Għeżież ħuti, il-jum it-tajjeb!

Illum qed niċċelebraw il-Magħmudija tal-Mulej (cfr Mk 1,7-11). Din isseħħ fix-xmara Ġordan, fejn Ġwanni – imsejjaħ il-Battista propju minħabba f’hekk – qed jagħmel rit ta’ purifikazzjoni, li jesprimi impenn ta’ tbegħid mid-dnub u konverżjoni.  Il-poplu jmur biex jitgħammed bl-umiltà, bis-sinċerità u, kif tgħidilna l-Liturġija “b’qalb u saqajn għerja”, u Ġesù wkoll imur, u jinawgura l-ministeru tiegħu: b’hekk juri li jrid ikun qrib il-midinbin, li ġie minħabba fihom, għalina lkoll għax aħna lkoll midinbin… Kompli aqra »

Għeżież ħuti, il-jum it-tajjeb u l-festa t-tajba!

Illum qed niċċelebraw l-Epifanija tal-Mulej, jiġifieri l-mument meta Hu wera ruħu lill-popli kollha, irrappreżentati mill-Maġi (cfr Mt 2, 1-12).  Huma l-għorrief li qed ifittxu, li wara li tqanqlu hekk kif dehritilhom il-kewkba, jaqbdu t-triq u jaslu Betlehem. Hemmhekk isibu lil Ġesù, “ma’ Marija ommu”, jinxteħtu jagħtuh qima u joffrulu “deheb, inċens u mirra” (v. 11).

Bnedmin għorrief li jgħarfu l-preżenza t’Alla f’sempliċi Tarbija; mhux f’xi prinċep jew xi nobbli, imma f’iben nies foqra, u jinżlu jadurawh.  … Kompli aqra »

Għeżież ħuti, is-sena t-tajba!

F’dan il-jum li fih niċċelebraw lil Marija Santissma Omm Alla, inqiegħedu ż-żmien li ngħatalna taħt il-ħarsien attent tagħha. J’alla tindukrana tul din is-sena.

L-Evanġelju tal-lum jurina li l-kobor ta’ Marija mhux riżultat ta’ xi azzjoni straordinarja; pjuttost, waqt li r-ragħajja jħaffu lejn Betlehem wara li waslitilhom l-aħbar (cfr Lq 2,15-16), hi tibqa’ siekta.  Hu sinjal sabiħ is-skiet tal-Omm.  … Kompli aqra »

Għeżież ħuti, il-jum it-tajjeb!

Illum qed niċċelebraw il-festa tal-familja mqaddsa ta’ Ġesù, Marija u Ġużeppi.  L-Evanġelju jurihielna fit-tempju ta’ Ġerusalemm għall-preżentazzjoni tal-Bambin Ġesù (cfr Lq 2,22-40)m

Il-familja tasal fit-tempju u tieħu magħha l-offerta l-aktar umli fost dawk preskritti mill-liġi, bħala xhieda tal-faqar tagħha. Fl-aħħar Marija titħabbrilha profezija; sejf għad jinfidlek ruħek” (v. 35). Jaslu fil-faqar u jitilqu mgħobbijin bis-sofferenza.  … Kompli aqra »

Għeżież ħuti, il-Ħadd it-tajjeb!

Illum, fir-raba’ Ħadd tal-Avvent, l-Evanġelju jippreżentalna x-xena tat-Tħabbira tal-Anġlu (ara Lq 1:26-38).  Biex jispjega lil Marija kif kellha tnissel lil Ġesù, l-anġlu jgħidilha: “L-Ispirtu s-Santu jiġi fuqek, u l-qawwa tal-Għoli tixħet id-dell tagħha fuqek” (v. 35). Nieqfu ftit fuq din it-tixbiha: id-dell.

F’art bħal dik fejn kienet għix Marija, b’xemx tiżreġ bla ma taqta’, sħaba għaddejja, siġra li tirreżisti n-nixfa, tinda li tilqgħek, jaħju u jipproteġu.  Id-dell hu don li jistejqer, l-anġlu propju hekk jiddeskrivi l-mod li bih l-Ispirtu s-Santu jinżel fuq Marija, il-mod ta’ kif jaħdem Alla… Kompli aqra »

Għeżież ħuti, il-jum it-tajjeb!

F’dan it-tieni Ħadd tal-Avvent, l-Evanġelju jkellimna dwar Ġwanni l-Battista, il-prekursur ta’ Ġesù (cfr Mk 1,1-8), u jiddeskriviehulna bħala “leħen ta’ wieħed jgħajjat fid-deżert” (v. 3). Id-deżert, imkien għeri, fejn m’hemmx komunikazzjoni, u l-vuċi, il-mezz li bih nitkellmu, jidhru qishom żewġ tixbihat kontradittorji, imma fil-Battista jingħaqdu flimkien.

Id-deżert. Hemmhekk Ġwanni jippriedka qrib ix-xmara Ġordan, qrib il-post li minnu, ħafna sekli qabel, il-poplu tiegħu kien daħal fl-art imwiegħda.  … Kompli aqra »

Għeżież ħuti, il-jum it-tajjeb u l-festa t-tajba!

Illum, solennità tal-Kunċizzjoni Immakulata, l-Evanġelju jagħtina x-xena tat-Tħabbira tal-Anġlu (cfr Lq 1,26-38). Din ix-xena turina żewġ atteġġjamenti ta’ Marija li jgħinuna nifhmu kif hi għożżot id-don uniku li rċeviet, dak ta’ qalb ħielsa għal kollox mid-dnub. Dawn l-atteġġjamenti huma l-istagħġib għall-opra t’Alla u l-fedeltà fl-affarijiet sempliċi.

Naraw l-ewwel l-istagħġib.  … Kompli aqra »

Għeżież ħuti, il-Ħadd it-tajjeb!

Illum ukoll ma nistax naqra kollox: sejjer għall-aħjar imma l-vuċi għadha mhix ittini.  Se jaqra l-katekeżi Mons. Braida.

Illum, l-ewwel Ħadd tal-Avvent, fl-Evanġelju qasir li ttina l-Liturġija (cfr Mk 13,33-37), għal tliet darbiet Ġesù jħeġġiġna b’eżortazzjoni sempliċi u diretta “Ishru” (vv. 33.35.37).

Għalhekk is-suġġett huwa s-sahra. Kif nistgħu nifhmuha?  … Kompli aqra »

Għeżież ħuti, il-Ħadd it-tajjeb!

Il-Papa: Illum ma nistax noħroġ fit-tieqa għax għandi infezzjoni fil-pulmuni u se jaqra r-riflessjoni Mons. Braida għax jafha sew, għax hu jagħmilhom u dejjem ikunu tajbin ħafna!  Grazzi ħafna tal-preżenza tagħkom. 

Mons Braida: 

Illum, l-aħħar Ħadd tas-Sena Liturġika hija s-Solennità ta’ Kristu Sultan tal-Ħolqien kollu, l-Evanġelju jkellimna dwar il-ġudizzju universali (cfr Mt 25,31-46) u jgħidilna li dan se jkun dwar il-karità… Kompli aqra »