John the Baptist

Il-Papa Benedittu XVI fakkar il-festa tat-twelid ta’ San Ġwann il-Battista u qal li kien hu li ħejja t-triq għall-Mulej. Ġwanni qal li kien vuċi, l-għajta fid-deżert, is-sejħa lill-poplu t’Alla għall-indiema. “Ejja nisimgħu l-vuċi tiegħu llum, u nagħmlu post għall-Mulej fil-qalb tagħna”.

Il-Kap tal-Knisja Kattolika qal li l-konċepiment ta’ Ġwanni għal Eliżabetta, qariba ta’ Marija, hu sinjal “li għal Alla ma hemm xejn li ma jistax isir”… Kompli aqra »

Fr Federico Lombardi sj, Papal spokesman.

l-Papa Benedittu XVI iltaqa’ mal-mexxejja tad-diversi dekasteri tal-Kurja ta’ Ruma u anki xi membri mill-Kulleġġ tal-Kardinali sabiex jevalwa ideat u jieħu pariri dwar il-mod kif għandha tiġi trattata l-kwistjoni ta’ dokumenti kunfidenzjali tal-Papa li spiċċaw f’idejn il-media.

Il-kelliem għall-Uffiċċju Stampa, Patri Federico Lombardi, qal fi stqarrija uffiċjali li l-Papa approfondixxa r-riflessjoni tiegħu permezz ta’ djalogu kontinwu ma’ dawk li jġorru miegħu l-piż u r-responsabbilta tat-tmexxija tal-Knisja… Kompli aqra »

Emilia Romagna earthquake effect

L-Uffiċċju Stampa tal-Vatikan ħabbar li nhar it-Tlieta 26 ta’ Ġunju, il-Papa Benedittu XVI se jkun qed iżur iż-żoni tar-reġjun Taljan ta’ Emilia Romagna li riċentament intlaqtu mit-terremot. Il-Papa hu skedat li jasal b’ħelikopter fil-grawnd tal-isport San Marino di Carpi fl-10am fejn se jintlaqa’ mill-kap tad-Dipartiment tal-Protezzjoni Ċivili Taljan.

Minn hemm se jkun qed jivjaġġa lejn Rovereto di Novi, jaqsam ir-‘red zone’ u jżur il-knisja ta’ Santa Katerina ta’ Alessandria li ġarrbet ħsarat estensivi wara ċ-ċaqliq tal-art li seħħ aktar kmieni… Kompli aqra »

Barack Obama

’sena kruċjali karatterizzata mill-elezzjonijiet fl-Istati Uniti tal-Amerika, karatterizzata wkoll minn konfrontazzjoni dwar il-liberta reliġjuża, l-Assoċjazzjoni Kattolika tas-Saħħa rrifjutat il-proposta tal-President Amerikan Barack Obama li jemenda r-regolamenti li jinfurzaw pjani fis-settur privat tas-saħħa fl-Amerika biex ikunu provduti servizzi ta’ sterilizzazzjoni u kontraċezzjoni, kif ukoll pilloli abortive.

Ir-rifjut tal-emendi proposti fir-rigward tal-mandat kontroversjali fil-qasam tal-kura tas-saħħa qed jitqies sinifikanti, speċjalment fid-dawl ta’ sforzi li saru mill-amministrazzjoni Obama sabiex finalment il-Knisja tappoġġjahom f’għajnuna lil Obama sabiex jikseb l-approvazzjoni fil-Kungress… Kompli aqra »

L-Erbgħa 27 ta’ Ġunju – il-voluntiera żgħażagħ se jagħtu bidu uffiċjali għall-esperjenzi tagħhom tas-sajf b’ċelebrazzjoni ġewwa l-kappella Medjevali ta’ San Girgor fiż-Żejtun. L-Arċisqof Pawlu Cremona O.P., b’mod simboliku, se jagħtihom il-mandat f’isem il-Knisja f’Malta.

Madwar 300 voluntier se jqattgħu bejn ġimgħatejn u xahrejn mill-vaganzi tagħhom f’servizz ma’ persuni fil-bżonn. L-esperjenzi tagħhom se jeħduhom f’diversi postijiet, mill-Indja sal-Afrika, l-Amerika Latina u anke l-Ewropa, inklużi proġetti f’Malta stess… Kompli aqra »