Arkivji mensili: April 2010

MESSAĠĠ TA’ INDIEMA U SOGĦBA MILL-ISQFIJIET MALTIN

08/04/2010

Dan l-aħħar, il-Qdusija Tiegħu l-Papa Benedittu XVI, bagħat Ittra lill-Knisja fl-Irlanda dwar it-traġedja tal-abbużi sesswali fuq minuri. Fiha hu tkellem fuq il-kruha li hemm f’dawn  id-delitti. Huwa sejħilhom: “atti kriminali u ta’ dnub”.  Dan id-delitt, bil-mistħija tal-Knisja kollha, jidher iktar fil-kruha tiegħu meta huwa mwettaq minn saċerdoti. Aħna lkoll, bħala Knisja, irridu ngħaddu mill-indiema u mis-sogħba mhux biss għad-dnub ta’ dawk li għamlu dawn l-abbużi, iżda nħossu wkoll l-umiljazzjoni li dawn saru minn dawk li suppost, f’isem il-Knisja, kellhom id-dmir li jħarsu u jipproteġu lil dawn iż-żgħar… Kompli aqra »

“BIL-GĦATX GĦALL-ĦAJJA”

08/04/2010

“Dan hu l-irxoxt tagħna… meta nitgħallmu nagħrfu l-ħajja, li l-ħajja clean (bla droga) tagħtina sodisfazzjon iktar mill-ħajja bid-droga… il-konsegwenzi tad-droga koroh wisq… itellgħuk… itellgħuk fuq il-kalvarju”.

Hekk qal lil IL-ĠENSILLUM online Matthew (l-ismijiet huma fittizji biex titħares l-identità tal-persuni), żagħżugħ ta’ 22 sena li bħalissa qiegħed jagħmel il-programm ta’ rijabilitazzjoni mid-droga f’San Blas. L-istess bħal Mark, li hu tampar Matthew u li wkoll qiegħed fuq dan il-programm, għal numru ta’ snin, il-ħajja kienet appuntu kalvarju, li fiha, issa, xaqq id-dawl tal-‘qawmien’… Kompli aqra »

FR. CANTALAMESSA JIKKJARIFIKA R-REFERENZA LI GĦAMEL GĦAL-LHUD

07/04/2010

Fr Raniero Cantalamessa

Il-predikatur tal-Papa Benedittu XVI, Patri Raniero Cantalamesa esprima d-dispjaċir tiegħu għall-fatt li d-diskors li huwa għamel fil-Ġimgħa l-Kbira fil-preżenza tal-Papa, seta’ offenda lil-Lhud. Matul il-liturġija dakinhar huwa qara minn ittra li qal li rċieva mingħand ħabib tiegħu Lhudi li kkwotah jara fl-attakki riċenti tal-media fuq il-Papa u l-Knisja in konnessjoni mal-abbużi sesswali minn membri tal-kleru, aspetti ta’ anti-semitiżmu.

Tali kummenti qajmu furur fost ħafna Lhud u ġabu anki reazzjoni minn membri tal-Knisja Kattolika… Kompli aqra »

L-AĦĦAR PREPARAMENTI GĦAĊ-ĊERIMONJI TAL-WASLA U TAT-TLUQ FL-AJRUPORT INTERNAZZJONALI TA’ MALTA

07/04/2010

Nhar l-Erbgħa, 7 ta’ April, 2010, ingħataw dettalji dwar iċ-ċerimonji tal-wasla u t-tluq tal-Papa Benedittu XVI f’Malta, fl-Ajruport Internazzjonali ta’ Malta (MIA).

L-MIA, il-Membri tas-Sigurta tal-Ajruport (OMAS) u l-linja tal-ajru nazzjonali Air Malta flimkien mal-Forza Armati Maltin, lkoll huma nvoluti b’xi mod f’din iċ-ċerimonja hekk importanti.

Il-Papa mistenni jasal Malta s-Sibt 17, ta’ April, 2010 fil-5.00pm, fejn ser jiġi milqugħ mill-President ta’ Malta, George Abela, il-Prim Ministru, Lawrence Gonzi, l-Arċisqof ta’ Malta, Mons… Kompli aqra »

PELLEGRINAĠĠ PAWLIN BI TĦEJJIJA GĦAŻ-ŻJARA TAL-PAPA

06/04/2010

Bi tħejjija għaż-żjara tal-Papa f’Malta, nhar il-Ġimgħa, 9 ta’ April, se jsir Pellegrinaġġ Nazzjonali bis-sehem taż-żewġ djoċesi, Malta u Għawdex.  Il-pellegrinaġġ jibda minn ]dejn id-dar tal-Irtir ta’ Mt St Joseph, f’Tarġa Gap fis-6.15pm u jintemm b’ċerimonja qasira fil-pjazza ta’ quddiem is-Santwarju ta’ San Pawl tal-Ħġejjeġ, f’San Pawl il-Baħar. Matul iċ-ċerimonja titqabbad ħuġġieġa simbolika, jinqara r-rakkont tan-Nawfraġju mill-Atti tal-Appostli u jsir it-tiġdid tal-wegħdiet tal-Magħmudija bħala stqarrija tal-fidi li ġabilna l-Appostlu Missierna.  … Kompli aqra »

MESSAĠĠ TA’ L-ARĊISQOF GĦALL-GĦID IL-KBIR

06/04/2010

“Rajt lill-Mulej”

Kienet l-aħbar li Marija Maddalena tat lill-appostli f’dak il-Jum ta’ elfejn sena ilu. Kien l-iktar mod komuni kif il-bnedmin setgħu jagħtu l-aħbarijiet lil xulxin: bil-fomm!

