Wara t-talb tal-istazzjonijiet tas-Salib fil-Jum Dinji taż-Żgħażagħ nhar il-Ġimgħa 19 ta’ Awwissu filgħaxija, il-Papa Benedittu XVI saħaq mal-parteċipanti biex “ma jmorrux jinjoraw it-tbatija umana. . . għax huwa hawnhekk li Alla jistenna li inti tagħti l-aħjar tiegħek, il-kapaċità tiegħek għall-imħabba u l-kompassjoni”.

“Il-Passjoni ta’ Kristu tħeġġeġ biex nieħdu fuq spallejna t-tbatija tad-dinja,” il-Papa qal, “fiċ-ċertezza li Alla mhux ’l bogħod mill-bniedem u l-problemi tiegħu.”

Agħfas hawn biex tkompli taqra dan l-artiklu mis-sit www.il-gensillum.com Kompli aqra »

…

L-Istat ta’ Benin ħa pass biex sar is-sbatax-il Stat Afrikan li neħħa l-piena tal-mewt. Dan ftit xhur biss qabel iż-żjara li l-Papa Benedittu XVI se jkun qed jagħmel f’dal-pajjiż f’Novembru li ġej.

Nhar id-19 ta’ Awwissu, l-assemblea nazzjonali ta’ Benin ivvutat biex tingħaqad fil-protokoll internazzjonali li jsejjaħ sabiex titneħħa l-piena kapitali. Bir-ratifikazzjoni tal-President, Benin huwa l-74 Stat li ngħaqad fil-ftehim.

Il-Papa Benedittu XVI se jkun qed jagħmel żjara ta’ tliet ijiem f’nofs Novembru għall-150 anniversarju tal-evanġelizzazzjoni tal-pajjiż u sabiex jagħti l-eżortazzjoni appostolikamis-Sinodu tal-Afrika tal-2009… Kompli aqra »

“Il-proġett tal-Mulej” – hekk qed jirreferu għaliha s-sorijiet Klarissi ‘Dar Nazareth’, id-dar ġdida tagħhom li għadhom kemm fetħu fi Triq Santa Duminka, f’taċ-Ċawla, limiti tar-Rabat, Għawdex.

Dar Nazareth infetħet ilbieraħ, wara konċelebrazzjoni solenni ta’ radd il-ħajr li tmexxiet mill-Isqof t’Għawdex, Mons Mario Grech. Kien l-Isqof innifsu li ġimgħatejn ilu, fl-Ittra Pastorali li wassal lill-komunità fl-okkażjoni tal-festa ta’ Santa Marija, ħabbar il-ftuħ ta’ din id-Dar ġdida tas-sorijiet tal-klawsura fid-Djoċesi tiegħu… Kompli aqra »

L-Istitut ta’ Formazzjoni Pastorali flimkien mas-Segretrajat għall-Katekeżi u l-KDŻ, għall-ewwel darba fil-qasam tal-pastorali mal-Adolexxenti u Żgħażagħ qed jorganizza ġurnata rtir għall-Operaturi Pastorali kollha bil-għan li huma, qabel ma jerġgħu jibdew is-Sena Pastorali jkollhom opportunita’ ta’ tiġdid spiritwali personali liema tiġdid ikun ukoll ta’ benefiċċju għall-ħidma pastorali tagħhom.

Dan l-irtir ser isir nhar is-Sibt, 3 ta’ Settembru 2011, il-Lunzjata Rabat, mid-9.15a.m. – 6.00p.m. Il-prezz huwa ta €20.00… Kompli aqra »

F’dawn l-aħħar għaxar snin il-Fondazzjoni tal-Konkatidral ta’ San Ġwann nefqet aktar minn €4 miljuni fi proġetti ta’ restawr. Il-Fondazzjoni, li hi magħmula minn membri nominati mill-Arċisqof u oħrajn nominati mill-Prim Ministru, din is-sena qed tfakkar l-għaxra anniversarju mit-twaqqif tagħha.

Il-lista ta’ proġetti ta’ restawr hi waħda impressjonanti: ir-restawr sħiħ tal-kappella tal-Italja u dik ta’ Aragona; il-kappella tas-Sagrament u l-Madonna ta’ Filermos; ir-restawr tal-orgni storiku tal-Oratorju; restawr tal-pitturi ta’ San Ġorg fuq iż-Żiemel, San Karlu Borromeo, San Ġwann fid-Deżert, il-Verġni u Binha ma’ San Ġwann u Santa Eliżabbetta, il-Flaġellazzjoni ta’ Kristu, San Franġisk Saverju, San Ġakbu, u l-Martirju ta’ San Lawrenz, fost oħrajn… Kompli aqra »