Stqarrijiet għall-Istampa

Team ġdid ta’ saċerdoti għaċ-Chaplaincy tal-Isptar Mater Dei

27/03/2023

F’dawn l-aħħar xhur il-ħidma pastorali fl-Isptar Mater Dei għaddiet mill-Provinċja tal-Patrijiet Kapuċċini f’idejn l-Arċidjoċesi ta’ Malta. L-Arċisqof Charles Scicluna ħatar team ta’ saċerdoti biex il-ħidma pastorali fl-isptar tibqa’ tingħata 24 siegħa kuljum mit-Tnejn sal-Ħadd. It-team taċ-Chaplaincy illum hu magħmul minn Dun Louis Farrugia, Dun Reuben Vella, Dun Reuben Deguara u Dun René Camilleri bħala koordinatur ta’ din il-ħidma.

Monsinjur Arċisqof irringrazzja lill-Provinċja tal-Patrijiet Kapuċċini tal-ħidma li dejjem tat għal snin twal fl-Isptar Mater Dei, u qabel fl-Isptar San Luqa, kif ukoll tal-ħidma li għadha twettaq fis-Sir Anthony Mamo Oncology Centre… Kompli aqra »

Kappillan ġdid għall-parroċċa ta’ Wied il-Għajn

26/03/2023

L‑Arċisqof Charles J. Scicluna ħatar lil Dun Luke Cutajar bħala kappillan tal‑Parroċċa ta’ Sant’Anna, Wied il-Għajn.

Dun Luke Cutajar twieled is-Siġġiewi fit-22 ta’ Jannar 1988 u trabba r-Rabat. Huwa rċieva l-edukazzjoni primarja u sekondarja fil-Kulleġġ Stella Maris, il-Gżira, u kompla s-Sixth Form fil-Kulleġġ De La Salle, il-Birgu. Kompla l-istudji terzjarji (Filosofija u Teoloġija) u Liċenzjat fit-Teoloġija Pastorali, fl-Università ta’ Malta.

Dun Luke Cutajar ġie ordnat saċerdot fl‑2014… Kompli aqra »

Nibqgħu nakkumpanjaw l-għeżież tagħna b’rispett u dinjità

Ittra Pastorali għar-Randan 2023

25/03/2023

“Jien hu l-qawmien u l-ħajja. Kull min jemmen fija, ukoll jekk imut, jgħix u kull min jgħix u jemmen fija, dan ma jmut qatt. Temmnu inti dan?” (Ġw 11:25-26). Ġesù jagħmel din il-mistoqsija lil Marta, oħt Lazzru u Marija, tlieta mill-ħbieb intimi ta’ Ġesù. L-Evanġelju li għadna kemm smajna llum jgħidilna ċar li Ġesù kien iħobbhom ħafna lil Marta, Marija u Lazzru.

Fil-bidu tal-Evanġelju li smajna tasal l-aħbar lil Ġesù li l-ħabib tiegħu Lazzru marid: “Mulej, ara ħabibek marid” (Ġw 11:3)… Kompli aqra »

Is-saċerdot se jilqa’ l-korteo funebri fil-bieb tal-knisja minflok fil-kamra mortwarja

24/03/2023

L-Arċidjoċesi ta’ Malta ddeċidiet li mix-xahar id-dieħel is-saċerdot se jilqa’ l-korteo funebri fil-bieb tal-knisja, fejn isir it-tberik qabel il-quddiesa, minflok jakkumpanja l-korteo mill-kamra mortwarja sal-knisja.

Kelliema għall-Arċidjoċesi qalet li “l-Isqfijiet ħadu din id-deċiżjoni diffiċli wara li kkonsultaw mal-kappillani. Dan minħabba li n-numru tal-kleru fil-parroċċi qiegħed dejjem jonqos, il-ħin tal-ivvjaġġar dejjem qed ikompli jitwal, u l-ħtieġa li s-saċerdoti jkunu preżenti fil-knisja qabel il-funeral biex ikunu ta’ wens għall-qraba u l-ħbieb kif ukoll għall-qrar.”

Is-saċerdoti se jibqgħu preżenti meta tmut persuna, kemm f’residenzi kif ukoll fl-isptar, u se jibqgħu jieħdu sehem fil-purċissjoni mill-knisja saċ-ċimiterju fejn issir id-difna… Kompli aqra »

L-impjegati tal-Arċidjoċesi ta’ Malta offruti skema speċjali minn APS Bank

22/03/2023

L-Arċidjoċesi ta’ Malta ffirmat ftehim mal-APS Bank plc, li permezz tiegħu l-impjegati tagħha jkunu jistgħu jgawdu minn termini speċjali u benefiċċji oħra fuq għadd ta’ prodotti u servizzi offruti mill-bank.