Ġesu’ Rxoxt kellu modijiet oħra. Bħala dak li rxoxta ma ħalliiex f’idejn l-appostli biss biex jgħaddu din l-aħbar lil xulxin. Hu stess personalment beda jgħaddi din l-aħbar għaliex kien irxoxta. San Pawl jirrakonta id-dehra ta’ Ġesu’ rxoxt lil bosta nies, ibda minn Kefa (ara I Kor 15,5-8)… Kompli aqra »

Ċelebrazzjonijiet ta’ Jum iż-Żgħażagħ

05/04/2010

Il-Ħadd 28 ta’ Marzu, l-Arċidjocesi ta’ Malta ngħaqdet mal-kumplament tal-Knisja Kattolika biex tiċċelebra Jum iż-Żgħazagħ. L-attivitajiet bdew b’pellegrinaġġ bir-roti mill-parroċċa ta’ Haż-Żabbar sal-Parroċċa taż-Żejtun, fejn saret iċ-ċelebrazzjoni ta’ Jum iż-Żgħazagħ. Dan il-pellegrinaġġ sar biex jakkumpanja il-mixja li qed issir permezz tar-replika tas-salib u l-ikona li jintużaw fil-Jum Dinji taż-Żgħażagħ. Peress li din is-sena hija s-sena ddedikata lis-saċerdoti, fit-tieni parti ta’ l-attivita’ ġew organizzati numru ta’ workshops li fihom iż-żgħażagħ kellhom l-opportunita`li jiltaqgħu ma saċerdoti li jaħdmu f’oqsma relatati maż-żgħażagħ bħalma huma: il-parroċċi, l-iskejjel u ż-żgħażagħ li jinsabu f’mixja għas-saċerdozju… Kompli aqra »

WIRJA DWAR IL-PAPIET

05/04/2010

Nhar it-Tnejn, 5 ta’ April, 2010, l-Arċisqof Pawlu Cremon OP flimkien ma’ Mons. Tommaso Caputo, Nunzju Appostoliku ta’ Malta, attendew għall-inawgurazzjoni ta’ wirja li ġġib l-isem “Minn Benedittu sa Benedittu” fis-Sala Pardo fil-Ministeru tal-Affarijiet Barranin, il-Belt Valletta.

Il-Viċi Prim Ministru u Ministru tal-Affarijiet Barranin,  l-Onor. Dr Tonio Borg inawgura din il-wirja.  Ir-ritratti li ġew eżibiti ġew meħuda mill-ħajjiet tal-Papiet Benedittu XV, Piju XI, Piju XII, Ġwanni XXIII, Pawlu VI, Ġwanni Pawlu I, Ġwanni Pawlu II u Benedittu XVI, u sa tkun miftuħa għall-pubbliku bla ħlas matul il-ġranet tax-xogħol mis-6 sal-15 t’April… Kompli aqra »

ĊELEBRAZZJONI TAL-GĦID FIL-PALAZZ TAL-PRESIDENT

05/04/2010

Nhar il-Ħadd, 4 ta’ April, 2010, l-Arċisqof Pawlu Cremona OP iċċelebra Quddiesa fil-Palazz tal-President fl-okkażjoni ta’ l-ewwel Anniversarju mill-ħatra ta’ l-Eċċellenza Tiegħu, l-President ta’ Malta.

Agħfas fuq ir-ritratt biex tkabbar… Kompli aqra »

DOKUMENTI TAS-SANTA SEDE MIT-TIENI GWERRA DINJIJA… ISSA ONLINE

05/04/2010

Il-Vatikan ħabbar li dokumenti uffiċjali li jikkostitwixxu firxa ta’ iktar minn 40 sena huma issa aċċessibbli online. Il-ġabra sħiħa ta’ Actae Sanctae Sedis u l-Atti tas-Santa Sede bejn l-1865 u l-2007 magħrufa bħala l-Acta Apostolicae Sedis, issa huma aċċessibbli fuq l-internet f’format pdf.  Aċċessibbli wkoll hija kollezzjoni ta’ volume sħaħ ta’ Atti minn żmien it-tieni gwerra dinjija, ippubblikati b’ordni ta’ Pawlu VI fl-1965, editjati minn grupp speċjalizzat ta’ erba’ Ġiżwiti storiċi… Kompli aqra »