxtraw mill-Kurja tal-Arċisqof, il-Furjana, mit-Tnejn sal-Ġimgħa bejn it-8am u t-3:30pm, bl-eċċezjoni tal-Ħamis… Kompli aqra »