Arkivji mensili: Mejju 2012

AKTAR MINN 800 KAŻ TA’ VJOLENZA DOMESTIKA S-SENA LI GĦADDIET

26/05/2012

Is-sena li għaddiet aktar minn 800 każ ta’ vjolenza domestika kienu rrappurtati lill-pulizija. Dan skont statistika ppreżentata fil-Parlament dan l-aħħar, li turi wkoll li bejn l-2005 u l-2011, il-każi ta’ vjolenza rrappurtati lill-pulizija żdiedu bi kważi erba’ darbiet. Fl-2005 l-għadd ta’ każi ta’ vjolenza kien ta’ 228, waqt li s-sena li għaddiet l-għadd tela’ għal 848.

Ċifri li l-Aġenzija Appoġġ għaddiet lil IL-ĠENSillum online juru wkoll li fl-istess sena, jiġifieri bejn Jannar u Diċembru 2011, is-Servizz ta’ Vjolenza Domestika tal-Aġenzija ħadem ma’ 803 każ… Kompli aqra »

ŻJARA AD LIMINA MILL-ARĊISQOF PAWLU CREMONA U L-ISQOF MARIO GRECH

26/05/2012

Nhar il-Tnejn li ġej l-Arċisqof Pawlu Cremona O.P. u l-Isqof Mario Grech se jkunu l-Vatikan għaż-żjara ad Limina dwar id-djoċesijiet ta’ Malta u Għawdex.

Iż-żjara hekk msejħa ad Limina ssir regolarment biex l-isqfijiet jagħtu rendikont dwar id-djoċesi li huma responsabbli għaliha. Normalment din iż-żjara ssir kull ħames snin u tinkludi numru ta’ laqgħat mad-dekasteri tal-Kurja Rumana. Dawn jinkludu s-Segreterija tal-Istat, il-Kongregazzjonijiet, it-Tribunali, l-Kunsilli u l-Uffiċċji Pontifiċji… Kompli aqra »

IL-KA DWAR IL-LOGĦOB TAN-NAR, IS-SAĦĦA U L-AMBJENT

25/05/2012

F’Ġunju tas-sena 2006, il-Kummissjoni Interdjoċesana Ambjent (KA) kienet ippubblikat dokument ta’ fehma fuq l-impatti ambjentali tal-festi f’Malta[i]. Din il-fehma kienet ibbażata fuq studju kkummissjonat mill-istess Kummissjoni fis-sena 2005 li nvestiga tmien festi. Dan l-istudju kien ipproduċa l-ewwel riżultati fuq il-livelli ta’ ħsejjes ikkaġunati mil-logħob tan-nar kif ukoll fuq l-ammont ta’ skart solidu ġġenerat minn dawn il-festi. Matul il-perjodu 2006-2008,  il-KA kompliet bl-investigazzjonijiet ikkummissjonati lill-Università ta’ Malta f’dan il-qasam… Kompli aqra »

IL-VATIKAN JIPPUBBLIKA REGOLI GĦALL-VERIFIKA F’KAŻI TA’ ALLEGATI DEHRIET TAL-MADONNA

25/05/2012

Alleged apparitions by Mary, Mother of God Cardinal William J Levada

Biex Isqfijiet jingħataw għajnuna għal meta jkunu fil-proċess li jiddeterminaw il-kredibilita ta’ allegati każi ta’ dehriet tal-Madonna, il-Vatikan traduċa u ppubblika regoli proċedurali tal-1978 u li kienu għadhom aċċessibbli biss bil-Latin. In-normi li jirrigwardaw il-manjiera tal-proċeduri fid-dixxerniment ta’ allegati każi ta’ dehriet tal-Madonna, kienu approvati minn Papa Pawlu VI fl-1978 u kienu mqassma lill-Isqfijiet madwar id-dinja kollha, anki jekk  qatt ma kienu uffiċjalment pubblikati u tradotti għal lingwi oħra… Kompli aqra »

IL-KNISJA KOMMESSA GĦAS-SAĦĦA

24/05/2012

Archbishop Zygmunt Zimowski

Il-Kap tad-delegazzjoni tas-Santa Sede għall-65 Assemblea Dinjija tas-Saħħa, l-Arċisqof Zygmunt Zimowski, irriafferma f’Geneva, l-Isvizzera, l-appoġġ tas-Santa Sede għar-Riżoluzzjoni WHA64.9 dwar “l-istrutturi finanzjarji tas-saħħa li jkunu sostenibbli u madwar id-dinja”, b’appell lill-iStati membri sabiex jimmiraw lejn saħħa li tkopri lil kulħadd, pedamentata fuq l-ekwita u s-solidarjeta.

