L-Aħbarijiet

L-Arċisqof Emeritu Pawlu Cremona jingħata l-Palma tad-Deheb ta’ Ġerusalemm

06/11/2021   Il-Konkatidral ta' San Ġwann, il-Belt Valletta

L-Arċisqof Emeritu Pawlu Cremona ngħata l-Palma tad-Deheb ta’ Ġerusalemm b’għarfien għas-servizz li ta lill-Knisja. Hu ngħata dan l-unur waqt l-investitura tal-Ordni Ekwestri tas-Santu Sepulkru ta’ Ġerusalemm, li saret is-Sibt, 6 ta’ Novembru, fil-Konkatidral ta’ San Ġwann, il-Belt Valletta.

Il-Palma tad-Deheb hi meqjusa bħala l-ogħla unur fl-ordni. Wara, l-Arċisqof Emeritu kkonċelebra quddiesa mal-Arċisqof Charles Scicluna. Il-quddiesa tmexxiet mill-Kardinal Fernando Filoni, li hu Gran Mastru tal-istess ordni… Kompli aqra »

Il-Papa: Tbissima tista’ tagħti tifsira lil ġurnata ta’ xi ħadd marid

06/11/2021

Pope Francis on Friday morning travelled to Rome’s Gemelli Catholic University Hospital to celebrate Holy Mass marking the 60th anniversary of the foundation of its Faculty of Medicine and Surgery, named for the Sacred Heart of Jesus.

The hospital, and its University campus, dedicated to the memory and vision of Father Agostino Gemelli,  is one of the most important and internationally acclaimed care providers in Italy… Kompli aqra »

Heritage Malta tippreżenta lill-Arċisqof ir-reġistrazzjoni tal-arma araldika ta’ kunjomu

03/11/2021

Heritage Malta ppreżentat lill-Arċisqof Charles Jude Scicluna d-dokument li jirreġistra l-arma araldika ta’ kunjomu mal-Uffiċċju tal-Kap Araldista ta’ Malta. Il-kunjom ‘Scicluna’ huwa antik ħafna u aktarx oriġina fi Sqallija.

Il-preżentazzjoni saret fil-Kurja tal-Arċisqof, il-Furjana, mill-Kap Araldista ta’ Malta, Dott. Charles A. Gauci, li l-uffiċċju tiegħu jaqa’ taħt Heritage Malta u jirregola l-emblemi araldiċi kollha fil-Gżejjer Maltin. Preżenti kien hemm ukoll Anthony Scicluna, Chairman ta’ Heritage Malta; Russell Muscat, Manager għar-Relazzjonijiet Internazzjonali ta’ Heritage Malta; u Roberto Buontempo, Logutenent tal-Ordni Santu Sepulkru ta’ Ġerusalem f’Malta… Kompli aqra »

Premju Ewropew għad-Dar tal-Providenza

01/11/2021

Id-Dar tal-Providenza, deskritta bħala ‘monument tal-ħniena’, ingħatat il-Premju taċ-Ċittadin 2021 tal-Parlament Ewropew għal Malta, b’rikonoxximent tal-espressjoni li jagħti l-aħjar valuri Maltin u Ewropej.

In-nomina tad-Dar tal-Providenza, tressqet mill-Membri Parlamentari Ewropej Roberta Metsola u David Casa, fejn qalu li l-missjoni tal-proġett li jipprovdi djar b’ambjent simili għall-familja, hi waħda li tintegra u tagħti s-setgħa lin-nies b’diżabbiltà fil-komunità, f’konformità man-normi u l-valuri tal-UE, u dan ix-xogħol kompla jitwettaq anke fiċ-ċirkostanzi diffiċli tas-sena l-oħra… Kompli aqra »

Quddiesa fil-festa tal-Qaddisin Kollha – 1 ta’ Novembru, 6:30pm

01/11/2021   Il-Konkatidral ta' San Ġwann, il-Belt Valletta

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

Ċelebrazzjonijiet liturġiċi mill-Arċisqof Charles Jude Scicluna f’Novembru 2021

30/10/2021

L‑Arċisqof iċċelebra Quddiesa fit‑Tifkira tal‑Mejtin Kollha, fiċ‑Ċimiterju tal‑Addolorata, Raħal Ġdid. Aktar ritratti: knisja.mt/ritratti

Matul ix‑xahar ta’ Novembru, l‑Arċisqof Charles Jude Scicluna se jkompli jiċċelebra quddies matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt.