Il-ftehim ġie ffirmat fil-Kurja tal-Arċisqof fil-Furjana nhar it-Tnejn 20 ta’ Marzu 2023 mill-Isqof Awżiljarju Joseph Galea-Curmi, is-Segretarju Amministrattiv tal-Arċidjoċesi Michael Pace Ross, il-Kap Uffiċjal tal-APS Bank Anthony Buttigieg u l-Kap tar-Retail tal-APS Bank Aaron Mifsud… Kompli aqra »

€285,662 miġbura għat-Turkija u s-Sirja

22/03/2023

Il‑poplu Malti u Għawdxi ġabar is‑somma ta’ €285,662 f’sitt ġimgħat għal sejħa ta’ emerġenza li saret mill‑Isqfijiet ta’ Malta u Għawdex b’risq il‑poplu tat‑Turkija u s‑Sirja, li ntlaqtu minn terremot li ħalla eluf kbar ta’ persuni mejta taħt it‑tiġrif. 

Id‑donazzjonijet ingħataw minn individwi, parroċċi, skejjel, kumpaniji u entitajiet oħra privati li wasslu d‑donazzjonijiet tagħhom permezz ta’ kontijiet ta’ emerġenza miftuħa apposta minn Caritas Malta… Kompli aqra »

Arċipriet u żewġ kappillani ġodda

19/03/2023

Dun Roderick Camilleri Arċipriet ġdid għall-Parroċċa tal-Madonna tal-Grazzja, Ħaż-Żabbar

L-Arċisqof Charles J. Scicluna ħatar lil Dun Roderick Camilleri bħala arċipriet tal-Parroċċa tal-Madonna tal-Grazzja, Ħaż-Żabbar.

Dun Roderick Camilleri twieled Ħaż-Żabbar fis-27 ta’ Jannar 1984. Huwa rċieva l-edukazzjoni primarja fl-iskola ta’ Ħaż-Żabbar, l-edukazzjoni sekondarja fil-Liċeo Ġużeppi Despott Verdala, Bormla, u kompla s-6th Form fil-Higher Secondary, in-Naxxar. Kompla l-istudji terzjarji (Filosofija u Teoloġija) u Liċenzjat fit-Teoloġija Pastorali, fl-Università ta’ Malta… Kompli aqra »

Stedina għall-Kattoliċi kollha f’Malta

18/03/2023

Biex jiċċelebra d-diversità fl-għaqda tal-fidi Kattolika, l-Arċisqof Charles Scicluna se jiċċelebra quddiesa bl-Ingliż flimkien mal-Kattoliċi kollha li jitkellmu lingwi differenti, iżda kollha jqisu lil Malta bħala darhom, biex jiċċelebraw is-sbuħija tad-diversità tagħhom waqt li jaqsmu bejniethom l-għaqda tal-Ewkaristija.

Il-quddiesa se ssir fil-25 ta’ Marzu fil-6pm fil-Katidral ta’ San Pawl, l-Imdina. Wara jkun hemm riċeviment żgħir biex dawk preżenti jkunu jistgħu jkomplu jiċċelebraw din l-għaqda… Kompli aqra »

Quddiesa fl-10 anniversarju mill-elezzjoni tal-Papa Franġisku

09/03/2023

Nhar is-Sibt 18 ta’ Marzu 2023, l-Arċisqof Charles Jude Scicluna se jiċċelebra quddiesa ta’ radd il-ħajr f’għeluq l-10 snin mill-elezzjoni tal-Papa Franġisku fil-Konkatidral ta’ San Ġwann fil-Belt Valletta, fid-9:30am.

Il-Papa Franġisku ġie elett fit-13 ta’ Marzu 2013 u beda uffiċjalment il-ministeru pastorali tiegħu bħala Isqof ta’ Ruma u Ragħaj tal-Knisja Universali fid-19 ta’ Marzu 2013, fis-Solennità ta’ San Ġużepp.

Kulħadd mistieden jattendi għal din iċ-ċelebrazzjoni u jirringrazzja lil Alla ta’ dan id-don kbir li ta lill-Knisja tiegħu, u tal-ġid kbir li għamel il-Papa Franġisku tul dawn is-snin… Kompli aqra »

Ċelebrazzjonijiet liturġiċi mill-Arċisqof Charles Jude Scicluna f’Marzu 2023

01/03/2023

Matul ix-xahar ta’ Marzu, l-Arċisqof Charles Jude Scicluna se jkompli jiċċelebra l-quddies ta’ matul il-ġimgħa kif ukoll nhar ta’ Ħadd. Dawn iċ-ċelebrazzjonijiet liturġiċi qed jixxandru fuq TVM, Knisja.mt u Newsbook.com.mt. 

Il-quddies organizzat mill-Arċidjoċesi ta’ Malta qed jixxandar: 

  • Mit-Tnejn sas-Sibt fid-9:30 a.m., mill-Kappella tal-Madonna ta’ Manresa, fil-Kurja tal-Arċisqof, il-Furjana. Wara l-quddiesa tingħad it-talba tar-rużarju li tixxandar fuq Knisja.mt u Newsbook.com.mt, u Facebook u YouTube tal-Arċidjoċesi ta’ Malta. 
  • Kull nhar ta’ Ħadd fid-9:30 a.m., tiġi ċċelebrata quddiesa fuq TVM, fuq Knisja.mt u Newsbook.com.mt, u Facebook u YouTube tal-Arċidjoċesi ta’ Malta. 

F’dawn il-ġranet Monsinjur Arċisqof se jiċċelebra l-quddies f’dawn il-knejjes: 

L-Erbgħa 1 ta’ Marzu, 6:30 p.m… Kompli aqra »