Huwa fakkar li l-Papa stess enfasizza l-importanza ta’ ġustizzja distribwita realment, li abbżi tal-ħtiġijiet oġġettivi, tiggarantixxi kura adekwata għal kulħadd.Konsegwentement, biex ma ssirx inumana, id-dinja tas-saħħa ma tistax twarrab r-regoli morali li għandhom imexxuha… Kompli aqra »

PREŻENTAZZJONI TA’ KTIEB MIN-NEPUTI TA’ KOPPJA MIŻŻEWĠA VENERABBLI

24/05/2012

Il-koppja miżżewġa Settimio u Licia Manelli, kellhom 21 wild li tlettax minnhom baqgħu ħajjin. Minn mindu seħħet il-konverżjoni ta’ Settimio bis-saħħa ta’ San Piju ta’ Pietrelcina, ġewwa San Giovanni Rotondo, il-koppja qasmu l-ħajja miżżewġa tagħhom – kemm dik spiritwali kif ukoll materjali – taħt it-tmexxija tal-patri qaddis Padre Pio.

Għall-qdusija u l-virtujiet erojċi tagħhom, huma ġew iddikjarati mill-Knisja bħala Venerabbli… Kompli aqra »

ISSIR IL-PREŻENTAZZJONI TAL-LAQGĦA DINJIJA TAL-FAMILJA

23/05/2012

Il-Kardinal Ennio Antonelli, President tal-Kunsill Pontifiċju tal-Familja, flimkien mall-Arċisqof ta’ Milan, il-Kardinal Agelo Scola, u l-Professur tad-Dipartiment tas-Soċjoloġija fl-Universita ta’ Bologna fl-Italja, Pierpaolo Donati, ippresedew konferenza tal-aħbarijiet biex setgħu jippreżentaw is-seba’ laqgħa dinjija tal-familja li se ssir f’Milan bejn it-30 ta’ dax-xahar u t-3 ta’ Ġunju. It-tema se tkun “Il-Familja: Xogħol u Ċelebrazzjoni”.

Il-Kardinal Antonelli iffoka r-rimarki tiegħu fuq it-tħejjijiet għal din l-attivita li ilha mħabbra mill-Papa sentejn… Kompli aqra »

VĠILI TA’ PENTEKOSTE

22/05/2012

L-Appostli Franġiskani ta’ Ġesù u Marija, il-Couples for Christ u t-Tiġdid Kariżmatiku qed jingħaqdu flimkien biex jagħmlu esperjenza ta’ Pentekoste fid-dawl tas-sejħa li kien għamel l-Papa Ġwanni Pawlu II biex tinxtered il-kultura ta’ Pentekoste. Din hija stedina miftuħa għal kulħadd. Iċ-ċelebrazzjoni se ssir nhar is-Sibt 26 ta’ Mejju, 2012, fil-Knisja tal-Kapuċċini, Għajn Dwieli, Raħal Ġdid, bejn it-8:30 p.m. u l-11:30 p.m. Il-velja ta’ talb se tinkludi t-talba tar-ruzarju u ċ-ċelebrazzjoni tal-Ewkaristija… Kompli aqra »

IL-PAPA WAQT IKLA MAL-KARDINALI: ‘JEĦTIEĠ NISSIELTU L-ĦAŻEN’

22/05/2012

Pope Benedict XVI addreses a gathering of cardinals

Waqt ikla mal-Kulleġġ tal-Kardinali biex ifakkar is-seba’ anniversarju minn ftuħ il-Pontifikat tiegħu, il-Papa Benedittu XVI radd ħajr lill-eqreb kollaboraturi tiegħu għall-appoġġ tagħhom fil-jiem ta’ ferħ u anki f’dawk ta’ diffikulta tul iż-żmien li ilu jokkupa l-kariga ta’ Papa, fis-Sede ta’ Pietru.

Il-Papa beda biex radd ħajr ‘l Alla għall-jiem ta’ ferħ u anki għal dawk li sejjaħ ‘l-iljieli mdallma’… Kompli aqra »

’IL-KATTOLIĊI GĦANDHOM JAĊĊETTAW IL-KONĊILJU VATIKAN II, INKLUŻ DAK LI JGĦID DWAR IL-ĠUDAIŻMU’

21/05/2012

Ir-relazzjoni tal-Knisja Kattolika mal-Ġudaiżmu, kif mgħallma mill-Konċilju Vatikan II, flimkien mal-interpretazzjonijiet u l-iżiluppi ta’ dak it-tagħlim minn Papiet sussegwenti, “jorbtu lill-kattoliku”. Din id-dikjarazzjoni għamilha l-Uffiċjal tal-Vatikan responsabbli mir-relazzjonijiet mal-Lhud.

Il-Kardinal Svizzeru Kurt Koch, President tal-Kummissjoni Pontifiċja għar-relazzjonijiet reliġjużi mal-Lhud, hu li hu wkoll membru tal-Kongregazzjoni għad-Duttrina tal-Fidi, tkellem mal-mezzi tal-istampa wara taħdita dwar ir-relazzjonijiet bejn il-Kattoliċi u l-Lhud fid-dawl tad-dikjarazzjoni ‘Nostra Aetate’ tal-Konċilju Vatikan II, li titkellem dwar ir-relazzjonijiet tal-Knisja ma’ reliġjonijiet mhux insara… Kompli aqra »