Il‑quddies organizzat mill‑Arċidjoċesi ta’ Malta qed jixxandar:

  • Mit‑Tnejn sal‑Ġimgħa fid‑9:30 a.m. mill‑Kappella tal‑Madonna ta’ Manresa, fil‑Kurja tal‑Arċisqof, il‑Furjana…

    • Kompli aqra »

COMECE: “Huwa vitali naħdmu għal Ewropa li jkollha ruħ”

L-Isqof Awżiljarju Joseph Galea-Curmi rrappreżenta lill-Konferenza Episkopali Maltija

30/10/2021

For the first time since the beginning of the COVID-19 pandemic, the Bishops of COMECE gathered in Brussels for their Autumn Assembly – this time focusing on the Conference on the Future of Europe and the role of the youth in boosting the European integration process.

While renewing the support of the Catholic Church for this EU initiative and its stated goal to allow citizens to debate on Europe’s challenges and priorities, the Bishops highlighted the need to further involve Churches and the youth at the local, national and European level… Kompli aqra »

Il-festa tal-Qaddisin kollha u t-tifkira tal-Mejtin kollha

Żewġ seminaristi se jitolbu lill‑Arċisqof jaċċettahom bħala kandidati għall‑Ordinazzjoni Djakonali u Saċerdotali

29/10/2021

Nhar it‑Tnejn, l‑1 ta’ Novembru 2021, fis‑6:30 p.m., l‑Arċisqof Charles Jude Scicluna ser jiċċelebra quddiesa fil‑festa tal‑Qaddisin Kollha, fil‑Konkatidral ta’ San Ġwann, il‑Belt Valletta. Waqt il‑quddiesa żewġ seminaristi fil‑ħames sena ta’ preparazzjoni fis‑Seminarju, ser jitolbu lill‑Arċisqof biex jaċċettahom uffiċjalment bħala kandidati għall‑Ordinazzjoni Djakonali u Saċerdotali. Din il‑quddiesa se tixxandar fuq Knisja.mt u Newsbook.com.mt.

It‑Tlieta, 2 ta’ Novembru, fid‑9:30 a.m., fit‑Tifkira tal‑Mejtin Kollha, l‑Arċisqof ser jiċċelebra quddiesa fil‑Knisja taċ‑Ċimiterju tal‑Erwieħ, Ħal Tarxien… Kompli aqra »

Żewġ kandidati ġodda għas-saċerdozju

28/10/2021

Żewġ seminaristi fil‑ħames sena ta’ preparazzjoni fis‑Seminarju tal‑Arċisqof se jitolbu lill‑Arċisqof Charles Jude Scicluna biex jaċċettahom bħala kandidati għall‑Ordinazzjoni Djakonali u Saċerdotali. Din iċ‑ċelebrazzjoni ser issir nhar it‑Tnejn, l‑1 ta’ Novembru 2021, waqt il‑quddiesa f’Jum il‑Qaddisin Kollha fil‑Konkatidral ta’ San Ġwann, il‑Belt Valletta, fis‑6:30 p.m.

Malcolm Saliba mill‑Parroċċa ta’ Santa Marija, Ħ’Attard, u Karl Andrew Schembri mill‑Parroċċa tat‑Twelid tal‑Verġni Marija, il‑Mellieħa, ser jistqarru pubblikament ir‑rieda tagħhom li joffru lilhom infushom lill‑Knisja biex iservu bħala saċerdoti… Kompli aqra »